الموضوع: افتوني بالله عليكم

المشاركة الأصلية كتبت بواسطة scientist9508

بسم الله الرحمن الرحيم

اخى الفاضل

اشكرك بحراره على اهتمامك و ارى اك قد اجبت و وفيت و لكن طمعا فى المزيد من كريم مثلك اود طرح بعض الاسئله الاخرى ان كان فى قلبك متسع للمزيد.

1 - كيف تصف ثبات السى ايليزيه مقارنة بالسيارات الاتيه:

1 - البروتون بيرسونا او جين 2

2 - الرينو لوجان

3 - السوزوكى سياز

2 - هناك كثير من الشكاوى من بعض (ليس كل ملاك) البيجو 301 من االاتى :
1 -عطال مفاجئه
2 - المحرك لا يحتمل سرعات عاليه (المحرك يوفر السرعه التى تريدها و لكنه يعطل من تكرار ذلك)
3 - الشبكه الاماميه تنخلع من تلقاء نفسها
4 - الفيتيس قد يعلق بين اى غيارين (استجابته تكون بطيئه)
5 - صوت الكاسيت عالى و لكن ليس بجوده عاليه

فهل قابلت اى من الشكاوى السابقه؟

3 - كم لتر بنزين تستهلكها السياره كل 100كم على الصحراوى؟

4 - كيف تصف اداء السياره مع بنزين 92؟ وهل يتغير الاداء بئكل كبير و ملحوظ مع استخدام بنزين 95؟

اشعر بالخجل من كثرة اسئلتى ولكنك تجيب بحياديه و بدقه لذلك اطمع فى المزيد.

جزاك الله عنى خيرا

السلام عليكم و رحمة الله و بركاته

اولا لا شكر على واجب , ده واجبى انى اساعدك زى ما الناس هنا ساعدتنى كتير
انا بعتذر لحضرتك جدااا للتاخر فى الرد لانشغالى الشديد و ظروف العمل
....
البروتون مجربتهاش فى سرعات عالية لكن فى حدود السرعة اللى انا جربتها الاتنين متساويين تقريبا بس باور الاليزيه احسن فى استجابته و رد فعله مع الطريق
ثبات الاليزيه افضل من ثبات اللوجان
السوزوكى السياز لسه محدش جربها اصلا التجربة الكافية للحكم عليها و انا مسوقتها و معرفش عنها حاجة الصراحة
ثبات الاليزيه جيد لو انت نازل من فئة اعلى لو انت كنت راكب عربية فى نفس الفئة هتحس انه جيد جدا الى ممتاز , انا جربتها اكتر من مرة على سرعة 200 و مكنتش حاسس انى فى مشكلة او ان العربية هتروح منى و كانت متوازنة على الطريق

1 - شخصيا مقابلتش اعطال مفاجئة باستثناء انى عندى حساس فى الفتيس باظ و غيرته فى الضمان لكنى مقدرش اقول عليه عطل لانه لم يتسبب فى توقف العربية انا كنت ماشي بيها عادى لحد ما اوديها التوكيل
اللى حضرتك تقصده و سمعته من ملاك الـ 301 مش اعطال هى ملاحظات زى مثلا تهييسة سوفت وير الصبح مثلا و ده مش عطل ولا بيوقف العربية ولا بياثر عليها مجرد شال كابل البطارية و ركبه خلاص و دى حصلت مع كام واحد فعلا فى ال301 و الاليزيه اعداد قليلة , انما اعطال بمعنى اعطال لا مفيش

2- العربية حلوة جدا فى السفر و السرعات العالية و امكانيتها بتبان فعلا فى الطرق المفتوحة يمكن حضرتك هتستمتع بيها اكتر بكتير فى السفر من داخل المدينة البلد , بالنسبة لموضوع السرعات العالية انا سافرت بالعربية مرسى علم من القاهرة تقريبا 900 كم ذهاب و مثلهم عودة و على سرعة من 160 الى 200 طول الطريق و تشغيل التكييف معظم الوقت و العربية كانت تمااام و مفيش اى مشكلة , كلام عن عدم تحمل الموتور لسرعات عالية لمدة طويلة كلام عار تمام من الصحة

3- الكلام ده فى البيجو ال301 مش فى الاليزيه , الاليزيه شبكتها مبتتخلعش لانهم مش نفسم الاكصدام و لا نفس التصميم من الامام
ملحوظة البيجو ال301 كبوتها بارز عن الاكصدام و الاكصدام لا يمثل حماية للكبوت لو لا قدر الله اتخبطت من الامام الخبطة بتسمع فى الكبوت عكس الاليزيه الاكصدام هو اللى سابق الكبوت و بارز عنه

4 - بالوصف اللى حضرتك بتقوله ده لا محصلش اى حاجة زى كده لا معايا ولا مع اى حد من من ملاك العربية الحمد لله

5- النقطة ده هتكون صحيحة لو حضرتك ليك فى السوند سيستم و البازوكا و الجى ام و الكلام ده هتحس كده انما لو مش كده هتشوف انه جيد جدا

......................
العربية استهلاكها عادى زى اى عربية 1600 لا هى بتاكل بنزين ولا هى ترتقى لدرجة موفرة
التنك ممكن يعمل على الصحراوى من 550 الى 600 كم من غير الاحتياطى لو على سرعات ما بين 90 الى 110
العربية حساسة شوية للبنزين لو مغشوش او مخلوط عشان كده بنتقى البزينات اللى افول منها لكن مفيش اى مشكلة مع بنزين 92 انا شغال بيه بقالى سنة و3 شهور و محصلش اى مشكلة او شكوى , مجربتش احطلها بنزين 95 عشان احكم

______________________________________-

اتمنى اكون افدتك , حت امر حضرتك فى اى ائلة تانية

مش هقدر انصحك بغيرها لانها مش وحشة و بتاعة شغل وانا مبسوط منها و راضى عن اختيارى و عن الفلوس اللى اتدفعت فيها
لكن هنصحك تشترى العربية اللى بتلبى احتياجاتك و اللى وانت راكبها تبقى مبسوط , دول اهم حاجتين فى العربية
مفيش عربية متفوقة فى كل شئ و فيها كل المميزات
اختار العربية اللى فيها المميزات الى تهمك و اللى بتوفر متطلباتك واوالوياتك
..
الاليزيه تتميز بعدة نقاط هذكرها لحضرتك لو النقاط ده بتمثل اولوياتك اشتريها لو لأ شوف غيرها من السيارت اللى تلبى احتياجاتك :

الاليزيه تتميز فى :
1- وسع الصالون بشكل عام فى الامام و الخلف
2- وسع الشنطة 506 لتر
3- الثبات
4- فرامل قوية كعادة السيارات الاوروبية
5-شكل شيك وعصرى خارجيا و داخليا
6- اوبشنز كتيرة
7- موتور قوى
8- انتشار معقول مش كبير مما يعيطيها تميز و برستيج خاص
_________________