اقتراحتكم في نوع العربية المناسبة و جنسية السائق

**إنسانة** · 24-01-2015 04:05 AM

السلام عليكم

إيه أنسب عربية لمشاوير بسيطة الشغل وحضانة بنتي غالبا مش هحتاجها غير في كدا

واللي هيسوقها سائق خاص "غالبا مش متمرس في قيادة السيارة "

واحنا 2 فقط و السائق يعني مش لازم كبيرة

وايه افضل جنسية في السائقين لإني جربت الباكستاني كان عصبي وسيء جدا في مواعيده وسعات مش بييجي على الموعد خالص و بيمشي بسرعة بس مكنش سائق خاص

الميزانية : اقساط مش كاش ففي سعة في الاختيار لان مش مهم المدة بس تكون في حدود 1500 في الشهر

بس محتاجة اعرف العربية هتصرف كام و السائق هيكون راتبه في حدود كام وايه المصاريف الخاصة بيه اللي المفروض اوفرها يعني مجمل تكلفته شهريا و اوقات عمله واوقات راحته
وازاي اضمن انه مش هيبوظلي العربية

سالت الناس اللي بتتعامل مع سواقين لقيت المسألة مفهاش اي وضوح يعني بيدوه المرتب متأخر عشان مايهربش و مش بيدوه الا نصه و النص التاني بيجمعوه لمدة ومفيش اوقات عمل او راحة محددة
مش هينفع اتبع الطريقة دي عايزة كل حاجة تبقى واضحة هل دا ينفع ويضمن حقي وحقه ؟

كمان انا هسافر شهر ابريل لمدة 3 شهور هل ممكن ارسله للعمل عند زميلة ليا في الفترة دي ؟

**hitman235** · 24-01-2015 10:12 AM

لو انتى بره مكه و المدينه هاتى سواق فليبينى او اندونيسى الجنسيات دى محترمة عن الهنود و البنغاله و يمكن المصريين كمان و مش بتوع كلام كتير و صبورين و مؤدبين ( اغلب الى شوفتهم كده) سواء فى قطر او فى السعودية
انا قصدى بمكه و المدينه انه ممكن يكون مش مسلم

**mr_vampire** · 24-01-2015 11:06 AM

اللي اقدر اقولهولك ابعدي عن الجنسية الباكستاني خاااااااالص.

**أحمد كمال** · 24-01-2015 01:52 PM

ما تزعلوش اما تسمعوا جنسيات تانية بتقول المصري كذا و كذا و تعمم علينا كلنا ..... كل جنسية فيها الحلو و الوحش ....... طبيعي ان فيه جنسيات بتزيد فيها بعض الصفات بنسبة عن جنسيات احرى بس مش لدرجة اني اعين من جنسية و جنسية لأ

**أحمد كمال** · 24-01-2015 01:54 PM

الاخ اللي بيقول ان الاندونيسي ممكن ما يكونش مسلم

حضرتك مش عارف ان اندونيسيا فيها اكبر تعداد مسلمين على وجه الأرض (202 مسلم يعني حوالي 3 اضعاف مسلمي مصر) و نسبة مسلميها 87% يعني فرصة ان الاندونيسي يكون مش مسلم لا تتجاوز 13% ؟؟؟؟

**أحمد كمال** · 24-01-2015 02:11 PM

المشاركة الأصلية كتبت بواسطة hitman235

انا قايل فلبينى او اندونيسى و اغلب الفلبينيين مش مسلمين الاندوسينيين اعتقد نسبة المسلمين اقل من كده

انا ما جبتش سيرة الفلبينيين لان المسلمين في الفلبين اقلية فعلا

بس اندونيسيا يا ريت تراجع معلوماتك ...... انا بصيت في ويكيبيديا و اتاكدت قبل ما ارد عليك (انا كنت متاكد بس زيادة تاكد برضه بصيت)

Islam in Indonesia - Wikipedia, the free encyclopedia

Indonesia is constitutionally a secular state, with Islam being the dominant religion in country, which also has a larger Muslim population than any other country in the world, with approximately 202.9 million identifying themselves as Muslim (87.2% of Indonesia's total population of 237 million in 2011).[1]

**إنسانة** · 24-01-2015 05:32 PM

المشاركة الأصلية كتبت بواسطة أحمد كمال

ما تزعلوش اما تسمعوا جنسيات تانية بتقول المصري كذا و كذا و تعمم علينا كلنا ..... كل جنسية فيها الحلو و الوحش ....... طبيعي ان فيه جنسيات بتزيد فيها بعض الصفات بنسبة عن جنسيات احرى بس مش لدرجة اني اعين من جنسية و جنسية لأ

مش كدا بجد بس اصل دي زي المهنة اللي داخلة في طبيعة البيئة اللي نشأ فيها السواق وطبيعة البيئة اللي فيها الأسرة المضيفة مش اي جنسية تنفع يكون سائق لأسرة في السعودية

يعني مش هينفع مثلا يبقى مصري او سوري مش لعيب فيهم بس لإنهم عرب فيه اسباب كتير تخلي الأسر تتحفظ على الجنسيات دي وغالبا الزوج نفسه مش بس هيرفض الفكرة دا ممكن يلغيها خالص لو جبتله سيرة الجنسيات دي