الموضوع: عندى فكره بس مش عارف ازى انفذها ؟

ربنا يوفقك وان شاء الله نشوفك على اليوتيوب قريب وحاول تكتب الكلام بتاع الشرح دلوقتي عشان هيطول وهتلاقيه في الاخر حبه قليلين واوعى تأجل الفكره وتموتها انت لو قولت لنفسك انا هبدا بكره هتنام وتصحى هتكسل ومش هتعمل حاجه ابدا من دلوقتي وبالامكانيات الي موجوده

طبعا مفيش حد فينا مشافش فيديو لرغيب امين ( قناة المحترف ) كانت بدايته متواضعه جدا بس كانت فكرته حلوه وسهله وشوف ماشاء الله دلوقتي اكتر من نص مليون مشترك

اهم حاجه في الموضوع ( البدايه والاستمرار ) سواء كانت متواضعه او فخمه لازم تبدأ عشان متكسلش والاستمرار حتى لو انت بتنزل مقاطع فاضيه بس بتنزل باستمرار هتلاقي اشتراكات

وركز على ان عنوان مقطع اليوتيوب يكون متضمن المعلومه الي انت بتشرحها جوا الفيديو وحط نفسك مكان المشاهد لو هوا عاوز يبحث عن المعلومه دي هيكتب ايه في البحث عشان تظهرله ؟؟
وممكن حكاية الدعايا دي انت تعملها بنفسك في المنتديات تعمل حسابات وتفتح مواضيع تكون عاملها كوبي وتعمل باست في كل المنتديات الي تقدر عليها وتاخد مثلا كوبي للفيديو بتاعتك وتنشره على صفحتك في الفيس او في كومنت في صفحات مشهوره او في تعليق على فيديوهات اليوتيوب صدقني هتفرح لو عملت موضوع في منتدى ولقيت المشاهدات زادت 10 هتتحمس لوحدك وهتكمل احد اما يغلبك النوم

ولا قدر الله منجحتش مش هتكون خسرت حاجه غير الكام ساعه الي عملت فيهم الفيديو بس وكده كده انت بتفتح نت بدل ما تقعد على الفيس شويه اعتبرك ضيعتهم في عمل دعايتك وهتلاقيك مش خسران حاجه جرب نفعت خير وبركه وحلاوه منفعتش تجربه وعدت واتعدت :-d

ربنا يوفقك ان شاء الله
كل عمالقة اليوتيوب بدأوا بكاميرا 3 ميجا بيكسل و مهزوزة وحالتها وحشة كانوا بيكتبوا على الفيديو مش بيتكلموا فمتفكرش في الشكل والابهار خالص دلوقتي
فكر انك تنشر اول فيديو. و تبدأ تعدل بالتدريج. مفيش حاجة بتبدأ كبيرة, كل شئ بيبدأ صغير
متغارمش و متشتريش كاميرا DSLR ولا حاجة. ممكن كاميرا اللاب او كاميرا الموبايل و تركب الصوت بعد كدا على الصورة

فيه برنامج اسمه Camtasia سهل الاستخدام. تقدر تظبط بيه كل دا بسهولة تركب الصورة على الصوت. او مجموعه شرائح صور و تسجل صوتك. و تبدأ

انا رأيي ان البداية لازم تكون متواضعة وصغيرة, خصوصا لو انت بتقول ان مفيش حد بيعمل كدا بالعربي, يعني انت هتبقى اول واحد. يبقى ركز على المجتوى الجيد الأول, وتحسين الصورة والاخراج هيجي مع الوقت لانه بيبقى من متطلبات الاستمرار. لكن الأساس هو المحتوى وهو اللي بيشد أي شخص.

ابتدي الاول شرح ميكانيكا وبعد كده اول ما القناة تتشهر تبدا تعمل ريفيوزات ومقارنات في العربيات الاكثر استهلاكا في فئة واحدة زي الالنترا والكيا واللانسر يعتبروا فئة واحدة والشرح يبقا الفرق بينهم وتوفر قطع الغيار والاسعار والصيانة وكدخ-وحاول الفيديو ميبقاش طويل وجهة نظري 6-10دقائق توقيت كويس للفيديو
-دا علي اساس انك طبعا عارف تفعيل الاعلانات علي قناتك وكده وحماية فيديوهاتك من السرقة بعلامة تجارية في الفيديو مميزة واسم القناة حصري وشعار القناة--لاني في ناس بتسرق وممكن تشتغل شغل عالي ويجي عيل يسرقه ويكسب هو... بس نصيحة اخيرة : كمل في الموشوع دا واصبر وحتنجح فيه وحنتقااااابل علي اليويتوب...

في برنامج سهل وله شروحاااات كتييير على اليوتيوب اسمه سوني فيجاس. ادخل ابحث هتلاقيه سهل ومعرب كمان وليه شروحات سهل وفيه كمان مقدمات جاهزه يادوب انت بتغير فيها حجات على مزاجك وان شاء الله يفيدك