مشكلة في دورة تبريد المياة لسيارة ابيزا ارجو الإفادة ضروري جدا

**iBiZa** · 16-11-2008 10:13 AM

المشاركة الأصلية كتبت بواسطة ehab_mansour

اشكركم يا جماعه علي ردكم وانا حاليا فعلا عملت Bypass علي كويل التدفئة الموجود في الصالون وحاليا انتهي نقص المياة .

الف مبروك على حل المشكلة. و ربنا يجعلها اخر المشاكل.

المشاركة الأصلية كتبت بواسطة ehab_mansour

اغير مياة التبريد العادية بمياة ملونة بعد فترة قد ايه واشتري اي نوع من المياة الملونه وبكام ومنين وجزاكم الله خيرا علي المساعده

انت عربيتك المفروض تحطلها مياة حمراء, انا بصراحة مش فاكر نوعها اية, بس هى زجاجة بلاستيك بيضاء و Made in Germany و ب55 جنية و تشترى معاها 2 زجاجة مياة مقطرة (بتاعة البطارية - الواحدة تقريبا ب 2 جنية).

هتروح لبتاع الرادياتيرات يفك دورة المياة و يغسلها و بعد لما يقفلها, هيفضى زجاجة المياة الحمراء كلها و زجاجة من المياة المقطرة, و احتمال يحتاج حبة من الزجاجة التانية, انت هتخليها معاك عشان لو المياة نقصت هتزود منها.

بالنسبة للتغيير, انت المفروض تفضى دورة المياة و تغسلها و تملى جديد كل 50,000 كيلو او سنتين, ايهما اقرب.

**ehab_mansour** · 16-11-2008 10:23 AM

متشكر جدا ابيزا باشا انا عارف انك هترد علي موضوعي ده لأن انت الوحيد اللي بدأت معايا من اول مرة اشتريت السيارة وطلبت المساعده علي منتدي سيات .
بالنسبة لموضوع المياة الملونه انا سألت ناس كتير قالولي ان فيه مياة شل او موبيل زرقاء تقريبا الجركن 4 لتر ب 45 جنيه ايه رأيك فيها دي وانا حاليا الماديات معايا قليلة شوية هل لو فضلت بالمياة العادية لحد اول الشهر تعمل مشكلة ولا لازم افضيها واحط مياة تبريد بسرعه ؟
ثانيا بيتهيئلي الموضوع مش محتاج بتاع رادياتيرات عشان يعملي الموضوع ده ممكن اعمله بنفسي خاصة اني معايا شنطة عده متكامله فعلا بكل شيء يعني موضوع الرادياتير لما باظ وصلحته انا اللي فكيته وركبته وانا اللي عملت Bypass والحمد لله بفهم كويس في الصيانة خاصة اني مهندس صيانة ماكينات وكله زي بعضه ولا ايه رأيك ؟؟؟؟؟
ارجو الرد وربنا يجزيك خيرا علي مساعداتك ونفسي نتقابل عشان تشوف عربيتي وتقلي رأيك لأنها فيها شوية حاجات عايز اعملها وانا مش قاهري لكن ساكن فيها جديد من فترة
عشان كده مش عارف اعمل فين ؟؟؟

**ehab_mansour** · 16-11-2008 12:21 PM

الف شكر ابيزا باشا طيب اشتري مكونات مياة التبريد دي منين وياريت وصف دقيق للمكان انا اعرف كويس جسر السويس وصلاح سالم منهم واشرح ازاي اقدر اوصل
وجزاك الله خير ا وربنا يكرمك ويباركلك

**ehab_mansour** · 16-11-2008 01:14 PM

المشاركة الأصلية كتبت بواسطة iBiZa

لا دول هتلاقيهم عادى فى التوفيقية و شارع دمشق, بس استنى يوم او اتنين و اجيبلك اسم المياة الحمراء بالظبط (عشان الشغل يبقى على مياة حمرا)

حلوة مياة حمرا دي هههههههه ربنا يكرمك ويباركلك يا باشا بس انا مش عارف فين شارع دمشق ده بتروحله منين من جسر السويس ياريت توصفلي وانا مستنيك في الوصف واسم المكونات بالضبط
وجزاك الله خيرا

**ehab_mansour** · 16-11-2008 01:17 PM

وياريت لو تقدر تعرفني السعر كمان واسم المحل واسف علي الإطالة
وشكرا
م/إيهاب منصور

**ehab_mansour** · 16-11-2008 02:13 PM

معلش تعبك معايا يا ابيزا باشا يا تري احسن محلات في شارع دمشق بتشتغل في قطع غيار الإبيزا الأصلي واسعارهم كويسه والاقي عندهم كل حاجه
وشكرا.......

-

-

-

-

الموضوع: مشكلة في دورة تبريد المياة لسيارة ابيزا ارجو الإفادة ضروري جدا

LinkBack

أدوات الموضوع

عرض

-

المواضيع المتشابهه

ارجو مساعدتة فى مشكلة المياة فى a15

دورة تبريد التريوس

مشكلة في صوت الموتور ( ارجو الإفادة )

الى ملاك التيريوس ارجو الإفادة ضروري

الكلمات الدلالية لهذا الموضوع

المفضلات

المفضلات

ضوابط المشاركة