ارجو الافاده من ملاك جيب kk و رانجلر و ارجو الا يبخلو بالنصيحه

**Khaledelkarama** · 17-02-2015 09:46 AM

المشاركة الأصلية كتبت بواسطة م/أحمد عبد الفتاح

من غير معلش اهلاً بيك ومرحباً بأى سؤال او استفسار
طبعاً المفروض فى قسم الجيب نقولك البى ام وحشة والجيب احلى كتير
لكن بمنتهى الامانة والحيادية انا حاقولك رأيى كأنى انا اللى سائل السؤال ده :
انا قبل ماأقارن بينهم حسأل نفسى كام سؤال الأول:
١- فيه كام عربية بى ام اكس ٣ وكام عربية KK باشوفهم فى اليوم الواحد وانا ماشى فى شوارع مصر؟ الشيروكي اكتر طبعا
٢- فيه كام توكيل او مركز صيانة لبى ام وكام مركز صيانة للجيب ؟ الاتنين اعتقد مراكزهم كتير و محترمه
٣- فيه كام واحد بيبيع قطع غيار الـ بى ام وكام واحد بيبيع قطع غيار الجيب جديد أو إستعمال. اعتقد الاتنين طبعا
٤- سعر إعادة البيع للإتنين ؟ الاتنين بيحافظوا علي سعرهم
٥- إستهلاك البنزين؟ . الشيروكي بتستهلك اكتر
٦- الراحة والشعور بالفخامة الداخلية؟ البي ام
٧- الشكل الخارجى حسب وجهة النظر المصرية ( يعنى بتخوف العربيات اللى بتغلس عليك) ؟. الشيروكي تكسب اكيد
٨- الإعتمادية ؟ الاتنين
٩- أسعار قطع الغيار؟ الشيروكي اسعارها احسن كتير
١٠- الأداء فى الأوفرود (مع إن النقطة دى ماتهمكش بس هو أوبشن إنت دافع فيه فلوس وسواء إستعملته أو ماستعملتهوش ليه صيانة وليه أعطال)؟ . الشيروكي

حاول تجاوب على الأسئلة دى الأول ولو عاوزنى أغششك قول

**elenawy** · 18-02-2015 10:22 PM

و الله يا استاذ خالد انا محتار فى نفس رينج السعر اللى انت محتار فيه و احتياجاتى نفس احتياجاتك و الاستاذ احمد فهمى نصحنى انى طالما مبدخلش اوفرود يبقى احسن اجيب سبورتاج او قاشقاى و الحاجات دى بس الصراحه حرام ادفع المبلغ ده فى عربيات كورى والحاجات دى انا كل لما تعجبنى السبورتاج اول لما ابص للشيروكى اقول لنفسى مين اللى يسيب الشيروكى و يجيب عربيات ورق من ديه الجيب بسم الله ما شاء الله عربيه وحش بس البى ام x3 شكلها مش حلو
و الجيب اقوى منها و مش مهم الضرايب و الاستهلاك نضحى بيهم علشان قوة الجيب
انا لسه بفكر لو هجيب فوق ٢٠٠٠ سى سى هجيب شيروكى .
و لو ١٦٠٠ سى سى يبقى هقارن بين البيجو 3008 و السوبارو xv
معلش طولت عليكم