غالبا مشكلتك كانت ميكانيكي وحش و/او قطع غيار مضروبة ذات كفاءة سيئة
بدليل ان اول 100 الف العربية كانت زي الفل
رقم العضوية : 109228
تاريخ التسجيل : 02Aug2011
المشاركات : 17
النوع : ذكر
الاقامة : Cairo
السيارة: Hyundai - Getz
السيارة[2]: Brilliance - FSV
الحالة :
انا حابب انقل ليكو خبرتى مع البريليانس fsv موديل 2011 واللى ركبتها من 2011 من الزيرو لغاية لما بعتها فى 2015 وهى 150 الف كيلو
اول 50 الف كيلو
من اول مركبت العربية وانا كنت نازل من فيرنا وافيو وجدت فرق كبير جدا.... لأ متقدرش تقارن بين الافيو والفيرنا وبين البريليانس... الفرق كدة زى الزمالك واسمنت اسيوط..!!!
وكمان العبية ناعمة وتقيلة على الارض.. وشكلها اشيك بكتير... ولا هى عبيطة فى جريها و الثبات زى الفرنا ... ولا هى ابوابها ابواب تلاجة ايديال وعفشتها دبشة زى الافيو...
بصراحة كنت مبسوط اوى وحسيت ان اختيارى موفق..
من 50 الف كيلو الى 100 الف كيلو
الفترة دى كانت العربية مش بعملها اى حاجة غير طقم الصيانة... طبعا انا عمرى ما عتبت التوكيل بتاعها اللى بيبيع قطع الغيار للعربية زى ما تكزن جايب بى ام... وكنت بشترى حاجات العربية كلها من شارع دمشق ام من الحرفيين.....
- اول مشكلة بدأت احس ان الطنابير بتاعتها بتتاكل بسرعة و ايضا الفرامل اللى ركبتها مكان الفرامل الاصلية بتاعة العربية مش بقعد كتير... ومحدش يقولى سواقتك وحشة لأن انا برضة اللى كنت ماشى بالفرامل الاصلية اللى قعدت معايا تقريبا 25 الف كيلو... وبعدها مفيش تيل فرامل كمل معايا 6 الاف كيلو والطنابير كل 20 الف كيلو بغيرها
- كوع المشترك بتاع التبريد باظ ودة شىء عادى بالنسبة لعربية ماشية 80 -90 الف
- ابتديت اغير الحاجات الاصلية فى العفشة زى جلب المقصات وبيض الدركسيون واجيب انواع تانية من السوق
ولغاية كدة كنت مبسوط ومكانش فى مشاكل ...
من 100 الف الى 150 الف كيلو
- استهليت المرحلة دى بأن الايرباج بتاع العربية فتح فى وشى بعد ما خبطت فى بلاعة بريئة فى الشارع وانا ماشى على سرعة 25 كيلومتر و دة طبعا للايرباج بتاعى وبتاع اللى جنبى.... القنطرة بتاعت العربية اتخرشمت كمان... جريت على الحرفيين علشان اصلح الايرباج عند واحد من اللى بيرجعوا شكل العربية كويس ويدارى العيب بدون تصليحة ودة طبعا بعد ما روحت الوكيل وسألت عن الاير باج اللى عرفت انو حيكلفنى حوالى 9500 جنية
- ابتدت الديسك والاسطوانة يبوظوا فاشتريت ديسك و اسطوانة من شارع دمشق والغريبة ان بعدها ب 30 الف كيلو غيرتهم تانى وبعدها ب 20 الف كنت حاسس انهم بدأوا يبوظوا وانا ببيع العربية
- حكايتى مع الكوبلن بقى دة ولا حكايتى مع الزمان بتاعت وردة..!! انا يا سادة قعدت بالكوبلن بتاع العربية الاصلى 100 الف كيلو - علشان محدش يقولى سواقتك وحشة- وبعديها من 100 الف كيلو لحد 150 الف كيلو غيرت عدد 3 طقم كوبلن...!!! لا لا اكيد غلطت وانت بتكتب الرقم يا استاذ... لا ولاهى يا كابتن هما فعلا 3 طقم فى 50 الف كيلو...!!!!!!!!!
