تفرير عن مقايسه اصلاح حادثه فلوانس

**w_abaza** · 05-02-2015 04:11 PM

عملت حادثه بالعربيه فلوانس 2014 و التلفيات موجوده في صوره المقايسه بأستثناء الي قدامها علامه X

الي هيجنني أن التوكيل طالب مني 24300 في الحاجات دي .
أنا عامل تأمين علي العربيه . وطبعا التأمين هيدفع جزء . لكن الأسعار مبالغ فيها جدا .

أنا عاوز رأي الخبره بتوعنا في الموضوع ده .

**pepo2011** · 05-02-2015 04:17 PM

طبعا اسعار التوكيل مبالغ فيها وخصوصا انك مأمن عليها فلازم تعملها في التوكيل والتامين يدفع مفيش حل تاني
او تعملها برة في مركز معتمد من التوكيل والتامين طبعا بس لا أثق في الجودة

**أحمد عيسى** · 05-02-2015 06:51 PM

حسبنا الله ونعم الوكيل فى أسعارهم انا لما عرفت سعر المقايسة توقعت ان مقدمة العربية كلها رايحة _ لما قريت التغييرات على المبلغ ده حرام والله منتهى الأفترا _ ربنا يعوض عليك

**Hany Saad** · 06-02-2015 10:47 PM

قدر الله و ما شاء فعل.....الف سلامة عليك استاذ وليد و فداك الف عربية
للأسف ديه الأسعار الطبيعية فى اى توكيل و لو شوفت نفس الحاجات دى فى اى توكيل اخر بأكدلك انها هتبقى اغلى
انا هحسب معاك تمن قطع الغيار بالتقريب و ده من دماغى و لكن علشان نعرف احنا فين من الواقع:
١- اكصدام امامى حوالى ٣٠٠٠ جنيه
٢-قواعد اكصدام امامى حوالى ١٠٠٠ جنيه
٣- علامة رينو امامية حوالى ٥٠٠ جنيه
٤- كشاف امامى شمال حوالى ١٥٠٠ جنيه
٥- قاعدة كشاف شمال حوالى ٥٠٠ جنيه
٦- كشاف امامى يمين ١٥٠٠ جنيه
٧- قاعدة كشاف يمين ٥٠٠ جنيه
٨- قربة مياه حوالى ١٠٠٠ جنيه
٩- طبة حوالى ٣٠٠ جنيه
١٠- موتور رشاش حوالى ٥٠٠ جنيه
١١- فانوس شبوره حوالى ١٠٠٠ جنيه
١٢- فبره حوالى ٣٠٠ جنيه
١٣- سربنتينة تكييف و دى اغلى حاجة فى المقايسة و مش هتقل عن ٥٠٠٠ جنيه
يعنى قطع الغيار لوحدها داخله فى حوالى ١٦،٥٠٠ جنيه او اكتر
و فيه سمكرة و دهان و فك و تركيب اكصدمات و قطع غيار و مصنعيات و شحن فريون و خلافه حوالى ٦٠٠٠ جنيه
يطلع اجمالى المقايسة مظبوط
للأسف هى دى أسعار التوكيلات كلها و دى كمان تعتبر متوسطة لان فيه اعلى منها كتير
الحمد لله على كل شىء و انها جت على قد كده....ربنا يعينك
نصحتى فاصل معاهم على قد ما تقدر بس اعملها عندهم علشان تاخد شغل مظبوط و ترجع تستمتع بالعربية تانى و الحمد لله انك مأمن عليها
او لو حابب ممكن تجيب كل قطع الغيار من عندهم و تعمل شغل السمكرة و الدوكو عند ورشة نايل موتورز استاذ كريم منير، ناس كتير بتشكر قوى فى شغلهم

تحياتى