استفســار ؟؟؟ حاجة غريبة ؟؟؟

**shrifelmasry** · 19-02-2009 02:55 PM

يا جماعة انا مستغرب من حاجة بقالى فترة طويلة فى المنتدى هنا ؟؟؟

المنتدي هنا اسمه بريليانس صح

انا مش لاقي غير كلام عن بريليانس FVR و شيرى و شكاوى من الصينى .

طيب فين باقى موديلات البريليانس : اسبلندور و جالينا
انا شايف ان العربيات "موديلات " دى كويسة ... لكن محدش بيتكلم عنهم ؟؟؟؟و برضة الاسبيرانزا A620

هو محدش عنده الموديلات دى ، و انا بفكر فى الاسبليندور رايكم اية فيها .... و حد لة تجربة معاها .... ؟

**m3margy** · 19-02-2009 03:15 PM

3ashan mo3zam elly bysa7'demo elnet shabaaaab
we beltaly bytklmo 3an 3arbyat shaba aktar
frv aktar 3arbyat elbrilliance tenaseb elshabaaaab
ama belnesba lso2alk fana fe3lan mesh ader afeeedk 3ashan lesa m3rafsh 7aga 3anha ....sorry ya man

**khaledazizeg** · 19-02-2009 04:03 PM

المشاركة الأصلية كتبت بواسطة m3margy

3ashan mo3zam elly bysa7'demo elnet shabaaaab
we beltaly bytklmo 3an 3arbyat shaba aktar
frv aktar 3arbyat elbrilliance tenaseb elshabaaaab
ama belnesba lso2alk fana fe3lan mesh ader afeeedk 3ashan lesa m3rafsh 7aga 3anha ....sorry ya man

كلام سليم 100%

**Mostafa Hessen** · 19-02-2009 11:47 PM

المشاركة الأصلية كتبت بواسطة shrifelmasry

يا جماعة انا مستغرب من حاجة بقالى فترة طويلة فى المنتدى هنا ؟؟؟

المنتدي هنا اسمه بريليانس صح

انا مش لاقي غير كلام عن بريليانس FVR و شيرى و شكاوى من الصينى .

طيب فين باقى موديلات البريليانس : اسبلندور و جالينا

انا شايف ان العربيات "موديلات " دى كويسة ... لكن محدش بيتكلم عنهم ؟؟؟؟و برضة الاسبيرانزا A620

هو محدش عنده الموديلات دى ، و انا بفكر فى الاسبليندور رايكم اية فيها .... و حد لة تجربة معاها .... ؟

أخى الكريم

أولا مرحبا بك فى منتدى البريليانس واحنا جميعا فى خدمتك .
وملحوظتك دى فى محلها فعلا بس ده مش لتقصير من الناس ولكن لأن معظمنا ربنا كرمه بال FRV فكلنا بنكتب عن تجاربنا مع تحفة بريليانس .
وعلشان خاطر سؤالك الكريم ححاول اجيبلك موضوع عن باقى موديلات البريليانس
بس ممكن ألفت انتباهك ان منتدى السيارات الصينية فيه 4 منتديات فرعيه
الصينى العام,سبيرانزا,بريليانس وشيرى,ماركات أخرى
واظن انك ان شاء الله حتلاقى ما تبحث عنه وان لم يكن فاكتب ما تود الإستفسار عنه وستجد الجميع يحاول المساعده بما يستطيع ...
فالجميع هنا أسرة واحده بحق ولو تابعت المواضيع ستدرك ما أقول..
وبخصوص الإسبلندر فهى ما شاء الله سيارة رائعه تستحق الإحترام وسآتيك بتفاصيل عنها لتكون رأى يرضيك.
أرجو ان تتقبل تحياتى ومداخلتى...

