قصتى مع الاووووبل فيكترا بي

**koky130** · 31-01-2015 12:14 AM

السلام عليكم. اخوكم محمد اول مشاركه ليا
ازيكو يا احلي رجاله والله الواحد سعيد جدا من المجهود الممتاز والاقتراحات والحلول الرائعة
قصتى مع الاوبل
انا كان معايا اوبل 2002 أوتوماتيك 1600 ايكوتك كان فيها مشاكل بعتها واشتريت وبعديها ركبت فيرنا وبعدين كرستاله وبوما مش عارف اسوق اى حاجة بعديها بعتهم وجبت اوبل 97 1600 ماكنه 1600 مانيوال منيفول مقلوب (التيجرا) كانت تحفه بس بردو شويه مشاكل بعتها وجبت بوما تانى 1600 أوتوماتيك بعتها وجبت النترا 2006 عربية ممتازة بعتها :( وجبت ماتركس 2006 بعديها بس بردو الاوبل حاجه تانية بعتها بردو ومعايا حاليا اوبل 2003 2000 اتوماتيك ماكنه ماشيه 30 الف كيلو أداء خرافي بجد معرفتش اسوووق غيرها كله قصه والاوبل قصه تانية خااااااالص عربية محترمه بجميع المقاييس ومميزات راااائعه نصيحة من وجهت نظري بلاش تركب في العربية قطع غيار استعمال خليكوا في الجديد عشان الاستراد اتهان وشغال بقالو كتيييير الوضع هيختلف معاكو وكمان مجبتش عربية متهانه بسعر رخيص وتصرف عليها هاتها غاليه شويه ومش متهانه هتتمتع بيها
بس للاسف السوق المصري اللي بيفرض عليك العربية بس الركيب هرجع للاوبل تانى...
اتمنى اكون واحد منكو اسف علي الاطاله

**m7nsh** · 31-01-2015 01:36 AM

قلت كدا.. و النعمه قلت كدا... العربويه دي ملعونة يااخواننا.. ماتعرفش تبعد عنها ههههههههه
بس ماشاء الله 30 الف كيلو دي وقعت عليها ازاي؟ و ربنا يبارك لحضرتك فيها

**ENG.MaRk** · 31-01-2015 09:46 AM

أوبل من الماركات العريقة اللي ماتتسبش :)
أنا معايا ال508 و كنت محتار بينها و بين الانسيجنيا و الاتنين نفس السعر بس أنا بعد ما اتهريت مقارنات بينهم فضلت ال508 لأني خفت من حدوث مشاكل بسبب البنزين ال95

**Omar Mahmoud** · 01-02-2015 12:15 AM

ركبت 3 عربيات اوبل
هو ده الإدمان
واضح إن لعنة الاوبل حقيقة
انا فعلا محتار لو بعتها هركب بعدها إيه

**احمد فهمى** · 01-02-2015 01:35 AM

فكرتنى بنفسى 13 سنه اوبل جبت واحده فيكترا a و 3 فيكترا b وختمت بفيكترا c وبينهم كنت بشكل كل ما تتخيل من عربيان بس هتظل اجمل ايام هى الفيكترا b والمهم ربنا يباركلك فى الجديده و30 الف كيلو دي زيرو ما شاء الله