السلام عليكم
أنا لسه مشترك جديد معاكم .
انا كنت عايز حد يفيدنى لو سمحتم فى الموضوع ده بأقصى سرعه
أنا روحت عند سمير ريان و سألت عن الشارك الوكيل 2015 فقالولى هناك على حاجه اسمها شارك "شرق أوسط " بضمان هاى تريد ..بصراحه العربيه فى نفس الفئه بتاعتها فيها مميزات كتير فرق عن الخليجى و المصرى أهمها العزل اللى فى الكابوت و الموتور و زجاج ملون و دى فى دى و كاميرا سينسور خلفى و شبوره و تابلوه ابانوس دول اهم حاجه تقريبا وكل ده بسعر 157000 ج ...فبصراحه انا عجبانى جدا بس مقلق من موضوع شرق اوسط دى لان فى ناس بتقول ان احتمالية العربيه بتبقى مش عاليه زى المصرى والخليجى او انها اقل فى التكيف و العفشه وكلام كتير لا اعلم صحته ...لكن الرجل فى المعرض اقسم لى انه مفيش فرق خالص بينهم ولو فى فرق هيبقى اكيد احسن من الوكيل
ياريت تفيدونى وتفهمونى اذا كان فى فرق بين الشرق الاوسط دى و الخليجى و المصرى و لا لا .. وأذا كان توكيل هاى تريد ده محترم ؟؟
أسف للأطاله