شقة رخيصة في التجمع ولا الموضوع نصب

**subhimust** · 10-02-2015 10:00 PM

انا لقيت اعلان على شقة في التجمع المتر ب 2700 جنيه وفي كمبوند كمان
154 ب 375000 تدفع 100000 والبافي على 48 شهر
كلمت الشركة الموظفة قالتلي ان المكان بعد الجامعة الامريكية ب 6 كيلو امتداد شارع التسعين جنب كمبوند
hide park على ما اتذكر
هل الموضوع ده ممكن ولا مستحيل ويكون هيلموا المقدمات ويركبوا الطيارة
عموما عنوان الشركة العمارة اللي قصاد التوحيد والنور اللي في اخر مكرم عبيد العمارة اللي فيها موبايل شوب وصرافة الفنار الدور الرابع اسم الشركة جولدن سيتي
ياريت اي حد من الاخوة اللي قريبيبن من العنوان ده يزوروا الشركة دي ويقولونا الموضوع فيه ايه
المواعيد كل يوم من 11 الى 6 ما عدا الاربعاء

**AmrAlex** · 10-02-2015 10:07 PM

اكيد نصب السعر مش منطقي

**subhimust** · 10-02-2015 10:27 PM

طيب مفيش محاولة لتقصي الحقائق

**AmrAlex** · 10-02-2015 10:58 PM

المشاركة الأصلية كتبت بواسطة subhimust

طيب مفيش محاولة لتقصي الحقائق

انا مش باثق في اي شركه تسلمني بعد كام سنه
غالبا نصابين
ممكن ينصبوا عليك في الفلوس ويكون مشروع وهمي
وممكن تكون المساحه اقل بكتير من اللي مكتوب
وما تضمنش انهم يلتزموا بمواعيد التسليم
وممكن يزودوا في الاسعار بحجه ان مواد البناء غليت
وممكن الموقع يكون غير جيد
احتمالات كتيره جدا من اشكال النصب المختلفه

انا افضل اني اشتري حاجه شايفها بعيني غلي ارض الواقع ومعاينها بنفسي
واستلم فوري غيركده يبقي بتعرض نفسك لمخاطرة كبيرة

عموما ده رايي الشخصي وفي انتظار اراء الاخوة الاعضاء

**subhimust** · 12-02-2015 02:43 PM

مفيش اراء

**mmtronic** · 12-02-2015 05:03 PM

المشاركة الأصلية كتبت بواسطة subhimust

مفيش اراء

سيدى الفاضل - اليك الخلاصه - تجربه بحث فى التجمع لمدة سنه و نصف

1- فى التجمع الخامس عامتا لو حبيت تاخد شقه حيتنصب عليك مرتين - مره فى سعر المتر المبالغ فيه و المره التانيه فى مساحه الشقه الفعليه - الى مكتوب فى العقد منهوب منه ما لا يقل عن من 30 الى 40 متر

2- فى حالتك خاصتا - الموصوع واضح مش محتاج شرح - بعد الجامعه الامريكيه ب 6كيلو - اى فى الخلاااااااء - دى علشان تسكن بس فيها محتاجه من 5 الى 8 سنين من دلوقتى علشان تقدر تسيب اهلك و عيلتك و عربيتك كمان هناك و انت مطمن عليهم - فهمت فين المهموز

انا كنت بحب التجمع جدا و كنت حموت و اخد هناك بس بعد سنه و نص من البحث و الاستقصاء لقيت انى كنت عبيط و ربنا كرمنى بشقه تانيه فى مكان محترم بعيد عن النصب و البلطجه و الاتاوات الى حتدفعها هناك علشان تحرس حاجتك

**maio_do** · 12-02-2015 05:06 PM

المشاركة الأصلية كتبت بواسطة mmtronic

سيدى الفاضل - اليك الخلاصه - تجربه بحث فى التجمع لمدة سنه و نصف

1- فى التجمع الخامس عامتا لو حبيت تاخد شقه حيتنصب عليك مرتين - مره فى سعر المتر المبالغ فيه و المره التانيه فى مساحه الشقه الفعليه - الى مكتوب فى العقد منهوب منه ما لا يقل عن من 30 الى 40 متر

2- فى حالتك خاصتا - الموصوع واضح مش محتاج شرح - بعد الجامعه الامريكيه ب 6كيلو - اى فى الخلاااااااء - دى علشان تسكن بس فيها محتاجه من 5 الى 8 سنين من دلوقتى علشان تقدر تسيب اهلك و عيلتك و عربيتك كمان هناك و انت مطمن عليهم - فهمت فين المهموز

انا كنت بحب التجمع جدا و كنت حموت و اخد هناك بس بعد سنه و نص من البحث و الاستقصاء لقيت انى كنت عبيط و ربنا كرمنى بشقه تانيه فى مكان محترم بعيد عن النصب و البلطجه و الاتاوات الى حتدفعها هناك علشان تحرس حاجتك

يا ريت تقولى المكان اللى سكنت فيه علشان نفيد بعض وبلطجة واتاوت اية اللى فى التجمع بيدفعوها

**maio_do** · 12-02-2015 05:08 PM

السعر مش وهمى لانه مكان فاضى ومفيش اكتر من العرض هناك ده بالعكس فيه حاجات مبنية وعلى استلام بس مينفعش للسكن دلوقت عيب التقسيط احتمال يكون نصب واحتمالات زى مالاخوة عرفوك الاهم من ده كله انك لو افترضت ان شركة موثوق فيها غالبا هتستلم متاخر بس مش كتير لان الجهاز بيفرض مدة بناء للارض وبعد ماتستلم خدماتك موجوده المرافق المياه الكهرباء التليفون شوراع ممهدة ولا صحراء جرداء فى نسبة اسكان ولا عمارات وفلل مبنية وفاضية

**mmtronic** · 12-02-2015 05:15 PM

نسيت بس اقولك ان سعر المتر ال 2700 معناه ان العماره ليسه ارض رمله متحفرتش حتى و طبعا تسليم بعد سنتين معناها بعد 6 سنين لو ضربنا الموضوع فى معامل الضمير المصرى