المشكلة ان الكوبلن اللى كنت بشتريه رغم انه كان سعره غالى ومن واحد متخصص بريليانس فى دمشق اسمه زكى جرجس... كان دايما الميكانيكى اللى كان بيركبه يقولى الكوبلن فى حاجة مش مضبوطة
- جلب المقصات اللى كنت بغيرها بعد الاصلية دى كنت بشتريها زى كيلو اللب كدة... وكل ما اعدى على الميكانيكى... اقف اغير طقم...!!!!
- يخيلوا علبة الدركسيون بتاعى باظت.. اية العلبة اللى حيلتى باظت...؟؟!! بدأت احلم بذكريات سيئة لية مع علب الدركسيون فى الاوبل فيكترا 97 وافتكرت شكلى لما الميكانيكى وقتها قالى : دى بسبع تلاف جنية يا هندسة..!!!
المهم متلعتش بسبع تلاف طلعت بستة بس..!!! دة طبعا عند عمو التوكيل... قولتلهم والله ما انا شارى وبعديها توجهت الى الحرفيين لافاجىء ان عدد علب الدركسيون فى مصر المستعملة هى اونلى فور...!!!!
المهم استلقطلى واحدة نظيفة بعد ما اقنعت الراجل بتاع قطع الغيار انه مش حيكون خسران لو خد 900 بدل 950 وان الخمسين جنية دى مش حيجبولك حاجة....
- اية تانى يا ولاد.. اه... الولاعة باظت مش عارف ازاى واضطريت اغير قلب الولاعة
- التكييف بتاعها كان كويس وفضل كويس بس كان احيانا بيفصل لوحده وكان بيشتغل عادى بعدها.. فقررت وقتها ان اعتبره زى التلاجة بيفصل كل فترة وتعايشت..
- عوامة البنزين.... اكبر مشكلة قابلتنى فى ام العربية دى وهى تقريبا المشكلة الوحيدة اللى ملقتلهاش حل..
من يوم ما جبت العربية وانا بحس ان التفويلة لو المفروض مثلا بتمشى 400 كيلو زان المؤشر لو مثلا اربع تربع يبقى كل يبقى كل ما اخلص 100 كيلو الاقى المؤشر بيقل ربع... دة مكنش بيحصل كان ممكن اخلص مثلا نص التفويلة والمؤشر بيبلغنى ان هوة على الفول وكله السطة.... وكان فى النص التانى من التفويلة كان بيجرى لتحت... بس كانت اللمبة بتولع لما البنزين بيشطب.. فمكنش عندى مشكلة وقولت لنفسى مش مشكلة كتر خيرها انها بتبلغنى لما بتكون عايزة تشرب...!!!
وفجاةء بدون اى مقدمات العربية بطلت بيا فى طريق السويس ايام الحظر بتاع رابعة الساعة 11 بالليل ومعايا مراتى لسة والدة قيصرى من اربع ايام و ابنى كان لسة موديل السنة وحماتى وموبيل مسكين فاصل للشحن...!!!!!!!!
حظ مهبب مش كدة..
المهم لاقيت واحد ونش معدى قطرنى وانا كل دة بفكر هى العربية فصلت لية..؟؟ وانا على الونش قولت للراجل متتدخل على البنزينة كدة افول بالمرة رغم ان المؤشر كان فى الربع الاخير... واكتشفت وعداد الفلوس بيجرى انى فولت ب 136 جنية رغم انى فى الطبيعى كنت بدفع 123 جنية دة معناه ان البنزين كان مشطب... وفعلا دارت العربية... ودفعت 300 جنية للوناش بعد خناقة وكان ماشى بيبرطم عن ناس مقشفين بيركبوا عربيات...!!!
