بخصوص شراء وش سليندر

**EngAhmedSayed** · 06-02-2015 02:14 PM

حاسس انى الموضوع ده
مش مظبوط ممكن تشرحلنا
الموضوع من البداية بكل تفصيله و مش من عند الميكانيكى لالالالا اول العطل
ياريت

**zico2009** · 13-02-2015 02:28 PM

المشاركة الأصلية كتبت بواسطة engahmedsayed

حاسس انى الموضوع ده
مش مظبوط ممكن تشرحلنا
الموضوع من البداية بكل تفصيله و مش من عند الميكانيكى لالالالا اول العطل
ياريت

اولا انا اسف علي التأخير كنت مشغول بخطوبتي يا جماعة

المهم الاول خالص العربية كانت تمام وزي الفل الترومستات 82/68 بتشتغل في ميعادها بين70 والنص وتفصل عند فوق ال70 بشرطة والعربية سحبها كويس لحد ما مره حطيت زيت يظهر كان مضروب المهم الزيت اتاكل بسرعة والعربية انا مكنتش مخون فمشيت كتير جدا علي زيت قليل
و نتيجة لكدة صوت المكنة اخشن اوي فركنتها عشان كنت مسافر ولما رجعت قلت اعمرها وجبتلها كل حاجة
المهم الميكانيكي قالي هقشط الوش قلتلو لا هجبلك وش جديد المهم قالي لا ده كويس
بعد العمره لقيت الحرارة بتوصل لي فوق النص وتحت 110 نقول 100 مثلاوتشتغل المروحة انا الصراحة كنت ناسي حوار الترموستات الواطي وكنت فاكر اني حاطت الترومسات بتاعها
المهم في اول مشوار لقيت العربية سخنت اوي ركنت علي جنب لقيت الخرطوم الي تحت شمال داخل علي المتور ضارب و جابت جوان في ثواني ظهر طحينة وكده في غطا الزيت . المهم غيرلي الجوان بواحد تاني قام ضرب الردياتير

اخر حاجة قالي معرفش العربية مالها واتكلم وحش المهم حطلي جوانين والعربية مشيت ونفس الحوار بتاع الحرارة ده ان العربية مهيسة حتي مع تغير الترموستات
المهم خدت العربية ودتها لميكانيكي تاني فك الوش كله وراح لخراط لقي في خرمين عند الطبة المهم عملهم وركب جوانين وفعلن العربية مبقاش في خلط زيت وطحينة كل ده اختفي ولكن نفس موضوع الحرارة واستهبال الترموستات

لما لفت نظرة استهبل وقالي روح لكهربائي وهنا عرفت ان في حاجة غلط

انا مع نفسي غيرت 4 ترموستات واطي منهم القديم الي كان قبل العمرة 82/68 نفس الحوار
غيرت الصوباع
المروحة 6 ريشة سرعيتن موصلها دايركت بالبطارية سرعة عالية وبتبرد العربية في ثواني وفي اثناء المشاكل دي عشان اتحرك كنت بعمل شورت مكان الترموستات عشان المروحة تشتغل علي طول والحرارة كانت بتكون ثابته عند 70

غيرت الصوباع بتاع الحرارة نفس الكلام

شكيت في الامبير بس فعلن عند ميعاد تشغيل الترومستات لما بتهيس عند 100 بحط ودني بحس فعلن بصوت غليان وفقاقيع في القربة

ملحظاتي
ان في هوا بيظهر كتير ومهما سحبتو بيرجع ولما العربية تكون سخنة وبفتح غطا القربة بلائي الماية عليت جوا القربة
الترموستات ممكن تشتغل في ميعادها الصحيح لو العربية باردة فقط علي الوضع قبل العمرة قصدي اول مرة تشتغل المروحة بعد تشغيل المتور بعد ما العربية تسخن يحصل التهييس ده
انا شاكك ان في كبس للمتور بيخش دورة التبريد بيسخن الماية اوي ويبخر الماية فالترومستات متحسش الا متأخر
لما فكيت الوش عند الميكانيكي التاني كان في مكان مسمار من مسامير الوش مفوت فعملت عند الخراط جلبة فهل ده يعمل مشكلة مكانه اقصا مسمار فوق علي يمين المتور
هل ده وش السليندر ولا ممكن يكون في حاجة تانية تعمل كده

انا اسف للأطالة بس ده الحوار كله

**smoke_vfx** · 16-02-2015 11:44 PM

السلام عليكم
الف مبروك يا صديقى على الخطوبه وربنا يتمملك على خير ... بالنسبالى بعد ماعملت العمره وكده بقالها اكتر من شهر واسبوع او اكتر مش فاكر والله ميعادها بالظبط الحمد لله من فضل ربنا العربيه زى الفل مافيش حاجه لا سخونيه ولا غيرو بالعكس الموتور هدى العربيه بقت تمام جدا الحمد لله وانا عملت عمره كامله وغيرت وش السلندر بفيكا والحمد لله الامور تمام

**tamer0101** · 17-02-2015 12:02 PM

بص انا حقولك على حوار حصل معايا العربية كانت بتسخن والمروحة تفضل دائرة على طول والعربية برده سخنة يعنى 85 الى 90 ومافيش حد عرف يعمل حاجة فيها واشتريت كذا ترموستات وبرده مافيش فايدة لغاية ما غيرت علبتيين الشكمان وبعد كده العربية ظبطت المروحة بتشتغل فى معادها وتفصل فى ماعدها اعمل حسابك بعد العمرة تكشف على خروج العادم ماشى بشكل طبيعى علشان لو فى مشكلة فى خرج العادم بيسخن العربية وربنا معاك ........

**zico2009** · 18-02-2015 06:39 AM

المشكلة عندي ان العربية قبل حوار العمرة دايما الحرارة في الربع
بعد العمرة الحرارة فوق النص , علي نفس الترموستات 82/68. غيرتها علي اساس انها ممكن تكون خربت لكن جبت اربع ترموستات واطي نفسها82/68 وكلهم بيفتحو المروحة بعد النص ويفصلو عند النص ,انا بلاحظ ان في هوا داخل دورة التبريد ودايما يرجع بعد ما يتسحب, هل الهواء ده ليه علاقة بتاخير عمل الترموستات , هل وش السليندر ورا كل ده اعرف ازاي,؟

**zico2009** · 18-02-2015 07:41 PM

يا جماعة حد يعبرني , بجد انا خايف اجيب وش سليندر ويطلع العيب من حاجة تانية

**smoke_vfx** · 19-02-2015 01:02 AM

اسمع يا استاذى انا ممكن اخدك عند الميكانيكى اللى عملت عنده العمره بتاعة عربيتى لان الاسلوب اللى انت ماشى بيه ده مش هاينفع لو حابب انا ممكن اقابلك فى يوم ونروحله سوى هو حد بيتق الله وشاطر هو فى ناهيا البلد بس حد شاطر وبيتق الله وفاهم الفليشيا كويس اوى انا الحمد لله عمرت عربيتى والحمد لله زى الفل من ساعتها والحراره عندى عمرها ماعدت 90 شوف لو حابب انا ماعنديش مشكله لان انا صعبان عليا اللى انت فيه ده ومريت بيه وحابب اساعد باللى اقدر عليه شوف وقولى .