الموضوع: استطلاع لمالكى الكورولا الجنوب أفريقى بخصوص الفتيس Mmt

المشاركة الأصلية كتبت بواسطة sab3aawy

اللى هيشتريها هو اللى قابل انه يجرب حاجة جديدة تختلف عن المألوف يمكن تعجبه ويمكن تسد نفسه وعنده استعداد انه يدفع ثمن الكورولا فى التجربة دى

اتفق معاك تماماً مش اى حد عنده قابلية للتغير

فى ناس مش ممكن تغير عربياتها وتقعد معاها أكثر من 30 سنة ومبسوطة بيها ومش بتفكر تغيرها لاى سبب

وفى ناس تسنى على اى حاجة جديدة اربع خمس سنين لغاية اما يتأكدوا من كل المعارف والأصدقاء والجيران والحابيب ان كلوا تمام وممكن يغير

وفى ناس لسة بتقول عربيات زمان مفيش احسن منها و العربيات الجديدة ديه ورق والكرابيترار أحسن من الانجيكشن ومتجبش فتيس اتومانيك هات مانيوال لان الاتوماتيك بيبوظ بسرعة ومفيش حد بيعرف يصلحة وغالى جداً ومش عملى

وفى ناس عندها الجرأة انها تجيب تكنولوجيا جديدة خاصة من صانع سيارات ذو أسم كبير وسمعة محترمة زى بى ام ومرسيدس وأكيد تويوتا ... وغيرهم كثير

تحياتى

المشاركة الأصلية كتبت بواسطة sab3aawy

بقالى اكتر من ساعتين عمال اقرا كل ما كتب على هذا الفتيس على المنتدى، وفى النهاية فان الخلاص هى ان اللى عايز يشترى دماغه من وجع القلب ميجيبش كورولا Mmt، واللى كان راكب اوتوماتيك قبل كدة وعايز يشترى حاجة اعلى بنفس اداء الاوتوماتيك اللى هو متعود عليه برضه ميشتريش كورولا Mmt،

يبقى مين اللى هيشتريها، اللى هيشتريها هو اللى قابل انه يجرب حاجة جديدة تختلف عن المألوف يمكن تعجبه ويمكن تسد نفسه وعنده استعداد انه يدفع ثمن الكورولا فى التجربة دى

كلامك حكم يا ابو السباع انا عنيا وجعتنى من كتر القراءه فى الموضوع ده

المشاركة الأصلية كتبت بواسطة faroukahafeez

اتفق معاك تماماً مش اى حد عنده قابلية للتغير

فى ناس مش ممكن تغير عربياتها وتقعد معاها أكثر من 30 سنة ومبسوطة بيها ومش بتفكر تغيرها لاى سبب

وفى ناس تسنى على اى حاجة جديدة اربع خمس سنين لغاية اما يتأكدوا من كل المعارف والأصدقاء والجيران والحابيب ان كلوا تمام وممكن يغير

وفى ناس لسة بتقول عربيات زمان مفيش احسن منها و العربيات الجديدة ديه ورق والكرابيترار أحسن من الانجيكشن ومتجبش فتيس اتومانيك هات مانيوال لان الاتوماتيك بيبوظ بسرعة ومفيش حد بيعرف يصلحة وغالى جداً ومش عملى

وفى ناس عندها الجرأة انها تجيب تكنولوجيا جديدة خاصة من صانع سيارات ذو أسم كبير وسمعة محترمة زى بى ام ومرسيدس وأكيد تويوتا ... وغيرهم كثير

تحياتى

مبلغ 150 الف جنيه مبلغ عادة اللى بيوفره بيكون عايز يحطه فى حاجة تسعده، مش يدفعه لشركة بتجرب فيه ، حتى لو كان اسمها تويوتا او مرسيدس، ولا علاقة لهذا بفكرة سيارة العمر التى تتوارثها الأجيال، اما اللى معاهم 150 ألف جنيه لا تمثل لهم شئ لدرجة انه ممكن يجرب بيهم تجربة يا صابت يا خابت فاللهم لا حسد وربنا يبارك لهم فيما اعطاهم لكن معتقدش انهم كتير فى بلدنا