رحت عن ميكو - دلع ميكانيكى - وقالى يا باشا العوامة زى الفل وعايزة شوية نظافة
وبعدها كلاكيت تانى مرة بس المرة دى لوحدى الصبح على كوبرى اكتوبر.... واتشتمت بالاب والام لغاية لما بانلى صاحب... دى غير ان بوست ايد محطات البنزين كلها علشان يدونى بوق بنزين
رحت تانى قالى الباشا لا احنا كدة بقى نغير عوامة البنزين وبالمرة الطلمبة علشان تبقى فى السليم يا باشا
دفعت 1300 جنية على الجزمة زقولتلو برستيجى يا معلم وانا بزق العربية اقيم عند من 1300 جنية
وبعدين حصل اية يا عم كمل.... لا ولا حاجة عطلت بيا تانى بس قدام النزينة المرة دى فى هليوبلس..!!!!
رحت تانى لميكو وقالى لا ازاى .؟؟؟ دة انا متمم عليها بنفسى.. مش ممكن ... وبعد نوبة من الهستريا اللى جت للميكانيكى وبعد ما ملى وشى تفافة من الحماس... قالى سيبلى العربية بقى المرة دى ويا انا يا هى...
رحتلوا بعد يومين وقالى يا باشا تصدق ان المشكلة طلعت فى المؤشر نفسة...؟؟؟ المؤشر لا يا راجل... كان مالو... كان معلق وانا ضبطهولك وبقت العوامة ماشية زى المية...
طبعا بتسألوا اية اللى حصل تانى.. اكيد عطلت بيا مش قولتلكو فى الاول انى بعت العربية..؟؟
بعت العربية واتدفن معاها سر كبير وهوة المؤشر والعوامة فيهم اية....؟؟؟؟
حد من الجمهور يسألنى هوة موضوع العوامة دة قعد معاك قد اية.... حوالى 7 شهور....
يسألنى واحد تانى ويقولى طب انت كنت ماشى ازاى من غير عوامة... اقوله اعتبرت ان العوامة دى من الكماليات اللى يمكن الاستغناء عنها ومشيت على عدادا الكيلووات كل 500 كيلو افول...
- وش السلندر بقى دة حكايتو حكاية.....
وش السلندر الاول....
ماشى فى طريق السويس العربية بطلت منى وانا ماشى - طبعا قولت على طول قطعت بنزين - بس لاقيت فى اصوات كركبة فى الكبوت فتحت الكبوت ولاقيت العربية بتغلى
رحت لميكو قالى ان الكوع بتاع معرفش ابصر اية اتشرخ والعربية اتصفى دمها... قصدى مايتها... طب فى امل يا دكتور.... يبصلى بطرف عينو ويقولى... احنا حنعمل اللى علينا والباقى على ربنا....
المهم العربية جابت وش سلندر فاتصلح و غيرت المياه... وقالى ان موتور المروحة بتاعة الرادياتير عايزة تتغيير علشان فى مشكلة... فدفعت زى الشاطر.... واستلمتها
وش السلندر التانى....
ماشى على كوبرى اكتوبر و فجاةء سمعت صوت - شخرمة - فى الموتور لثانيتين وراح كأنى دوست على قطة حديد او كلب بلاستيك.. حاجة زى كدة...
طبعا على طول بصيت على حبايبى الاتينن مؤشر الحرارة والبنزين زفضلت متابعهم حوالى نص ساعة لغاية لما اتأكدت ان كل حاجة سليمة كملت سواقة... وانا فى صلاح سالم عند بنزينة التعون كدة سمعت صوت زى ما تقول كدة حد بيعمل شاى فى الكبوت ومشغل الكاتل...!!!!!!!
وقفت على جنب عند البنزينة وبصيت على المياه بتاعت القربة لقيتها مش موجودة ... قولت فى عقل بالى يمكن ميكو نسى يحط مياه اصلا... جبت مياه خضراء حطيتها ولا مؤخذة فى العربية ودورت سمعت نفس صوت الكاتل فى القربة فعرفت على طول ان الوش بتاع السلندر يا خبيبى بقى فى الباى باى....
