بخصوص شراء وش سليندر

**zico2009** · 04-02-2015 02:10 AM

يا جماعة انا عمرت عربيتي الفليشيا المهم بعد ما خلصت لقيتها بتسخن جامد جدا و من السخونة الماية بتخرج من المتور بخار فبتالي العربية بتسخن والترموستات مش بتشتغل المهم انا شكيت في وش السليندر انو بايظ عشان الميكانيكي خرطو فبعد كل المحاولات رحت لميكانيكي اخر قالي وش ده وش السليندر بايظ مع الاخذ في الاعتبار ان الاتنين صنيعية كويسين وطبعا انا بشوف خلط ماية بزيت في القربة والعكس في غطاء الزيت

السؤال هنا هل فعلن الوش باظ خالص ولا ممكن تكون حاجة تانية؟
انا ناوي اجيب وش صيني فيكا هل هو كويس عشان انا معيش تمن الاصلي و خايف من الاستيراد ؟

واسف للأطالة

**blazer** · 04-02-2015 02:40 AM

اشترى وش استيراد و الميكانيكى او الخراط هيكشفلك عليه و يتاكدلك انه كويس

**zico2009** · 04-02-2015 03:18 AM

والله انا بخاف من الاستيراد ومش حابو فهل حد جرب الوش الصيني و ممكن يفدني؟

**م أحمد** · 04-02-2015 10:36 AM

طبيعى ان الموتور يسخن بعد عمل العمرة فى الورش اليدوية خصوصا فى مرحلة التليين

اصبر لغاية 1000 كم و شوف لسة السخونة موجودة و لا لأ مع ملاحظة ان كلمة سخونة يعنى درجة حرارة اعلى من 95 و المبرد مليان مياه بالكامل

و طبيعى ان درجة حرارة الموتور هتبقى اعلى قبل العمرة لان الاجزاء اصبحت اكثر احكاما من مرحلة التفويت

لو السخونة موجودة ممكن تكون التاكيهات ما اظبتتش كويس او سير الكاتينة ركب غلط

لو تقصد بخار المياه اللى خارجة من الشكمان فدا دليل كفاءة احتراق و كبس كويس مش دليل جوان وش سلندر

الترموستات ما بيشتغلش ....دى طلعها من حساباتك تماما لانها مشكلة كهربا غالبا بتحصل مع فك و تركيب الاجزاء

مشكلة طبعا لو الميكانيكى التانى عارف انك رحت لمنافس فيطلع لك الجوانات الفاطسة !!!

**zico2009** · 04-02-2015 10:49 AM

المشاركة الأصلية كتبت بواسطة م أحمد

طبيعى ان الموتور يسخن بعد عمل العمرة فى الورش اليدوية خصوصا فى مرحلة التليين

اصبر لغاية 1000 كم و شوف لسة السخونة موجودة و لا لأ مع ملاحظة ان كلمة سخونة يعنى درجة حرارة اعلى من 95 و المبرد مليان مياه بالكامل

و طبيعى ان درجة حرارة الموتور هتبقى اعلى قبل العمرة لان الاجزاء اصبحت اكثر احكاما من مرحلة التفويت

لو السخونة موجودة ممكن تكون التاكيهات ما اظبتتش كويس او سير الكاتينة ركب غلط

لو تقصد بخار المياه اللى خارجة من الشكمان فدا دليل كفاءة احتراق و كبس كويس مش دليل جوان وش سلندر

الترموستات ما بيشتغلش ....دى طلعها من حساباتك تماما لانها مشكلة كهربا غالبا بتحصل مع فك و تركيب الاجزاء

مشكلة طبعا لو الميكانيكى التانى عارف انك رحت لمنافس فيطلع لك الجوانات الفاطسة !!!

سير الكاتينة ركب غلط ازاي.... يا باشا سخونة خلت وصلة الكوتش الي خارجة من تحت فرقعت وخلت الردياتير ينفس .....

**zico2009** · 04-02-2015 10:52 AM

بخار الماية و غليان من راجع القربة او الداخل للردياتير مش سريان مايه عادية

**م أحمد** · 04-02-2015 11:07 AM

سير الكاتينة يركب غلط يعنى يبقى مرحل سنة او اتنين ...فالتاكيهات توقيتاتها هتبقى مش مضبوطة....إما تحبس العادم قبل خروجه بالكامل فالعربية تسخن او تدخل كمية وقود اقل فالعربية تيقى باردة ...و ضبط التاكيهات نفس المشكلة

مش المفروض ان السخونة تخلى الوصلات تفرقع حتى لو مياه مغلية

ما اعرفش حالة المبرد عندك عاملة ازاى بس ممكن يكون ضايع و هو سبب المشكلة

و أتأكد ان المروحة بتلف فى الاتجاه الطبيعى و اطرافها مش معكوسة ...يعنى الهواء من برة العربية لجوة....و شغل المروحة يدوى شوف الوضع هيبقى ازاى لانك كاتب ان الترموستات مش شغال

مرة تانية لو فى فترة التليين العربية بتبقى اسخن نم المعدلات الطبيعية و شوف المروحة و المبرد عندك

**ehab mobarak** · 04-02-2015 12:39 PM

سؤال بعد اذنك الجوان اللي ركب بعد كشط الوش خفيف والا محمل والا جوانين وكمان لما بتفتح القرية والعربية باردة فيه ضغط خارج جامد وانت عملت دورة كسح عشان تطمن علي دورة الميه لو مركب جوان واحد رفيع يفضل جوانين او واحد محمل ولو فيه ضغط جامد في القربه كانك بتفتح علبة كانز يبقي الوش وشيك علي دورة الميه وخد هواها

**zico2009** · 04-02-2015 06:41 PM

والله وديت الوش القديم لخراط دلوقت قالي فيه خروم تقريبا وهيتلحهم

**smoke_vfx** · 06-02-2015 02:26 AM

بص يا صديقى انا شخصيا عمرت عربيتى من شهر واشتريت وش سلندر فيكا والعمره كلها فيكا والحمد لله العربيه بقت كويسه المهم اللى يشتغل فى العربيه يكون فاهم لان من الاخر مش اى حد يشتغل فى موتور الفليشيا وخصوصا تقفيله عاوز خبره فى الاسكودا علشان تقدر تقفله مظبوط وتتلافى المشاكل دى وبالنسبه للحاجات الفيكا فاهى حاجات كويسه ومضمونه بس مش فى كل حاجه ربنا معاك يا صديقى وان شاء الله خير

الموضوع: بخصوص شراء وش سليندر

LinkBack

أدوات الموضوع

عرض

بخصوص شراء وش سليندر - انشر الموضوع فى :

-

-

-

-

-

المواضيع المتشابهه

وش سليندر استيراد

ايه الفرق بين جراند شروكي 99 ال 6 سليندر و 8 سليندر

مسااااعده في شراء شيروكي 95 اربعه سليندر

وش سليندر ابيزا 99 ....

موتوسيكل 24 سليندر

الكلمات الدلالية لهذا الموضوع

المفضلات

المفضلات

ضوابط المشاركة