الموضوع: استفســار عـن : شكمـان الفيـرنـا

صبـاح الفــل عليكـم يا شبـاب :)

عندى استفسـار صغيـر

الشركـة اللى بشتغل فيها عـطونى عربية فيرنـا 2009 لزوم الشغل

وهيا عـاملة دلوقتى حوالى 400000 كلم بس ^_^ مفحـوتة شغـل بصـراحـة :)

المهـم نويت كـده والنية لله إنّى أغيّــر الشكمـان كله

ولأنى بصراحـة مليش فى الفيرنـا لأن عربيتى الخاصة تويوتا كورولا قلت أسـأل أصحابى الفيرنـاوية :)

واحـد منهم قـالى على نوع شكمان اسمه أبو اليزيد

واحد تانى قـالى على أبو اليزيد برضـه بس قـالى أحسن لك تجيب الشكمان أبو علب مضغوطة زى الفيرنا 2012 !!

واحد تالت قالى أنصحك بأبو اليزيد بس هات الشكمان بتاعها مش المضغوط !!!

فاحترت واحتـار دليلى ! أجيب بتاعها ولاّ أجيب المضغـوط ؟!!

وملاحظ إنه كله قالى على أبو اليزيد ! يعنى واضح إن فيه إجمـاع على كـده :)

المهـم جـاتلى فكـرة قلت أعمل موضوع هنـا وأسـأل ذوى الخبرة على الآتى :

1- هـل فيه شكمان أفضل من شكمان أبو اليزيد عشان أركبه فى الفيرنا 2009 ؟! وأجيبه منين ؟! وعلى فكرة مش مهم موضوع السعر لأن الشركة بصراحة بتقولى هات أنضف حاجة ، فلو فيه حاجة أحسن وأغلى مفيش مشكلة

2- هل أجيب الشكمان عـادى ولاّ مضغوط وإيه الفرق بينهم ؟!

3- أفضل الأمـاكن اللى أغيّر فيها الشكمان وأنا مطمن مع العلم إنى من اسكندرية بس مفيش مشكلة لو فيه ورشة محترمة فى القاهرة أو 6 أكتوبر أو فى أى حته أنا ممكن أروحها عـادى ( كان فيه واحد صاحبى قالى إن أبو اليزيد ده مصنع شكمانات فى 6 أكتوبر وبيغير كمان ... الكلام ده صح ؟! )

ربنـا ما يحرمنا منـكم يا شبـاب

^_^

عشـان الإفـادة تكمل أحب أقولكم إنى غيرت الشكمان وجبت شكمان أبو اليزيد أبو علبة مضغوطة

وطبعاً فيه فرق كبير جداً خصوصاً فى المطبات :)

وشغـّال بكفـاءة والحمد لله

شكـراً ليكم