الف شكر لتقرير حضرتك الوافی .. و صراحتك و حيادك فی التقرير
رقم العضوية : 103766
تاريخ التسجيل : 15Jun2011
المشاركات : 208
النوع : ذكر
الاقامة : Alexandria
السيارة: renault duster 4×4
السيارة[2]: jeep wrangler 2013
دراجة بخارية: ةننن
الحالة :
احب اشكر كل اعضاء المنتدي المحترمين علي الدعم و الجهد المستمر في ايصال المعلومات لكل الناس بدون بخل او كلل , و ده موضوعي المتواضع عن تجربتي لجيب رانجلر انليمتيد موديل 2013 بعد حوالي سنة و نص من الشراء و حوالي 40 الف وكل الموضوع عبارة عن اجتهاد عن تجربتي الشخصية للسيارة ومن الممكن ان يختلف او يتفق معايا ملاك اخرين للسيارة .
اولا المواصفات الفنية للسيار موديل 2013 وما فوق:
تمتلك السيارة موتورV6 PENTASTAR سلندر 3.6 سي سي , ينتج قوة حصانية قدرها 285 حصان عند/6400 لفة في الدقيقة , و عزم قدره 352 نيوتن متر عند 4000 دورة في الدقيقة و تعمل السيارة بنظام كوماند تراك COMMAND TRAC, و نظام دفع رباعي جزئي Part time 4×4 لانها في الوضع الطبيعي تعمل دفع ثنائي خلفي علي وضع 2H , و تتمتع بفتيس اوتماتيك 5 سرعات مع خاصية اوتو ستيك.
ثانيا مميزات و كماليات السيارة من واقع الاستخدام :
- طبعا شكل السيارة الشبابي و طابعها الاسطوري من اهم المميزات بالنسبة لكتير من اللي بيحبوا الطراز ده من الجيب , وطبعا اللي مش متقبل شكلها من الاساس فأحسن له يختار اي موديل تاني .
- العربية سحبها فوق ممتاز و بتجمع من 0- 100 كم في حوالي 10 ثواني و عزل الموتور جيدا جدا .
- اماكن تخزينية متعددة و مساحة خلفية جيدة جدا للتخزين حوالي 1.31م2 و حوالي 2.46م2 في حالة طي الكنبة الخلفية.
- نظام تعليق لا غبار عليه من حيث القوة و المتانة يناسب جميع الطرق سواء الوعرة او الممهدة و بالتالي فهي مناسبة للظروف الحالية في الطرق المصرية.
- عربية فكرتها زي الميكانو ممكن تتفكك كلها و اسهل عربية ممكن تعديلها بدون مشاكل و خصوصا في نظام التعليق.
- ثبات السيارة مميز جدا حتي 140كم .
- الارتفاع عن الارض 262 مم والارتفاع ده في حالة وجود الاكصدام الاصلي .
- سيارة ليها شخصية علي الطريق و اكتر السيارات المناسبة للطرق المصرية .
- انظمة الامان الموجودة فيها و من اهمها نظام الثبات الالكتروني ESC و نظام المساعدة علي تسلق و هبوط التلال , نظام منع الميلان و الدحرجة , اطراف امامية تمتص الصدمات , خزان الوقود في وسط السيارة مصفح بالكامل بالاضافة الي ABS , EBD, تصفيح حديدي اسفل المناطق المهمة اسفل السيارة
- السقف القابل للازالة بالكامل , وده طبعا شعور مختلف خالص بالنسبة للي جرب .
- و من اهم الكماليات المتوافرة في السيارة : زجاج كهرباء , نظام يو كونكت و نظام بلوتوث , التحكم في النظام الصوتي من عجلة القيادة , مراية تعتيم , كاسيت بخزان اسطوانات (6 اسطوانات) و وصلة AUX , 4 سماعات و صب ووفر في المساحة الخلفية عالي الجودة و مقاومين للمياه , مثبت سرعة, حساس لقياس ضغط اطارات السيارة و تنبيه صوتي في حالة نقص احد اطارات السيارة عن الحد المسموح .