المشاركة الأصلية كتبت بواسطة sab3aawy

مبلغ 150 الف جنيه مبلغ عادة اللى بيوفره بيكون عايز يحطه فى حاجة تسعده، مش يدفعه لشركة بتجرب فيه ، حتى لو كان اسمها تويوتا او مرسيدس، ولا علاقة لهذا بفكرة سيارة العمر التى تتوارثها الأجيال،

أولاً تويوتا منزلة الفتيس ديه فى أوروبا من سنة 2002 وأول مرة تنزله مصر فى الكورولا 2008 يعنى مش بتجرب فينا ولا حاجة الفتيس بقاله 6 سنين برة

تويوتا مش بالغباء ده انها تجرب فى سوق زى السوق المصرى

المشاركة الأصلية كتبت بواسطة sab3aawy

حتى لو كان اسمها تويوتا او مرسيدس، ولا علاقة لهذا بفكرة سيارة العمر التى تتوارثها الأجيال، اما اللى معاهم 150 ألف جنيه لا تمثل لهم شئ لدرجة انه ممكن يجرب بيهم تجربة يا صابت يا خابت فاللهم لا حسد وربنا يبارك لهم فيما اعطاهم لكن معتقدش انهم كتير فى بلدنا

لا يا سبعاوى انا مقصدش كدة انك ترمى فلوسك أكيد
انا اقصد شركات زى مرسيدس او تويوتا عندها استعداد تلم موديل كامل من كل دول العالم لو ظهر فيها اى عيب تصنيع علشان تحافظ على سمعتها وحصلت قبل كدة من كذا شركة

انا بس عايز اعرف انت قولت رأيك ده بناء على اية ؟ انت جربت العربية والفتيس بنفسك ؟ ولا بناء على اراء الناس؟

ما شاء الله ان ملاحظ الناس اللى موافقة على تغير الفتيس أكثر من اللى موافقين على عدم تغيره

والله انا سألت نفسى يمكن المشكلة فيا سألت أكثر من شخص ومش أعضاء فى المنتدى معاهم العربية لقيتهم مفيش مشكلة عندهم والموضوع انهم مكنوش متعودين على العربية فى الاول بس بعد وقت كلوا تمام ومفيش مشكلة عندهم زادت حيرتى


بصيت على الاستطلاع تانى واقولت اشوف الناس اللى موافقين على تغير الفتيس



حوالى 5 % هما اللى كاتبين انه العربية معاهم والباقى خليط من مالكى عربيات مختلفة واعتقد قليل اوى منهم اللى ساق العربية والا كان قالنا اية اللى مش عاجباه فى الفتيس واية المشاكل اللى قابلته معاه

مع كامل الاحترام ليهم بس هما مش واخدين بالهم ان الاستطلاع ده لمالكى العربية فقط
لا واية مش موافقين على الفتيس وعايزينه يتغير

المشاركة الأصلية كتبت بواسطة faroukahafeez

أولاً تويوتا منزلة الفتيس ديه فى أوروبا من سنة 2002 وأول مرة تنزله مصر فى الكورولا 2008 يعنى مش بتجرب فينا ولا حاجة الفتيس بقاله 6 سنين برة

تويوتا مش بالغباء ده انها تجرب فى سوق زى السوق المصرى

ويا ترى بعد ما تويوتا نزلته 6 سنوات فى اوروبا كان ايه رأى المستهلك الاوروبى الذواق؟

