اقتباس المشاركة الأصلية كتبت بواسطة medo11_1 مشاهدة المشاركة
بص يا باشا انا كل كلامى هيكون على السيراتو علشان دى الى شدتنى بعد ما كنت مقرر انها شارك لانى بعشق اللانسر و كنت راكب البوما و عاجبانى جدا و مريحانى الحمد لله بس غيرت رائى لما لقيت ان فيها لعب كتييييييير اوى و حاجات متركبه هنا و كدة و خصوصا انا كنت مصر ان يكون فيها abs و اتفرجت على تالت فئة لقتها ب 144.5 تقريبا و شرق اوسط و ساعتها واحد صاحبى جاب سيراتو بنفس السعر تقريبا بس الاوبشنز اعلى و اكتر كتييير و الشنطة واسعة و جميله
و بالنسبة للشرق اوسط فمصر بتعتبر شرق اوسط يهنى العربية بتاعو الوكيل هى هى الشرق اوسط بس بيبقى فى فرق فى الاوبشنز شويه . و بيقولو ان الخليجى ( كويتى سعودى اماراتى بقى ) انهم بكون دهانهم و تكييفهم احسن على الرغم ان مفيش حد اثبت دة خالص و خصوصا بالنسبة للسيراتو لما كنت بدور كنت ببص على vin code كلهم كانو تروبيكال زوون كامناخ يعنى فانا عن نفسى مقتنع انها مش فارقة
و انا كنت رايح اشترى السيراتو شرق اوسط ب 165 و لسه هشتريلها ضمان تبع تريبل ايه ب 2500 لمدة 3 سنين يعنى كدة 167.5 او خمس سنين ب 5000 تقريبا يعنى 170 و كانت الوكيل نفس المواصفات بالظبط ب 173 و كمان بتزيد ايرباج تانى و مرايات ضم و كدة او كدة دى ضمان الوكيل 5 سنسن او 100000 كم
فكدة انا هدفع اكتر 3000 و هاخد بيهم مرايات ضم و ايرباج زيادة و ضمان الوكيل بدل تريبل ايه و بيتهايئلى كدة اامن
معلش طولت عليك بس فى النهاية هقولك لو انت هتشترى حاجة فئة اولى او تانيه هقولك خليك فى الخليجى علشان هتاخد مواصفات اكتر مش هتقدر تجيبها فى الوكيل
انما لو هتجيب فئة عالية فهتلاقى المواصفات الى انت عايزها فيها ساعتها احسبها صح و شوف انهى احسن بالنسبالك
و مبروك مقدما

دلوقت الوضع أتغير خالص ... دلوقت حضرتك بنفس السعر الشارك فيها كماليات أكتر من السيراتو ..انا بصراحه الحاجه الوحيده اللى شايفها فى صالح السيراتو ان شكلها جديد وحلو ..لكن بنفس السعر 157000 اللانسر الشرق أوسط فيها كماليات أكتر بكتييير من السيراتو ...فبصراحة مش عارف ده غير ان فى ناس ليها رأى بتقول ان فة اعادة البيع السيراتو هتكون أفضل من اللانسر ..بصراحه انا دماغى من وقت للتانى تتردد وارجع افكر فى السيراتو ومش عارف أستقر