- ارضية السيارة ممكن فكها و غسلها بالكامل بالاضافة الي طبات مياه لتصريف المياه من السيارة.
- استهلاك البنزين مميز بالنسبة لحجم الموتور حوالي 11 لتر لكل 100 كم في الطرق السريعة و عدم تخطي سرعة 90 كم و الاعتماد علي النظام الاقتصادي , و حوالي 16 لتر لكل 100 كم داخل المدينة و في الطرق المزدحمة.
- سعرها مناسب بالنسبة لقدرتها و امكانيتها و عند مقارنتها باغلب العربيات اللي سعرها مش معقول في الفترة الاخيرة علما بان اشتريت السيارة من سنة بحوالي 285 الف و رخصتها 3 سنين بحوالي 15 الف جنيه.
- التكييف تلاجة في عز الحر و من اول درجة .
- قطع غيار السيارة و اكسسوارتها متوافرة في شارع شامبليون في القاهرة و بعض المحلات في الاسكندرية باسعار مناسبة بالنسبة لفئة العربية ( مثلا تيل الفرامل المامي الاصلي 800 جنية و التقليد 200 جنية , فلتر الزيت الاصلي 100 جنية, طنابير امامي 1200 جنية اصلي و 600 جنية صيني).
ثالثا عيوب السيارة من واقع الاستخدام :
- السيارة متعبة الي اقصي درجة و ده طبيعة نظام التعليق للدفع الرباعي بس في الرانجلر بزيادة شوية , و لا انصح بشرائها لاي شخص عنده مشاكل في الظهر .
- فيه شكاوي كتير من تسريب سقف العربية و الابواب للمياه و خصوصا في الامطار الغزيرة و سمعت كده كتير من عملاء في التوكيل و في كذا شكوى معمولة بالكلام ده وده محصلهش الحمد لله معايا لاني مفتحتش اصلا السقف .
- صوت الموتور عالي شوية و فيه شوية تكتكة و ده من اول ما العربية جت و بصفة عامة فهي شكوي عامة من مواتير Pentastar.
- العربية في المجمل ضيقة جدا بعكس ما هو متوقع و خصوصا الكنبة الخلفية ( الله يكون في عون اللي بيركب فيها).
- عزل السيارة من اسوء ما يكون و خصوصا بعد سرعة 100 كم.
- ينقصها كتير من الرفاهية عند مقارتها باغلب العربيات الحديثة مثل وحدة رفع الزجاج , و كاميرا خلفي او حساسات , كراسي كهربا , GPS , DVD و غيرها من وسائل الرفاهية الاخري .
- الثبات معدوم شبه نهائي بعد 140 كم في الساعة و طبعا العربية دي اصلا مش بتاعت سرعة.
- الخامات الداخلية مش كويسة الي حد ما و خصوصا التابلوه اللي ساعات بيزيق في اوقات متباعدة في الطرق غير الممهدة .
- اضاءة العربية سيئة الي اقصي درجة .
رابعا اهم الصيانات اللي عملتها في 40 الف كم ( تقريبا سنة و نص ) :
- غيرت بطارية بعد حوالي سنة و شهرين وسمعت ان ده طبيعي في المواتير الكبيرة و خصوصا اني ضايف كشافات اضاءة او فورس لايت.
- سمعت صوت تكتكة مع الفرامل مع السلانسية و سألت التوكيل و نصحوا بتغيير تيل و طنابير علي 30 الف كم بس مغيرتهمش لغاية دلوقتي.
- حساس الزيت من يومين لاني غيرت الزيت بكثافة مختلفة بره التوكيل .