رحت لميكو اللى لما بقى بيشوفنى بينزل علية غضب ربنا وقولتلوا شوف الوش البلاستيك بتاعك دة اخباره اية... كالعادة يومين كشف وتعالالى...
روحتلوا قام قالى كل تمام يا باشا.... طب اية اللى حصل.... لا مفيش دة المروحة علقت وطلعت من مكانها والموتور بتاع المروحة اتحرق .. طب لية يا اخ... اصل الثرموستات معرفش اية اللى حصلوا فهيس... طب لية برضة.. اصل الكتاوت باظ فخله الثرموستات يهييس.. طب لية... بصلى بطرف عينو وقالى امر الله يا بشمهندس...!!!!!
المهم بعد 1200 دفعتهم خت العربية... وانا ماشى بلعن فى البرليانس... وبفكر ازاى اذلها زى ما ذلتنى...
وش السلندر الثالث.....
المرة دى ما جبتش وش سلندر بس القافية حكمت...
كنت ماشى فى شارع الحجاز وفجأة لاقيت واحد ماشى جنبى بيقولى... العربية بتعمل بى بى يا استاذ... بى بى ازاى دة انا لسة مغيرلها الصبح..!!! ... المهم ركنت لاقيت فى دش مياه طالع من الرادياتير زى ما يكون كدة الموتور كان بيستحمى....!!!!!
استغربت... اللى يخرم الرادياتير من النص بالضبط كدة....
رحت للميكانيكى استلمها من غير مايقولى اية المشكلة اصلا.. وانا مقولتلوش فيها اية...خلاص الكلام مبقاش له داعى..
تانى يوم روحتلوا لقيتوا قالى الرادياتير اتخرم.... والله العظيم احلف!!! ما انا عارف انه اتخرم اية اللى نيلوا.... اظاهر يا باشا ان المروحة لما طلعت من مكانها المرة اللى فاتت حكت فى الرادياتبر ونشع ومن لمشى اتخرم.....
كلام منطقى... بس المنطقى برضة انو لازم ابيعها علشان انا مش عايز يجيلى الضغط والسكر بدرى...
وهنا خت قرار انى اغورها على رأى مرات سامى مغاورى فى فيلم غبى منه فية
القرار اخدتو بعد :
- صرف حواى 14 الف جنية على العربية فى سنة واحدة
- عطلت بيا 12 مرة على الطرق والمحاور
- احساسى بأنها هى اللى راكبانى ولا مؤخذة ...
بدأت اكتشف بعد ما عملت اعلان فى 6 مواقع على البيع ان مفيش حد بيكلمنى اصلا... اية دة هى العربية مش باياعا كمان,, يلا اهى كملت.....
نص الاعلان:
بريليانس fsv موديل 2011 عاملة 150 الف كم فابريقة برة وجوة بالكامل / اون فيرانى / رخصة سنة/ كاوتش komho جديد من اسبوع/ بطارية جديدة من شهرين/ عفشة مجددة بالكامل من شهرين (4 مساعدين +جلب مقصات +جلب دونجل+كبالن داخلية وخارجية+بلى عجل + تيل وطنابير امامى وخلفى) / علبة دركسيون جديدة/ دورة تبريد مجددة+ رادياتير جديد / صيانة كاملة (سير + فلتر هواء + فلتر بنزين + فلتر زيت + زيت +فلتر تكييف +بوجيهات) / طلمبة بنزين + عوامة جديدة / قواعد موتور جديدة / صالون زيرو فابريكة / لا تحتاج الى اى قرش مصاريف
السعر 55 الف كيلو
كلمنى اثنين وهما مكسوفين كدة وفاكرنها هاتشباك..
وفى الاخر بعتها ب 46 الف جنية متبع مبدأ ( غورها)
ممكن يكون حظى وحش او اختارت ميكانيكى مش كويس او اشتريت قطع غيار مش قد كدة او العربية كان فيها مشكلة..
