اتنصب على فى عربية سيينا 1400

**sharkawy85** · 15-02-2015 07:36 PM

السلام عليكم ورحمة الله وبركاته:
يا جماعة الخير انا اشتريت سيينا 1400 موديل 2002, العربية بعد ما مشيت بيها يومين لقيت مافيهاش سحب خالص وبتاكل بنزين جامد . روحت كشفت عليها فى مركز صيانة فى ابو رواش الكيلو 28 قاللى العربية كأساسات حلوة ومرشتش قبل كدا والدواخل كلها فابريكا بس الموتور عايز عمرة والشكمان محتاج يتغير , انا كدا خدت مقلب عمرى واللى باعهالى نصاب معرفتش اخد معاه حق ولا باطل والميكانيكى الحمار اللى شافهالى بيقوللى الموتور ميعيبش عربية وهو طقم شنبر والعربية تبقى زى الفل . انا محتار ومش عارف اتصرف ازاى , ياريت لو حد يدلنى على ميكانيكى وكهربائى بيفهموا فى العربية يكونوا قريبين فى الشرقية او الدقهلية يدلونى الصح ايه. وشكرا

**mif** · 15-02-2015 08:11 PM

اكيد الميكانيكي يعرف صاحب العربية .
المهم سعرها ما يكنش مبالغ فيه
و على فكرة ممكن الراجل يكون بايع العربية تمام مع العلم انها بتسخن بسهولة و بتجيب وش سلندر بسرعة .
ربنا يوفقك و تتصلح على خير.
http://www.nilemotors.net/Nile/456393-1400.html

شوف الموضوع دا حتلاقي معلومات كويسة

**hugan** · 15-02-2015 08:52 PM

عموما في مصر فعلا
البيع علي العربيه
مش علي الموتور
اللي بيشتري اخر حاجه ينكشف عليها الموتور
طالما العربيه سليمه ودا الشيء الاهم
طقم شنبر او حتي ماكينه استيراد

**ᄊ尺ズﾑ尺乇乇ᄊ** · 15-02-2015 09:54 PM

عاوز اقولك ياباشا متزعلش واحمد ربنا انها جت في سيينا مش في حاجه اكبر

وعاوز اطمنك واقولك في الاول كله بيلبس

محدش بيتعلم بالساهل

تحياتي

**Ahmed.MT911** · 18-02-2015 08:49 PM

المشاركة الأصلية كتبت بواسطة sharkawy85

السلام عليكم ورحمة الله وبركاته:
يا جماعة الخير انا اشتريت سيينا 1400 موديل 2002, العربية بعد ما مشيت بيها يومين لقيت مافيهاش سحب خالص وبتاكل بنزين جامد . روحت كشفت عليها فى مركز صيانة فى ابو رواش الكيلو 28 قاللى العربية كأساسات حلوة ومرشتش قبل كدا والدواخل كلها فابريكا بس الموتور عايز عمرة والشكمان محتاج يتغير , انا كدا خدت مقلب عمرى واللى باعهالى نصاب معرفتش اخد معاه حق ولا باطل والميكانيكى الحمار اللى شافهالى بيقوللى الموتور ميعيبش عربية وهو طقم شنبر والعربية تبقى زى الفل . انا محتار ومش عارف اتصرف ازاى , ياريت لو حد يدلنى على ميكانيكى وكهربائى بيفهموا فى العربية يكونوا قريبين فى الشرقية او الدقهلية يدلونى الصح ايه. وشكرا

نصحيتي ليك باه بدل ما تدخل في دوامة الصيانة وقطع الغيار ووجع القلب لو الموتور محتاج عمرة بلااااااااااش واحسن حاجة روح اشتري ليها موتور استيراد حديث وركبه وساعتها هتحس انك راكب عربية جديدة مادام انتا بتقول ان الدواخل بتاعت العربية سليمة --- واستعوض ربنا في اللي دفعته للراجل النصاب ده .... انا بقولك كده وعن تجربة الصيانة هتكلفك زي الموتور المستورد واكتر شوية وبرضه مش هتكون مرتاح في العربية ...... انا طبعا مش عارف ميكانيكية في الشرقية لكن اعرف واحد في فيصل متخصص فيات حديث بس وانا بتعامل معاه من فترة كبيرة اسمه محمد حامد وكان شغال في توكيل فيات لفترة كبيرة

وربنا يوفقك ان شاء