ميجان بلاي

**MohamedGhoneim** · 14-02-2015 05:11 PM

جماعه هو انا جايب الميجان playبقالي شهر
العربية و انا بسخن قبل ما اطلع بحس صوت الموتور عالي شويه و فيه زنه..ده عادي وانا لسه ماكملتش 1000 ولا اروح التوكيل احسن......و اغير زيت امته......انا ماشي 500 كم ولسه ماعملتش اي حاجه فيها حتى ما بصتش على المياه بتاعت الريدتير........شكرا

**dreslam** · 14-02-2015 06:41 PM

المعروف ان الميجان 3 والفلوينس صوته عالي الصبح بالذات وده طبيعي عشان السير مش كاوتش ده جنزير وطبيعي الصوت العالي فيها الصبح ما تقلقش...والمفروض تغيير الزيت في صيانه ال 5000 على ما اتذكر

**Hany Saad** · 14-02-2015 10:17 PM

فعلاً زى ما دكتور اسلام افاد، الموتور بيبقى صوته عالى و العربية بارده خصوصاً لو كنت فى جراج و الصوت واضح فيه و خاصة لو فاتح الشباك وده لانه فعلاً على جنزير مش سير كاوتش....بس بعد فترة قصيرة هتتعود على صوت الموتور و مش هتحس بيه....انا كان معايا ميجان و حسيت ان صوت موتور الفلوانس الصبح عالى اول ما جبتها....بعد سنة مبقتش حاسس بيه خالص، اعتقد الموتور بعد اول غيار زيت و شوية تشغيل صوته بينعم
اول صيانة عندك عند ال ٥٠٠٠ بس ديه مفهاش غيار زيت، دى بتبقى صيانة مجانية للتشييك على العربية عامة و السوائل و اضافة بياناتك على السيستم لتفعيل الضمان و سماع اى شكوى من حضرتك ان وجد
صيانة ال ١٠ الاف فيها تغيير زيت و فلتر زيت و فلتر هوا و وضع السيارة على جهاز الأعطال و تربيط العفشة و سعرها حوالى ١١٠٠ جنيه

تحياتى