عفشجي محترم بالقاهرة

**ahmed elhddad** · 29-01-2015 08:23 PM

السلام عليكم يا وحوش
أنا بقالي تقريباً سنتين نايم في الرز وسايب عفشة ميجي تعاني معايا في طرقات المحروسة اللي كلكم عارفينها ..
المهم أنا من اسماعيلية وبرغم أني مأمن على كذا عفشجي هنا للظروف الطارئة بس كمية ونوعية الشغل اللي باقي شايف انه يتعمل في القاهرة أفضل.
انا عايز اغير كبالن بالكامل (داخلي وخارجي) وبرغم اني حاسس أن البارات اللي واصلة ما بين الكوبلنين كويسة بس بفكر أجيب الطقم كل على بعضه واريح دماغي من اي اصلاحات مستقبلية، السؤال بخصوص النقطة ديه للناس اللي جربت أجيب استيراد أفضل ولا جديد مع الوضع في الاعتبار ان الاستيراد في اسماعيلية أغلي من الجديد بحوال 200 جنيه

كما هاغير بطاحات وعايز اجيب نوع كويس بجد لأني تعبت من المستوى بتاع قطع الغيار في اسماعيلية فياترى حد يعرف نوعية كويسة ومجربها؟

ده غير أني هاعمل حشو سكترة ..

الأهم بقه من كل اللي فات عايز عفشجي كويس وأمين لأني احتمال اسيبله العربية لظروف شغل فلو حد يعرف عفشجي كويس (في صقر أو في حتة تانية) ياريت يقولي عليه ولو تكرم وكان معاه موبايله ياريت يديهولي علشان اربط معاه قبل السفر

**Nfs Rivals** · 29-01-2015 11:03 PM

عليك و علي الحرفين فى القاهرة يا باشا

وتريح دماغك خصوصا ان عربيتك فرنساوى
ومحدش بيفهم ولا هايفهم الا فى العجل الفرنسي الا الحرفين فى مصر و شكرا

**scientist9508** · 29-01-2015 11:40 PM

أعرف ميكانيكى شاطر فى غمره . . . غالى لكن شاطر

**أحمد عيسى** · 30-01-2015 01:01 AM

توكل على الله وروح الحرفيين بس منصحكش بالبطاحات هتخلى العربية ناشفة جدا وبتدب فى النقر انا جربتها قبلك ولو مش عاوز تنزل القاهرة انا جنبك فى السويس بتعامل مع عفشجى محترم جدا اسمه شريف لو حابب تروحله بس لو هتشترى قطع غيار كتير الحرفيين احسن عشان السويس ناااااااار

**ahmed elhddad** · 31-01-2015 09:14 AM

المشاركة الأصلية كتبت بواسطة nfs rivals

عليك و علي الحرفين فى القاهرة يا باشا

وتريح دماغك خصوصا ان عربيتك فرنساوى
ومحدش بيفهم ولا هايفهم الا فى العجل الفرنسي الا الحرفين فى مصر و شكرا

والله انا مجرب ناس في الحرفيين وناس في صقر قريش، وفي صقر الدنيا أفضل ﻷن 99 % شغلهم فرنساوي ... تسلم على الرد

**ahmed elhddad** · 31-01-2015 09:16 AM

المشاركة الأصلية كتبت بواسطة scientist9508

أعرف ميكانيكى شاطر فى غمره . . . غالى لكن شاطر

متشكر جدا لردك، بس اعتقد عفشجي افضل في الشغل اللي مطلوب خاصة حشو الاسكترة

**ahmed elhddad** · 31-01-2015 09:18 AM

المشاركة الأصلية كتبت بواسطة أحمد عيسى

توكل على الله وروح الحرفيين بس منصحكش بالبطاحات هتخلى العربية ناشفة جدا وبتدب فى النقر انا جربتها قبلك ولو مش عاوز تنزل القاهرة انا جنبك فى السويس بتعامل مع عفشجى محترم جدا اسمه شريف لو حابب تروحله بس لو هتشترى قطع غيار كتير الحرفيين احسن عشان السويس ناااااااار

شكرا لاهتمامك
ماهو علشان اوفر وقت وفلوس وعطلة بقول يبقى كله جنب بعضه، يعني العفشجي اللي هايشتغل، ومكان بيع قطع الغيار سواء جديد أو استيراد