بالاضافى الى العديد من الرابط اللى ارفقها زملاء هنا لقصائد الهجاء اللى قيلت عن ال MMT فى اوروبا اسمح لى اضيف ال 3 روابط دى ، يمكن حضرتك تلاحظ منهم ان الجير بوكس ال MMT وبعد 6 سنوات فى اوربا برضه لازالت مشاكله هيا هيا، يعنى مش ميزة ولا حاجة ان الجيربوكس اشتغل فى اوروبا 6 سنوات

http://www.toyotaownersclub.com/foru...hp/t58404.html

http://www.toyotaownersclub.com/foru...hp/t87111.html

http://uk.answers.yahoo.com/question...1123810AATg8ZX

اما حكاية انو تويوتا مش بالغباء ده انها تجرب فى سوق زى السوق المصرى فانا مش عارف ليه حاسس انك مدى السوق المصرى اكبر من حجمه، لو كل العربيات اللى بتتباع فى مصر سنويا هى من ماركة تويوتا فبرضه مش هتكون قد مبيعات تويوتا فى اصغر دولة خليجة او اوروبية(مش هقول السعودية ولا استراليا ولا امريكا ولا اليابان)،ده غير ان الشعب المصرى تويوتا لو باعت له تكاتك هيشتريها ويركبها وهو فى منتهى الرضا عن نجاحه فى الحياه وتفوقه على اقرانه لمجرد ان التوكتوك يحمل علامة تويوتا، فبالتالى اين تجد تويوتا سوقا يمكن بيع كم لا بأس به من انتاجها بسعر مبالغ فيه لكى يتم تجربته فى ظروف قاسية دون ادنى التزام منها بسحب المنتجات المعيبة واصلاحها كما تفعل فى دول العالم المحترمة ومهما كان المنتج رديئا دون ان تقوم تويوتا باتخاذ اللازم لاصلاحه فان سمعه تويوتا ستظل لدى هذا السوق كما هى لأنه سوق لا يغير اراءه بسهولة،(30 سنة جنرال موتورز وفورد، 30 سنة مرسيدس وفيات وبيجو، 15 سنة كورى ويابانى، يعنى لسة قدام الكوريين واليابانيين 15 سنة كمان على ما السوق المصرى يفكر يغير رأيه ايا كانت جودة ما يبيعه لنا الكوريون واليابانيون )

فبالتالى تويوتا فى منتهى الذكاء انها تبيع لنا ما رفضه الآخرون وباسعار يدفعها الأخرون فى مرسيدس وبى ام دبليو لاننا مش هنبطل نشترى من عندها مهما غلت ومهما لبستنا مقالب، يبقى ليه متجربش فينا

بالمناسبة، انا لا اكره تويوتا ولست متحاملا ضدها وما دفعنى للقراءة حول الكورولا انى كنت افكر فيها كأحد البدائل المطروحة للنقلة القادمة ان شاء الله، مما دفعنى للقراءة -وتجربة القيادة(معايا حضرتك؟-تجربة قياده) والتصويت لصالح تغيير الجيربوكس بعد تجربة القيادة لأنه لو اتغير بفتيس اوتوا عادى انا مستفيد انى هفكر فيها اوتوماتيك كأحد البدائل المطروحة ،يعنى مش داخل منتدى تويوتا اغتت على ملاكها وامشى

والتويوتا والمرسيدس وحتى البنتلى والرولزرويس هى فى النهاية علب صفيح، لا تستحق ابدا ان تضايق نفسك بسببها او انك تحجر على اراء الأخرين وتحدد من له حق التصويت فى الموضوعات ومن ليس له الحق فيها ، انت قلت رأيك وشايف انها بتصميمها الحالى ابدع ما انتج العقل البشرى، وغيرك قال رأيه وشايف ان شراء MMT مغامرة الاحتمال الأكبر فيها هو الفشل حتى لو كانت تحمل علامة تويوتا التى يعتبرها الكثير من المصريون اعلانا عن نجاحه فى الحياه يحمله معه فى الشارع اينما ذهب ،

هى فى النهاية قطعة صاج وليست قضية او مبدأ فهون عليك