تغير ميه الرياداتير كورسا 95

**m_hamdy1976** · 05-11-2008 10:36 AM

السلام عليكم
بصوا انا عندي مشكله ان العربيه بتسخن شويه و لما سالت الميكانيكي بص لقا الميه لونها متغير قاللي دي متأكسده وعايزة تتغير
المهم انا طبعا كنت هتصرف من دماغي واشفط الميه الموجوده واحط غيرها بس قالولي لا ده لازم الريادتير يفضي من الميه اللي فيه
وطبعا انا ساكن في حته مفيهاش ولا بتاع ريادتير وبيني وبينكم حبيت اتقمص دور الصنايعي واعملها انا
ممكن حد يفيدني افضي الميه ازاي اللي جوه الريادتير ؟

**romeeoo** · 05-11-2008 03:43 PM

روح لواحد بتاع رادياتير يعملهالك احسن
ولو حاتعملها ع مسئوليتك انت حر
اولا فك خرطوم الفايظ من القربه (خرطوم صغير)وسيب العربية تفضى المياه منه
دور العربية
خرطوم مياه من الحنفيه وحطه فى فتحة القربه ودوس بنزين حتلاقى المياه بتجرى جوه المتور ولرادياتير وتخرج من خرطوم الفايظ مياه مصديه خليك شغال لحد ما المياه الى خارجه لونها يبقى كويس حوالى10 دقائق
شيل الخرطوم اللى من الحنفيه
جركن مياه خضراء وكبه فى القربه لحد ماتلاقى امياه لخضراء ابتدت تطلع من خرطوم الفايظ
رجع الفايظ مكانه وكمل العربيه مياه خضره وماتقفلش غطا القربه الا لما المروحة تدور وبعد ماتفصل المروحة اقفل الغطا عاشان الهوا

**Ahmad Allawy** · 05-11-2008 10:24 PM

السلام عليكم..
استاذي الفاضل.. لا اسكت الله لك صوتا.. عامل ايه يا باشا..؟؟ :) :)
يا رب تكون كل حاجة تمام..
انا عملت الموضوع ده عندي ف العربية مرة واحدة.. بس للأسف مكنتش انا اللي عملته لبايدي..
المهندس اللي باعمل عنده العربية هو عملهولي..و هاقولك بالظبط ايه اللي هو عمله..
اشتريت قزازة خل.. و فضا منها ف القربة شوية كتير.. نصها مثلا.. و دور العربية و ساب المية تلف. و بعدين لما خلص..فصل خرطوم مش فاكر كان انهي واحد بقي.. عشان كنت قاعد جنب العربية مكنتش واقف جوة الكبوت.. كالعادة.. :) :)
و عمل الحركة دي مرتين تلاتة.. و المية كانت بتنزل لونها بني غامق.. من كتر الصدا..
و لما المية كانت بتنزل نضيفة لونها خلاص صافي.. فضا المية و حط المية اللي كنت شاريها..
كنت شاري المية الحمرا بتاعت كالتكس.. و في زيها بتاعت توتال تقريبا.. هي نفسها.. و دي علي فكرة انضف حاجة موجوده دلوقتي.. و انضف من الخضرا لسبب واحد.. انها اضمن شوية.ز الخضرا بقت بتتعمل تحت السلم.. و بيبقي في مضروب منها كتير..

**romeeoo** · 07-11-2008 12:22 AM

هيا فعلا المياه الخضرا اليومين دول مضروبه

**Ahmad Allawy** · 07-11-2008 12:51 AM

انا سمعت الكلام ده من ناس كتير..
بتق تتضرب و تتعمل تحت السلم.. و اهي مية عليها شوية لون و خلاص..
لكن اهم مكون ف المية دي بتبقي الاثيلين جليكول علي ما اذكر..

ممكن تعملها انت انك تجيب المادة دي انت و ميه مقطرة.. و تعملها.. و لون عشان لو حصل تسريب تشوفه.. وليد بك اخونا هنا كان بيعملها فعلا..

**m_hamdy1976** · 08-11-2008 10:03 PM

متشكر جدا جدا علي مساعدتكم وردودكم بس:-
اولا يا جماعه بس انا برضه مش عارف اني خرطوم فيهم هو خرطوم الفايز
ثانيا انا اكتشفت اني مبعرفش اعمل اي حاجه خالص في عربيتي وقررت ان موضوع تغير الميه ده يكون تجربتي الاولي كميكانيكي شاطر
ثالثا جبت من كارفور ازازه بيضا كده مكتوب عليها لتنظيف دورة التبريد في تري يا هل تري دي بديل للخل ؟