انا عضو جديد في المنتدى الرائع ده مش بس في المنتدى وانشاء الله هبقى عضو جديد في عالم السيارات ادعولي بس

انا الشركة اللي انا شغال فيها بتدي ميزة انها ممكن تقسط للموظفين سيارات مستعملة او جديدة انا بعد ماحسبت مرتبي ولسه متجوز مبقاليش شهر والمصاريف والحركات دي لاقيت ان الشركة ممكن تقسطلى عربية في حدود 65000 جنيه على 5 سنين

مساعدتكم ليا بقا هي رايكم اجيب ايه مستعمل ولا جديد ولو مستعمل يبقى ايه وموديل كام وبرضه لو جديد وكمان استنا شوية عشان بسمع ان العربيات هترخص ولا اجيب دلوقتي ولاااااااا ايه انا محتار جدا
ناس تقوللي هان لانوس جديد وقطع غيارها رخيصة وناس تقوللي لا دي هتقفل ومش حلوة
وناس تقوللي هات لانسر مستعمل طيب دي ايه نظامها قطع غيارها في منها مضروب وعلى اد مصاريفك وبتوفر في البنزين ولوعاوز تجيب هات موديل 98 دي حلوة وكويسة
وناس تقوللي هات فيكترا موديل حاجة وتسعين عربية تقيلة وحلوة والماني
وناس تقوللي ابعد عن المستعمل ده هيروقك وهتصرف عليه دم قلبك
وناس تقوللي طب ماتشوف البريليانس الجديدة دي شكلها جامدة وناس تقوللي انت لسا هتجرب عربية جديدة ماحدش عارف عنها حاجة

بجد انا تعبت جدا من التفكير ارجوكم تساعدوني وكان الله في عون العبد مادام العبد في عون اخيه وانا بطلب المشورة وما خاب من استشار

معلومة مهمة جدا جدا جدا
انا لسا بتعلم السواقة ومعلوماتي عن العربية انها ب4 كوتشات وبس