الموضوع: ايه حل مشكلة استهلاك البنزين

المشاركة الأصلية كتبت بواسطة m7mdbkr

الحمد لله العربيه بقت تعمل 230 ك ف الصفيحة ده اخر متابعة منى ده داخل المدينه ومشاوير ف حدود 35 ك رايح جى ع سرعة 90 ومتوسط ار بى ام 2.5 الى 3

ما شاء الله ممتاز هحاول اجرب كدا فى مشوار طويل شكرا على رد حضرتك

ميكانيكى تانى النهاردة قالى ممكن حساس الشكمان ميكونش بايظ بس ضعيف وهوه اللى عامل مشكلة استهلاك البنزين العالية دى بس مفيش أى دخان اسود من الشكمان مش عارف أغير حساس الشكمان وخلاص ولا ايه ؟

فى انتظار ردود حضراتكم

فى أنتظار رأى باقى خبراء ومشرفين المنتدى

متابع

المشاركة الأصلية كتبت بواسطة m7mdbkr

الحمد لله العربيه بقت تعمل 230 ك ف الصفيحة ده اخر متابعة منى ده داخل المدينه ومشاوير ف حدود 35 ك رايح جى ع سرعة 90 ومتوسط ار بى ام 2.5 الى 3

هى كانت بتعمل كام وبقت كده عملت ايه وشكرا

من الاخر اللى هيظبت معاك الاستهلاك حاجه اسمها فيشة الاوكتان ابحث عنها فى المنتدى وهتلاقى الرجاله شرحنها بالتفصيل او تبحث فى جوجل . ضبط الفيشه على نوع البنزين وهتعمل رستارت لكمبيوتر العربيه وهتشوف حاجه تانيه خالص . ضبط الفيشه والكمبيوتر فى نفس الموضوع اللى هتبحث عنه

شوف يا أخي العزيز:
أنا معايا لانوس 2007 كاملة و كنت باعاني من نفس المشكلة فبعد ما كانت بتعمل معايا داخل المدينة (زي المسطرة) 180 كم في الصفيحة و 240 كم في الطوالي لقيتها بتعمل 140 كم بس في الصفيحة داخل المدينة على نفس المشوار بدون تغيير و ربنا هدانا في النهاية بعد طول عذاب و بحث ان جوان طرمبة البنزين كان تمدد و بيسرب ( و الغريبة انه ماكانش بيسبب رائحة في الصالون يمكن لأني مركب فرش و دواسة جلد) و لكن عند فك الكنبة الخلفية و الغطاء الموجود فوق الطرمبة وجدنا التسريب واضح ( لأني دايما بأفول للزور و بامشي من 180 الى 190 كم و باعيد ملئ التنك لأني بامون 80 و باخاف من رواسب التنك ) و بعد تغيير الجوان الحمد لله رجعت لأصلها.
الخلاصة:
بعد التشييك على:
سلامة البوجيهات و كابلاتها - سلامة فلاتر الهواء و البنزين - سلامة بلف الراجع ( الريجيوليتور ) - عدم تغييب في الدوارة ( دليل على سلامة الرشاشات) - عدم اضائة لمبة ال check من سرعة 120 و ما بعدها (دليل على سلامة حساس الشكمان).
تكون المشكلة غالبا من تسرب البنزين و يكون العلاج الأمثل بفحص دورة البنزين بشكل سليم.
و عذرا للإطالة.