انتوا بقى اللى تقرروا.... واكتبولى فى التعليقات
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
غالبا مشكلتك كانت ميكانيكي وحش و/او قطع غيار مضروبة ذات كفاءة سيئة
بدليل ان اول 100 الف العربية كانت زي الفل
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
دي قصه كفاح ياباشا مش مجرد تجربه
رقم العضوية : 15268
تاريخ التسجيل : 27Jul2008
المشاركات : 90
النوع : انثى
الاقامة : https://t.me/pump_upp
السيارة: 87115182311
السيارة[2]: lanos
دراجة بخارية: b
الحالة :
خلاصة رحلة الكفاح الجامدة دي ان ايا كانت العربية الأصلي يعمر و التقليد يدمر
و ربنا يكرمك باحسن منها
https://t.me/pump_upp
رقم العضوية : 153761
تاريخ التسجيل : 27Dec2013
المشاركات : 202
النوع : ذكر
الاقامة : الجيزه
السيارة: لانوس
السيارة[2]: 128
الحالة :
انا كده شايفها زي الكوري في عمر قطع الغيار الاصليه
بس انا اعرف ان بدائل العفشه الماني !! فازاي معمرتش معاك
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
اسلوب سرد رائع. وتجربه لعربيه صينى حتى 150 الف كم
لا اله إلا الله محمدُ رسول الله
رقم العضوية : 3275
تاريخ التسجيل : 18Nov2007
المشاركات : 1,753
النوع : ذكر
الاقامة : حاليا ... السعوديه
السيارة: لايوجد
السيارة[2]: إسبرانزا 516 2012
دراجة بخارية: لايوجد
الحالة :
قطع الغيار المضروبه هيا اللي بهدلت العربيه
أنا لا أعطي مفتاحين لأحد :
مفتاح سيارتي ......
ومفتاح قلبي .......
رقم العضوية : 164494
تاريخ التسجيل : 26Aug2014
المشاركات : 780
النوع : ذكر
الاقامة : في الدنيا الواسعه
السيارة: chev lanos
السيارة[2]: lancer EX
دراجة بخارية: have not
الحالة :
اسلوب رائع .....
العربيه كانت مع اخويا
فعلا اول 100 الف كان بيقول انها مفيش زيها
بعد كده عمل بيها حادثه خفيفه كده ولما بدا يسئل علي قطع غيار لقيها نار
وفي حاجات مش موجوده غير في التوكيل
ولما قال اشتريها من التوكيل واركبها بره قالوا لا ما ينفعش
التكلفه كنت في التوكيل تقريبا 33 الف جنيه
ربنا كرمه وباعها بس للاسف اشتري اوبل فيكترا 98 بس برضه طلعت عينه
باعها وجاب ..... جالينا ههههه
انا رايي المتواضع ان العربيه زيها زي اي عربيه صيني اول 100 الف تمام
بعده كده شكرا وللاسف قطع غيارها غاليه ومش موجوده
وسعر اعادة البيع وحش جدا
هنا بقي تظهر اعتمادية الاوروبي او الياباني وطبعا بدرجه اقل كتير الكوري
لكن حتى الكوري اعتماديته احسن وقطع غياره منتشره وبكل الاشكال والانواع والصناعات
رقم العضوية : 148341
تاريخ التسجيل : 08Sep2013
المشاركات : 60
النوع : ذكر
الاقامة : الزقازيق
السيارة: Brilliance FRV
السيارة[2]: Fiat 131
الحالة :
يا راجل يا طيب .. أنت قتلتني ضحك ههههههههههههههههههههههههه
الفرق بيني و بينك هو حاجة واحدة بس , أني في الاساس مهمل ...
