ايه حل مشكلة استهلاك البنزين

**FAR!D** · 15-02-2015 07:42 PM

المشاركة الأصلية كتبت بواسطة mahmoudkhalil

هل فيشة الاوكتان تاثر على الاستهلاك بشكل كبير
فيشه الاوكتين بتمنع ظاهره التسقيف او الصفع ملهاش علاقه بالاستهلاك

وايه دخل البوجيهات فى الاستهلاك
البوجيه لو حرقه وحش او الشراره ضعيفه بتخلي العادم ني يعني مابتحرقش البنزين كويس و بواقي بخار بنزين تخرج مع العادم لكن كاستهلاك معرفش

وازاى اعرف ان الرشاشات فيها مشكله
الرشاشات بتتعرف من اختبارها على الجهاز و بيتشاف شكل الضخ بتاعها عامل ايه و بتسيل ولا ﻷ و ديه بتأثر جامد على الاستهلاك

وازاى احكم على الدواره سريعه ولا بطيئه
دواره سريعه او بطيئه المقصود بيها ان العربيه بتدور مع اول تكه بالبلدي ولا بتطول و بتغيب

معلش اسئلتى كتير
ولا يهمك انت تؤمر

الرد بداخل الاقتباس

**FAR!D** · 15-02-2015 08:54 PM

المشاركة الأصلية كتبت بواسطة mahmoudkhalil

شكرا الى الاستاذ فريد
انا لسه متعلم سواقه من شهر ده يأثر على الاستهلاك
ومعظم مشى على طرق وحشه ومطباتها كتير

موضوع تعلم السواقه جديد مفتكرش يأثر على الاستهلاك
اما الطرق عدا الاسفلتيه طبعا بتأثر بس مش للدرجه المحسوسه

**mena elbrashe** · 20-02-2015 01:48 AM

انا عربيتى 2009 وبتعمل داخل البلد حوالى 180 او 185 ك فى الصفيحة مع العلم انى بجرى والار بى بيوصل معايا فوق ال 3 و3 ونص فى النقلة اية الوصع كدا كويس وﻻ وحش

**mahmoudkhalil** · 20-02-2015 08:41 PM

المشاركة الأصلية كتبت بواسطة ًWilliam Karim

شكرااااااااا جداااا لحضراتكم جداا على ردودكم والحمد الله المشكلة أتحلت والعربية بقت بتعمل 180 كم فى الصفيحة داخل البلد بعد ما كانت بتعمل 100 كم فى الصفيحة والمشكلة اتحلت بالصدفة وانا عند الميكانيكى بعمل حاجة فى العربية لقيته ماسك سلك رفيع تحت المانفول مكتوب عليه Caution Fuel فبقوله السلك دا انت خلعته منين قالى دا كان مخلوع والسلك دا سألت بتاع ايه طلع سلك فايص هوا فركبه فى مكانه وفى نفس الوقت لغيت الـ Egr برده بس أكيد المشكلة دى كان سببها السلك المخلوع دا الميكانيكى أكدلى كدا

يا ويلم يا ريت توضح الكلام شويه ايه egr وسلك الفايص ده فين بالظبط ووظيفته ايه