رخصة لقيادة حمار ابليس !!!

**نور القمر** · 07-11-2008 06:39 PM

هم بيطوروا نفسهم ازاي يعني
اذا كانوا بيستعينوا بالاجانب في كل كبيرة وصغيرة وعلى رأسهم الهنود
متهيألي لو واحدرمنهم عربيته وقفت مش هايعرف يتصرف واقصى حاجة يعملها يتصل بميكانيكي يجي يشوف العربية
حتى اولادهم سيبنهم للشغالين يربوهم
هم مش شاطرين غير في صرف الفلوس
تلاقي عندهم المهندس المصري مديره واحد مواطن معاه اعدادية جايز لان عقليتهم فذه زيادة عن اللزوم واحنا مش فاهمين
من الاخر كدة لو حبوا يعتمدوا على نفسهم مش هايعرفوا حتى يديروا البلد 10 دقايق على بعضها

احنا فين مهم بقه
احنا تحت منهم لان الحرامية عندنا احنا على مستوى اعلى مش سايبين فرصه للبلد تحاول تكبر وتطلع سلمة

**elassar2010** · 07-11-2008 06:47 PM

المشاركة الأصلية كتبت بواسطة نور القمر

هم بيطوروا نفسهم ازاي يعني
اذا كانوا بيستعينوا بالاجانب في كل كبيرة وصغيرة وعلى رأسهم الهنود
متهيألي لو واحدرمنهم عربيته وقفت مش هايعرف يتصرف واقصى حاجة يعملها يتصل بميكانيكي يجي يشوف العربية
حتى اولادهم سيبنهم للشغالين يربوهم
هم مش شاطرين غير في صرف الفلوس
تلاقي عندهم المهندس المصري مديره واحد مواطن معاه اعدادية جايز لان عقليتهم فذه زيادة عن اللزوم واحنا مش فاهمين
من الاخر كدة لو حبوا يعتمدوا على نفسهم مش هايعرفوا حتى يديروا البلد 10 دقايق على بعضها

احنا فين مهم بقه
احنا تحت منهم لان الحرامية عندنا احنا على مستوى اعلى مش سايبين فرصه للبلد تحاول تكبر وتطلع سلمة

بيستعينوا بالاجانب وبيفدوهم بخبرتهم البلد بتستفيد منهم
احنا فى مصر جبنا شركة تشيل القمامة من الشارع وكانت فرنسية والنتيجة انها سابت القمامة فى الشارع
احنا بنجيب الاجانب برضة عندنا بس بندوهم رشاوى علشا ميشتغلوش
حضرتك شوفى المرور عندهم وعندنا
شوفى الموظف عندهم والموظف عندنا
موضوع مدير المصرى معاة اعدادية دة طبيعى لانهم فى بلدهم وشغالين بمنطق المواطن على حق
احنا مشين بنظام الاجنبى على حق وافتكرى ابن امير قطر لما داس على 5مصرين فى طريق المطار وسافر من مصر فى نفس الساعة قطر
شوفى حوادث الطرق عندهم كام واحد فى السنة وكام واحد فى الشهر فى مصر

**نور القمر** · 07-11-2008 06:54 PM

وانا متفقه مع رأي سيادتك في كل كلمة
هم متطورين عننا مليون مرة مش بس في المرور في كل كبيرة وصغيرة
بس مش بدماغهم هم لكن بدماغ غيرهم
وزي ما قلت لحضرتك حرامية مصر الكبار لو سابو فرصه للدماغ المصرية تشتغل مصر هتكون احسن من اي دولة
لكن لو الدماغ اشتغلت الحرامية الكبار يلاقو مال سايب فين يسرقوه

**elassar2010** · 07-11-2008 06:57 PM

يعنى احنا مسؤلين عن وكستنا وكوارثنا والكل بتقدم واحنا بنتنيل ورا
الكبار يسيبوا البلد دى مستحيل الى مش عاجبة هو الى يسيب البلد اسهل

**نور القمر** · 07-11-2008 07:01 PM

اكيد مسئولين عن حال بلدنا بسلبيتنا وضعفنا وخضوعنا
ان الله لا يغير ما بقوم حتى يغيروا ما بأنفسهم