- الصيانة الدورية في التوكيل كل 10 الاف كم و تشمل تغيير زيت و فلتر بحوالي 800 جنية , وكل 20 الف تغيير كل الزيوت ( دفرانس امامي و خلفي و زيت فرامل , و زيت موتور و فلتر ) و ده بيتكلف حوالي 1600 جنية.
خامسا اهم الكماليات اللي ضفتها للعربية :
- بالنسبة للاضاءة: ركبت اتنين فورس لايت بيتعلقوا علي جانبي البربيز الامامي وحسنوا الاضاءة بشكل كبير من شركة اسمها اوتو لامب و كانوا بحوالي 700 جنيه بالحامل, بالاضافة الي تركيب ليد بارled light bar بحوالي 3000 جنية بالبار الحديد و ده مش محتاج معاه اني اشغل نور العربية اصلا .
- ركبت وحدتين رفع للزجاج الامامي و الخلفي بحوالي 200 جنية بالتركيب .
- ركبت شاشة 3 بوصة بكاميرا خلفية ( رؤية ليلية ) بحوالي 500 جنية بالتركيب و ده حن ركن العربية بصورة كبيرة .
سادسا تحذيرات بخصوص صيانة الرانجلر موديل 2013 الي ما فوق :
- عدم تركيب زينون غير اصلي لان ده ممكن يحرق بوردة التابلوه و بيسبب تهنيج للكمبيوتر, و لو اي حد حب يزود اضاء السيارة يركب فورس لايت علي جانبي البربيز الامامي و ده كفاية جدا و و تركيبهم يكون عند حد فاهم في العربية علشان ميظهرش اي اسلاك .
- تحذير مهم : يجب عدم تغيير الزيت خارج التوكيل نهائي لاني عملت كده و ده ضرب عندي حساس الزيت و ظهرت عندي لمبة Check engine ودي مشكلة شائعة في سيارات جيب رانجلر موديلات 2013 الي ما فوق وفقا لمعظم المنتديات الاجنبية , اضطريت اني اروح بيها للتوكيل و غيرته في الضمان و هما قالوا ان العربية دي حساسة جدا بالنسبة نوع و لزوجة زيت المحرك.
- عدم اخذ المنعطفات بشكل حاد او عمل اي مناورات فجائية لان الرانجلر من العربيات العالية و ده بيعرضها لا قدر الله لخطر الانقلاب اكتر من غيرها و اي حد عايز عربية بتجري فوق 140 يجيب انصحه بعربية تاني.
التقييم النهائي للسيارة من وجهة نظري لو اتخيلنا ان الدرجات من 1 الي10
- الثبات 8/10 عند 120 كم , 5/10 بعد 140 كم
- الاعتمادية 9/10
- الصيانة 7/10
- التسارع 7/10
- الراحة 4/10
- الرفاهية 5/10
واي سؤال انا تحت امر حضراتكوا
تم التثبيت والتنسيق بولسطة منسق القسم
رقم العضوية : 42527
تاريخ التسجيل : 13Jun2009
المشاركات : 1,009
النوع : ذكر
الاقامة : هرم
السيارة: يا مسهل
السيارة[2]: هوندا سيتى 2009
دراجة بخارية: لا يوجد
الحالة :
الف شكر لتقرير حضرتك الوافی .. و صراحتك و حيادك فی التقرير
كان الصحابة يفعلون السُنة لأنها“سُــنة” ونحن نتركها لأنها ” سُــــنة ”!!
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
تقرير رائع ... شكرا على و الافادة
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
تقرير ممتاز وفيه معلومات مهمة - موضوع الثبات على السرعات العالية دى سمة العربيات الفور باى فور وطبعاً الثبات بيقل كل مازاد ارتفاع العربية عن الارض والرانجلر ماشاء الله ارتفاعها معدى ٢٦ سم .