**Mostafa Hessen** · 20-02-2009 09:51 PM

إليك مواصفات السيارة ...
الفئة Splendor
السعة 1600 Cc
صندوق التروس يدوى خمس سرعات
قوة المحرك
حصان /لفة.دقيقة 101/6000
السرعة القصوى 180 كم/ساعة
عدد السلندرات 4 سلندر,16 صمام
العزم الأقصى
نيوتن.متر/د.د 134/4500
نظام الفرامل Abs-ebd-eds
زجاج كهربائى
وسائد هوائية للسائق والراكب الأمامى
مكيف هواء
سنتر
باور
متوسط استهلاك الوقود 6.7 لتر/100 كم
وتحت أمرك فى أى استفسار...

**Mostafa Hessen** · 21-02-2009 03:14 PM

المشاركة الأصلية كتبت بواسطة shrifelmasry

يا مشمش باشــا كتر الف خيرك على الاهتمام و سرعة الرد
انا بدور على تجارب للاخرين : رايهم ، عيوب ، مزايا ، ملاحظات ، اختبار الامان فيها و التصادم ، اهم مشاكل ظهرت فيها ، التوكيل اخبارة اية معاها .
عموما انا كتير اتبسطت بردك و اهتمام و لك الف تحية و شكر .

شكرا على ردك الحلو يا شريف
بس ممكن بلاش مشمش باشا ولا بيه يا سيدى مشمش حاف وعلى رأى الليمبى المرة الجايه تبقى بالجبنة أو بالبيض

واحنا هنا بنكمل بعض ...
وبخصوص استفسارك على العيوب والمميزات فإن شاء الله العربيات دى رغم انها صينى إلا أنها أفضل وأفخم وأعرق سيارة فى الصين بجانب انها اعتماديه جدا وممتازة وده مش مجرد كلام ده وااااقع ودليل كمان على كده الضمان ليها خمس سنوات ودى أطول فترة ضمان فى مصر وبدون حد أقصى للكيلومترات وتضمنها الشركة البفارية فى مصر وتصنع فى مصنعها اللى هو بينتج السيارات البى إم دبليو اظن كل ده يطمنك جدا...
بخصوص اختبارات الأمان والتصادم فالمسألة دى فى رأى نصيب فى الأول والآخر وربنا يستر علينا ويكفينا شر الحوادث فكل العربيات دلوقتى فى السوق تدخل الحادثة بتتعجن فمتخليش المسأله دى تشغلك كتير لأن ربنا هو الستير بس العربيات دى متينه وصاجها جامد وفيها ايرباج وخليها على الله.
أما التوكيل بقه فرااااائع ودى حاجة لمستها بنفسى وحقولك ازاى ,الحمد لله ربنا أكرمنى واشتريت FRV وبصراحة عربية ممتازة جدا واسعه وشبابية ورياضية وتقفيل ممتاز وتسارع وثبات وشيك ما شاء الله ..
بس كانت عندى طقطقه فى حالة الفرمله لما ادوس عليها جامد بسمعها وكنت شارى السيارة من أبوغالى ومستلمتش الضمان لسه فرحت مركز خدمة أبوغالى الناس هناك استقبلونى وخرج معايا مهندس وجرب العربية وقاموا مكيسين العربية من جوه وبعد ساعة جالى المهندس وقالى فى مشكلة فى سوستة الفرامل وده عيب بسيط بس لما كلم البفارية عن المشكلة أخبروه انى لازم ارحلهم وهما يحلو المشكلة وعملولى حجز وانا قاعد فى اليوم اللى يناسبنى والساعة اللى تناسبنى وفى اليوم المحدد رحت البفارية واستلموا العربية وكيسوها برده وبعد ساعة ونصف سلمونى العربية زى الفل بعد تصليح المشكلة ولاحظت انهم لمو كل اللى فى العربية وحطوه فى شنطة العربية للمحافظة عليها والأهم ان الزيارتين والتصليح والفحص كله مجانى وبكل احترام..ايه رأيك..
فلو العربية عجباك استخير واتوكل على الله .