تشغيل الراديو وأنزال الشبابيك فلوينس e3

**unixed** · 06-02-2015 03:59 PM

يا شباب حد يعرف ازاى ممكن نشغل الراديو وننزل الشبابيك فى ال e3 من غير مندور العربيه؟ انا حاولت ادوس على زرار التشغيل من غير مدوس فرامل العربيه فعلا بتاخد كهربا والعدادات بتشتغل بس مبعرفش اشغل الراديو برضو ولا انزل الشباك . الفكرة بس ان الواحد لو عاوز يعض شويه يستنى حد ولا حاجه من غير ميدور

**ReeMoOo** · 06-02-2015 04:54 PM

لو حطيت الكارت في المكان المخصص له تحت الراديو، بكده تقدر تشغل الكهربا بتاعة العربيه، سواء راديو او تكييف او رفع وغلق الازاز وغيره...

اما لو عايز تدورها فيكفي ان الكارت يكون في جيبك وتضغط فرامل ومعاها تضغط زرار start

**Hany Saad** · 06-02-2015 10:20 PM

يكفى انك تفتح باب العربية علشان تشغل الراديو....مش محتاج اى شىء اخر....
الراديو هيشتغل معاك حوالى ٢٠ دقيقة و يفصل علشان يحافظ على البطارية
الموضوع ده تقدر تعمله ٣ مرات X ٢٠ دقيقة كل مرة و بعدين بتطلع رسالة تحذير..... BATTERY LOW TURN ENGINE ON

بالنسبة لرفع الزجاج فده بيكون زى ما الزميله العزيزة افادت....لازم تحط الكارت فى ال slot و تضغط زر الاستارت علشان العربية تاخد كهربا

تحياتى

**heeshooheeshoo** · 07-02-2015 08:37 PM

المشاركة الأصلية كتبت بواسطة Hany Saad

يكفى انك تفتح باب العربية علشان تشغل الراديو....مش محتاج اى شىء اخر....
الراديو هيشتغل معاك حوالى ٢٠ دقيقة و يفصل علشان يحافظ على البطارية
الموضوع ده تقدر تعمله ٣ مرات X ٢٠ دقيقة كل مرة و بعدين بتطلع رسالة تحذير..... BATTERY LOW TURN ENGINE ON

بالنسبة لرفع الزجاج فده بيكون زى ما الزميله العزيزة افادت....لازم تحط الكارت فى ال slot و تضغط زر الاستارت علشان العربية تاخد كهربا

تحياتى

باشمهندس هانى .. كلام حضرتك مضبوط ، ولكن أنا عندى فيه إختلاف أنه بعد تشغيل الراديو 3 مرات (المرة الواحدة لمدة 10 دقائق) الكهرباء بتفصل تماماً إجبارى بدون رسائل تحذير ، وعلشان أشغل الراديو تانى إما أفتح الباب وأقفله علشان نبدأ نعد 3 مرات تانى من جديد أو أحط الكارت فى ال Slot فالسيارة بتاخد كهرباء وساعتها بأقدر أشغل أى حاجة فتح وغلق الزجاج وفتحة السقف والراديو بدون الضغط على زر START ( بمعنى بدون تدوير الموتور) .. وبعد ما أشغل إللى أنا عايزه أشيل الكارت تانى علشان ماتبقاش السيارة واخده كهرباء بدون لازمه .. هل النظام عندى مختلف ؟