وطبعاً العربيات دى عاوزة اللى غاويها ومستعد يضحى بشوية حاجات فى مقابل المتعة والامكانيات اللى حياخدها من ركوب الرانجلر - هى معادلة عاوز راحة وثبات اركب عربية سيدان بس حتحك منك فى المطبات والعفشة مش حاتستحمل معاك كتير . كمان شوية الانظمة المساعدة اللى فيها زى نظام منع الميل ونظام المساعدة فى المطالع والمنازل دول بيخلوا اداء العربية متميز عن غيرها بالاضافة الى ان سعرها بللنسبة للاسعار دلوقتى يعتبر مناسب لامكانياتها .
بالنسبة للزيت المفروض كنت تحط رقم كام وانت حطيت رقم كام ؟
amadios سابقا
رقم العضوية : 42638
تاريخ التسجيل : 16Jun2009
المشاركات : 44
النوع : ذكر
الاقامة : Egypt
السيارة: Astra J
السيارة[2]: Kia
الحالة :
بجد إنت إنسان محترم جداً في تقريرك المحايد
ربنا يباركلك فيها ويعطيك خيرها ويكفيك شرها
لو حاسس انها ناشفه حاول تشوف يايات او سوست كويسه هتفرق معاك في العفشه جدا
تحياتي
رقم العضوية : 166204
تاريخ التسجيل : 04Oct2014
المشاركات : 361
النوع : ذكر
الاقامة : cairo
السيارة: toyota corolla
السيارة[2]: bmw x1 2014
الحالة :
تقرير محترم وشكرا على صراحتك وحياديتك
رقم العضوية : 103766
تاريخ التسجيل : 15Jun2011
المشاركات : 208
النوع : ذكر
الاقامة : Alexandria
السيارة: renault duster 4×4
السيارة[2]: jeep wrangler 2013
دراجة بخارية: ةننن
الحالة :
الاساتذه الافاضل م/أحمد عبد الفتاح وmarwanragab و ahmed_eng2001 و haygen و abd_el_7amid الف شكر لحضراتكوا علي ذوقكوا و احترامكم.
بالنسبة لموضوع الزيت انا غيرته في توكيل موبل1 و كانت درجته 5w30 , و اول اما دورت لاقيت لمبة CEL نورت , ففي محاولة مني لانقاذ الموقف غيرت الزيت في نفس اليوم لموبار 5w20 بس للاسف المشكلة متحلتش , ( الدرجة الموصى بيها في الكتالوج اولا 5w20 و ثانيا 5w30 )بس المشكلة مش في درجة الزيت المشكلة في نوعه لان التوكيل بيستخدم زيوت توتال و ده اول مره اسمعه .
بالنسبة للسوست و اليايات اقتراح طبعا محترم بس ده طبعا هيزيد من ارجحة و تمايل العربية اللي هيا مشكلتها الاساسية و متعتها في نفس الوقت, و المشكلة التانية في الكراسي و الكنبة لانهم اساسا مش مريحيين
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
تقرير رائع
انا ركبتها اكتر من مره
عربيه قويه ومتينه ومدرعه
لكنها فعلا مافيهاش اي نعومه نهائي
اكني راكب ميكروباص رامو
اظن انها محتاجه تنزل شويه ﻻءن سعرها مبالغ فيه ﻻنعدام الرفاهيه
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 147115
تاريخ التسجيل : 10Aug2013
المشاركات : 4,610
النوع : ذكر
الاقامة : توفي الي رحمة الله ايهاب يوم 7 مارس ارجو الدعاء له
السيارة: mitsubishi Van ,Cherokee
السيارة[2]: suzuki , lancer 89,charade
الحالة :
وتقرير حلو
لكن لسه الرانجلر محلوش مشكلة وجع الضهر دي م التسعينات ,لاعدلوا الكراسي ولا الكابينة ولا نظام التعليق
http://www.nilemotors.net/Nile/455933-a.html
http://www.nilemotors.net/Nile/455752-2.html
http://www.nilemotors.net/Nile/454825-a.html
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
المفضلات