لدرجة ان مراتي كانت فاكراني قاعد بتفرج على مسرحية و اللاه فاتح موقع نكت ههههههههههههههههههههه
انا تقريبا زيك بالظبط في شوية نقط رغم ان اللي معايا FRV 2010 شاريها مستعملة من سنتين في 5 يناير 2013 و كانت وقتها عاملة 62 الف كيلو و دلوقتي عاملة 120 الف
المشاكل المشتركة بيننا بالمللي هي
يعني لمبة الـ check منورة عندي من سنتين .. مفكرتش اروح اشوف ايه المشكلة
الفرامل معايا مش ولابد في الفرملة المفاجأة على السرعات العالية .. واحد قالي تيل و غيرته و لسه نفس المشكلة و واحد قالي طنابير و كبرت دماغي
عندي مشكلة تقريبا كده ديسك و اسطوانة و مش متأكد الصراحة بقالها خمس شهور : http://www.nilemotors.net/Nile/455306-a.html
يا ريت صحيح لو تقولي ايه اعراض الديسك و الاسطوانة عندك لما باظوا
الكبالن و جلب المقصات فعلا بشتريهم زي اللب كده
عوامة البنزين عملت زيك بالظبط .. اول ما بعدي 550 كيلو بفول ..
تقييمي لمشاكل العربية بعد الـ 100 الف يتلخص في حاجتين
1- الميكانيكية اللي شغالين في العربية 99% منهم نصابين و حرامية .. و يا ريت لو تقولنا مين الميكانيكي اللي انت شغال معاه .. عندي احساس كده انه واحد في الحي مدينة نصر عند المدينة الجامعية و اول حرف من "و" و مش عايز اقول بياناته منعا للتشهير يعني .. بس هو اولا غالي , ثانيا صنايعي اي كلام
2- كل قطع الغيار الخاصة بالعفشة (مقصات - جلب مقصات - كبالن - مساعدين) من خارج التوكيل سواءا من مدينة نصر او من شارع دمشق , بتتجاب من الصين بالطلب و كلها باقل من المواصفات القياسية للعربية و ده بيسبب حاجتين الاولانية انهم اساسا بيبوظوا الحاجات السليمة اللي في العربية و التانية ان عمرهم الافتراضي قصير جدا
مختلف معاك في حاجة الا و هي ان على الرغم من الرغبة الملحة عندي في تغيير العربية , الا اني شايف انها عربية ذات كفاءة عالية جدا في المنقطة اللي انا عايش فيها (الشرقية) و العربية معايا عالية و مبقلقش من مطبات او حك او ((تثبيت)) لانها عربية صيني و الطمع فيها مش جامد زي العربيات التانية .. و بناءا عليه شايف انها عربية لقطة و ميتفرطش فيها .. أما بالنسبة للمشاكل , انا اصلا بارد و عادي بتكيف مع اي مشكلة في العربية و بتصرف يعني ...
آه بالمناسبة .. أن العربية شطبت مني بنزين على طريق الغردقة .. بعد راس غارب ب 30 كيلو .. اقرب محطة بنزين بيني و بينها 40 كيلو في اتجاه الغردقة و كان معايا مراتي برده بس المرة دي كنا رايحين نقضي شهر العسل ^_^ .. وقفلت سواق عربية نص نقل ابن حلال و كان معايا حبل , جرني الـ 40 كيلو دول , و اخد مني 35 جنيه .. الرقم مظبوط 35 جنيه ^_^ و مكانش راضي ياخدهم كمان و قالي انا شديتك جدعنة مش عشان فلوس ^_^
بالجدير بالذكر اني على طريق الغردقة ده ممسوك ردار مرتين , مرة 150 قبل راس غارب , و مرة 187 قبل مدخل الغردقة
رقم العضوية : 125744
تاريخ التسجيل : 06Jun2012
المشاركات : 21
النوع : ذكر
الاقامة : 10th of ramadan
السيارة: n/a
السيارة[2]: n/a
دراجة بخارية: n/a
الحالة :
الخلاصه ياتجيب قطع غيار اصلي يا اما تبع عند ال 100 كم :)
و ده اللي ناوي اعمله إن شاء الله
المفضلات