**aif** · 07-11-2008 07:10 PM

المشاركة الأصلية كتبت بواسطة نور القمر

وانا متفقه مع رأي سيادتك في كل كلمة
هم متطورين عننا مليون مرة مش بس في المرور في كل كبيرة وصغيرة
بس مش بدماغهم هم لكن بدماغ غيرهم
وزي ما قلت لحضرتك حرامية مصر الكبار لو سابو فرصه للدماغ المصرية تشتغل مصر هتكون احسن من اي دولة
لكن لو الدماغ اشتغلت الحرامية الكبار يلاقو مال سايب فين يسرقوه

هما مش بيعرفو يخططو .... بيجيبو ناس متخصصة تخطط
هما مش بيعرفو ينظمو ... بيجيبو احسن ناس في العالم تنظملهم ...
يعني بيعترفو بعدم مقدرتهم

لكن احنا بقى فهلوية .... بنجيب اخيب خلق الله يعملو كل حاجة ..... تخطيط وتنظيم وتنفيذ و تعليم وتطوير... وكلو مش مهم يكونو بيعرفو حاجة ... المهم يكونو قرايب او اصدقاء او مصالح ... احنا اللي خرمنا التعريفه
.........
علي فكرة اول ما اخترعو السيارات كان فيه قانون في امريكا او المانيا .. مش فاكر
القانون ده ان اللي يسوق سيارة لازم يمشي واحد ماسك علم ويشاور بيه وييصيح لتحذير الناس من هذا الشيء قبل مرورة بكام دقيقة:k44: .... يعني مش احنا بس اللي كنا مذعورين من الاختراعات .... هما كمان كانو زينا .... الجديد دايما بيبقي مخيف لغاية الناس ما تتعود

**aif** · 07-11-2008 07:27 PM

المشاركة الأصلية كتبت بواسطة elassar2010

ههههههههههه هما مكنوش لسة اخترعوا الكلكس

كان ساعتها الكلاكس بمنفاخ هوا و بوق زي بتوع اللبن زمااان في مصر ... او جرس زي بتاع الحنطور
وبعدين الكلاكس كان ح يزود هلع الناس من هذا الكائن الهلامي المتحرك ....

**Samir Elshahawy** · 07-11-2008 07:31 PM

منذ 3 اعوام ذهبت الي السعودية للعمل بأحدي الشركات العاملة بالخدمات البحرية لشركة أرامكو السعودية , و هناك عرفت ان السعودية بدأت في تطبيق السعودة ؟؟

السعودة هي ان يشغل السعوديون كافة مجالات العمل علي مراحل حتي تصل نسبتهم الي 85% علي 2015

في بداية الامر فرحت كثيرا بهذا الخبر لاني سأري سعوديين أشقاء يعملون معي بدلا من جنسيات أخري لاتمت للعروبة و الاسلام بأي صلة , لكن سرعان ما تغير اعتقادي لاني وجدت اناس لايفقهون شيئا و لايريدون ان يتعلموا او يتحملوا المسؤلية و كل غايتهم ان يحصلوا علي الاموال و ينفقونها في تفاهات و ياحبذا لو كانت اعمالهم في الشارع المقابل للمنزل .

و عندما سألت مجموعة منهم عن سبب هذا التكاسل و التخاذل اجابوني بالاتي: " لماذا نعمل و الحكومة تعطينا المرتبات دون مقابل لمجرد التواجد بأماكن عملنا و علي ان يقوم الاجانب بالعمل الفعلي "

ونتيجة لتلك السياسة و ذلك المنطق بدأ التدهور و الانحدار الفعلي في بعض القطاعات التي تسلمها سعوديون و انصرف منها الاجانب فاصبح من يتولي ادارة هذه المواقع عديمي الخبرة و الكفاءة

و بذلك اصبح الفرق بين مصر و السعودية كالاتي:
- في مصر من يتولي الامر فاسدين و معدومي الضمائر
- في السعودية من يتولي الامر عديمي الخبرة و الكفاءة