الموضوع: انجدوني من فضلكم

المشاركة الأصلية كتبت بواسطة pepo2011

يا اما مشط او بوبينة

فعلا المشكلة ديه الميكانيكي قالي يا اما مشط يا موبينة يا اسبيراتير . وانا غيرت المشط لما اشوف بقة الدنيا هتتظبط ولا ايه وابقى اقولكم

أخي الكريم السلام عليكم
اذا السيارة نتعت تنتيع معناها مشكلة تقصير بنزين, أما اذا طفت و هي ماشية بدون تنتيع, معناها مشكلة فصل كهربا,
و اللي فهمتو منك انو صار تنتيع, يعني مشكلة تقطيع بنزين,
و بتصير بأحد الأسباب التالية الأكثر شيوعا:
1- مصفاية البنزين وسخة بحاجة لاستبدال أو تنفيخ, و يفضل الاستبدال
2- خزان البنزين بآخرو, بيصير تقصير بالبنزين
3- ( وهو الأغلب ) طرنبة البنزين, لو جربها الميكانيكي وما وجد فيها مشاكل, انما مشاكل طرنبة البنزين بتصير لما تصير الطرنبة حامية ^_^
المطلوب منك:
1- غير مصفاة البنزين, اذا المشكلة ما راحت, وطفت السيارة معك, صف عاليمين مدة خمس دقائق وبعدين ارجع شغل السيارة و روح غير الطرنبة, أو غير مجموعة الضخ اللي بالطرنبة( الطبلة و الكواشيك)
أتمنى أن تكون اجابتي صحيحة ومفيدة
أخوك من الشام حازم

علي العموم جرب بس في اغلب الظن البوجيهات ممكن تكون المشكلة او كابلاتها راجع عليهم فيه ناس بتبقي لسه مغيره بوجيهات ويطلع فيها عيب اسمع صوت الموتور كويس وشوف استمرارية الصوت ونعومته وربنا يوفقك

المشكله ديه حصلتلي بظبط من شهر ودوختني لمدة ٣ اسابيع وكنت محتار زيك كده وجبت بوبينه ومشط وكان نفس الحكايه وانا ماشي عادي تنتش وتقف وفين وفين ليله ماتدور والمشكله طلعت من ملف الاسبراتير وغيرته كله جديد ولحد دلوقتي الحمدلله تمام

شوف اخى الفاضل الكلام ده حصل معايا تماما ,
الفرامل حجرت جدا , و الجنط اليمين سخن و العربية تحس انها متلتة
لكن بتوفيق الله كنت قريب جدا من البيت و الميكانيكى بتاعى , فببساطة ركنتها و روحت للميكانيكى ,
جه معايا و دورها بالعافية زق مش كونتاك و خدها على الورشة و لما وصل للورشة قام فاكك الماستر من السيرفو بتاع الفرامل و زيته بزيت باكم و زيت قطعة تشبه الدراع خارجة من السيرفو على الماستر و خفض الفرامل سنة بسيطة و قالى ان الكلام ده حصل نتيجة ضغطة قوية و مفاجئة على الفرامل و بالفعل العربية بقت تمام و ماحصلتش معايا تانى الا ان الفرامل اتخفضت درجة بسيطة و نصحنى فيما بعد بتغيير الماستر
عموما جرب و شوف يمكن يفيدك الكلام ده

انا بصراحة متشكر ليكو يا جماعة على اهتمامكم .
وانا الحمد لله من ساعة ما غيرت المشط المشكلة لم تتكرر لحد وقتنا هذا وربنا يكملها على خير

يا جماعة محتاج سيارة عائلية ومتينة وشكلها حلو وتكون في حدود 30000جنية رجاء من السادة الافاضل المساعدةوقطع الغيار رخيصة والصيانة متوفرة