الموضوع: لانوس اتوماتك موديل ٢٠٠١

السلام عليكم ،
صراحه انا معجب جدا جدا بمواضيع حضراتك و كميه المعلومات اللى استفدت منها كتير جدا ربنا يعزكم يارب..
موضوعى انى مقبل باْذن الله على شراء لانوس اوتوماتك موديل ٢٠٠١
العربيه لفت نظرى فيها ان موتورها 16 v و كل العربيات اللى شفتها 8v كموتور ..
سالت فى الموضوع ده صاحبها كان رده انها استيراد امريكا و موتورها موتور نوبيرا ١
و فيها اير باج ممكن اعرف من حضراتكم مميزات هذا الكلام اه و عيوبه ده شى و أكون شاكر لحضراتكم جدا
الموضوع التانى
خاص بوجود تسريب زيت على الموتور
فكلام صاحبها ان الطبه بتسرب و فيها عيب !
انا قولتله انا هكشف عليها فى التوكيل و يارب تكون زى منتا بتقول ..
هل التوكيل ممكن يفيدنى فى هذا الموضوع وكشفهم يقدر يطلع كل صغيره و كبيره فى العربيه ولا ؟
وهل يقدر يقول العمر الافتراضي بتاع كل قطعه اد اه !
الموضوع الثالث
لو ربنا قدر وتمت البيعه حضراتكم تنصحوني بايه خطوه بخطوه عشان انا اول مره اركب اتوماتك ..
هيا اتعرضت عليا ب ٤٢ هل السعر ده كويس
جزاكم الله خيرا و ربنا يبارك فى حضراتكم

شكرًا لرد سيادتك .. هل فى وجهه نظر تانيه