الموضوع: بن - كاكاو - اسبرسو - كابتشينو - نسكافيه ,, ما الفروق وأفضل الأنواع وطرق العمل ؟

انا مبحبش غير البن التركي
بشرب اي كافييين تاني لكن مفيش حاجة تعدل دماغي غير التركي
وبشربه محوج فاتح
والتحويجه خدت مني سنين عشان اظبطها وضاع فيها عشرات الكيلوجرامات من البن اتشربو من غير مزاج ودلوقتي استقريت علي تحويجه خاصه سترونج شويه وسميتها تحويجه الكيكو :-) زي ما طه باشا كبير السوايسه بيقول
اللي عايز يدوقها يقدر يروح فرع شاهين عباس العقاد ويوقله تحويجه كريم منير
هي مستجله هناك

وهي سترونج شويه في الطعم
طه باشا الفكره انك بتشربها وتنام عشان فيها مستكه وحبهان عالي شويه ودول مهديين للاعصاب شويه
الفكره في الكميه
عشان تشرب من التحويجه بتاعتي وبن فاتح كدة
تظبط كنكه مقاس 2 وعليها معلقتين ونص بن لا ممسوحين ولا مليانين قوي والسكر زي ما تحب لكن لو ظبوط السكر قد البن بلظبط
تقلبهم كويس قوي وعليك وعلي نار هاديه قوي
ليه نار هاديه عشان البن ده نيي متحمص نص تحميصه وعشان يستوي ويتاخد منه كافيين لازم يستوي علي نار هاديه
واكيييييييد لازم لازم كنكه نحاس
عشان تكمل الطعم
ايوه سامع اللي بيقولي بتفرق هاقوله طبعا طبعا بتفرق نوع الكنكه الالمونيم اسوئهم في الطعم ويليها الاستانليس واحسنهم النحاس وكل ما تكون نحاس تخين وسميك بيدي طلعم احسن لان النار مبتبقاش مباشره مبتلسوعش القهوه
والتقليب كويس قوي قوي
وبعد شوي مهم تدب الكنكه عشان الرغاوي اللي فوق تهبط لتحت
دبتين تلاته كدة بس اعي تتلسع :-)
الاسبيرسو محبتش فيه غير بتاع نستله بس المكنه غاليه قوي قوي والاقراص غاليه كمان جدا وعشان يجيب نتيجه معايا لازم نسبيرسو 7 فيما فوق وطعمه صعب شويه بس بتاخد جرعه كافيين محترمه