عملت حادثة جامدة بالعربية والفضل يرجع لله أولا ثم للألنترا - حادث بالصور

**mody112** · 28-01-2015 11:20 AM

لا حول ولا قوة الا بالله
ربنا يخلف عليك

**crazy car** · 28-01-2015 12:15 PM

صلح حاجات كتير جدا عندك فى الوكالة والحرفيين وارخص واحسن من بورسعيد
والحكاية ان شاء الله سهله
والله عربية ما تتعوض والحمد لله انك بخير ومعلش بس متضيقش نفسك
هى حاجات كدة بتحصل يمكن كان لا قدر الله هيحصل حاجة اسوء وربنا فداك

**تامر.محمد** · 28-01-2015 12:22 PM

الحمد لله على السلامة

قدر الله ما شاء فعل

و حسبنا الله و نعم الوكيل

لا امشي ورا تصليحها عشان تقلل خسايرك قدر الامكان لأنها لو اتباعت بالمنظر ده متهيأ لي هاتبقى خسارتك اكتر كتير من لو صلحتها و مشيت بيها او صلحتها و بعتها

**blazer** · 28-01-2015 02:19 PM

ألف حمد الله على سلامتك وربنا يستر طريقنا جميعا و ينتقم من المسؤلين الفاشلين فى البلد دى
العربيه ان شاء الله من الوصر ممكن تتصلح
هتحتاج صدر امامى و طقم تبرد كام سربنيتنه تكييف و ردياتير و مراوح و اكصدام كام و فانوسين و شبكه اماميه و تابلوه بلايرباج وممكن تلزقه مؤقتا
هتبص على الماتور و ان شاء الله يكون متضررش و كذلك فرد الكاوتش و الجنوط و العفشه الامامية
و تسمكر الحته البسيطه الى فى الكبوت و الرفرف

**borio1704** · 28-01-2015 10:04 PM

المطب ده عبارة عن ماسورة صرف تحت الطريق بتوصل بين طرفين بحيرة الملح اللي على الجنبين بيتوع الطريق.

طبعا.. ولإننا في مصر بنستسهل كل حاجة ..

ولإن مفيش ضمير لا عند مهندسين شركة حسن علام اللي نفذوا الطريق ولا عند أي استشاري شاف الطريق وهو بيتعمل وما قالش حاجة..

فاللي حصل إن الطريق عمال بيهبط كل يوم والماسورة دي ما بتهبطش.

المطب ده .. أو الماسورة دي اتسببت في حوادث كتير شفتها بنفسي قبل كده...

وأحد أصدقائي توفى في حادثة منهم.. من حوالي 5 سنين... الله يرحمه

كان رايح الشغل الساعة 8 الصبح في اتجاه برج العرب... وفي المقابل جاية عربية لانسر بومة لونها أزرق سايقها شباب .. وواضح إنهم كانوا جايين من الساحل في اتجاه اسكندرية..

وعند المطب ده.. اللانسر طارت (يبدو إنه كان جاي بسرعة فوق الـ150) ونزلت عدت للطريق المقابل وقابلت سيارة صديقي... وكان قضاء الله وقدره..

طبعا كل اللي في العربيتين توفاهم الله.

نصيحتي لكل اللي بيسوق على أي طريق لأول مرة... ما تتغرش بالطريق المفتوح... احتمال كبير يكون فيه أفخاخ ما يعرفهاش إلا اللي ساق على الطريق ده قبل كده.

...

**amro_19700** · 28-01-2015 11:58 PM

مليون سلامة عليك وقدر اللة وماشاء فعل

**AshTurbo** · 29-01-2015 02:07 PM

أنا حقيقي من قلبي متشكر وممتن لكل واحد رد هنا وتمنالي السلامة وبدعيلكم جميعاً ربنا يستر طريقكم ويحفظكم من كل سوء أنتم واهاليكم وأصدقائكم وأحبابكم اللهم لا ترينا مكروها في عزيز لدينا يا أرحم الراحمين .

انا من بعد اللي سمعته من الناس سواء هنا او حتي أصحابي والسواقين اللي بيسوقوا على الطريق ده مش هسكت وبفكر أصور فيديو للمطب ده الناس وهي بتطير عليه لو في كامير بتصور المطب ده يوم كامل هتصور بلاوي ولازم اللي عمل الطريق ده يتسجن والمسئول عنه وعن صيانته كمان يتسجن .

بكرر شكري وتمنياتي للجميع أن ربنا يحفظهم ويحميهم من شر الحوادث وأهم نصيح يا جماعة متنسوش

أربطوا حزام الأمان

هو ده اللي قلل الخساير بعد لطف ربنا ورحمته بينا

**ahmedshahin** · 29-01-2015 04:27 PM

حمدلله على سلامتك وبشكرك على التحذير
انا بقول احترس من كل شارع فيكى يا بلد ...... عبال ما المسؤلين يصحوا من نومهم .

-

الموضوع: عملت حادثة جامدة بالعربية والفضل يرجع لله أولا ثم للألنترا - حادث بالصور

LinkBack

أدوات الموضوع

عرض

-

-

-

المواضيع المتشابهه

عملت حادثة جامدة ومحتاج مساعدة ضروري

عملت حادثة جامدة

عملت حادثة جامدة

ٌالحقوني .... عملت حادثة جامدة اوي بنيو النترا

عملت حادثة جامدة امبارح

الكلمات الدلالية لهذا الموضوع

المفضلات

المفضلات

ضوابط المشاركة