الموضوع: زيت الفتيس ميجان ؟؟؟

المشاركة الأصلية كتبت بواسطة تامر.محمد

استاذ رضوان , ايه اخبار الفتيس ؟ :)

حتى الآن الحمد لله زي الفل.. مفيش أي نتش غير النتشة المعتادة أحيانا بين الأول والتاني
العربية عاملة 108 ألف كيلو

المشاركة الأصلية كتبت بواسطة تامر.محمد

طب عايز ابقى اعرف منك بقى مين الصنايعي اللي غيرت عنده الزيت اول مرة , و عايز اعرف غيره ازاي بالظبط
و عايز اعرف فرينش غيروه ازاي بالظبط :)

الصنايعي اللى غيره أول مرة.. نزل فك الطبتين اللى تحت وبعدين فتح الطبة اللي فوق وزود 4 كيلو زيت توتال عادي..والعربية مشيت تمام، بس قالي يستحين تغير الزيت تاني قريب عشان أكيد هيفضل زيت لسه في الفتيس.
وعليه قولت أروح لفرينش بقى..قالي هياخد 3 ساعات فقولتله ليه كل ده، قالي عشان بنعايره عند درجات حرارة معينة!! بعد بحث بقى على النت لقيت الطريقة اللي شرحتها في موضوع سابق في دليل صيانة بتاع سيتروين c4.. وهي حسب منا فاكر انك تفك الطبتين وتنزل الزيت كله وبعدين تحط 1 لتر زيت وتقفل الطبتين وتشغيل العربية وتحرك الفتيس على الغيارات كلها (تقريبا عشان الزيت يسخن)..وبعدين تريح طبة من اللي تحت حاجة بسيطة وتضيف الزيت من فوق لغاية ما ينقط من تحت، كده تقفل الطبة اللي تحت واللي فوق ويبقى الزيت مستواه مظبوط.

المشاركة الأصلية كتبت بواسطة تامر.محمد

الله ينور
كده بقى له معاك 3 شهور صح ؟ ظهر حاجة ؟

عايز اعرف كمان , منين عرفت انه زيت مش شنابر ؟
و عربيتك وقتها كانت عاملة كام الف كيلو ؟

مظهرش أي حاجة..بالعكس أنا آخر حاجة بفكر فيها دلوقتي الفتيس! ولعلمك النتشة بين الاول والتاني مبتحصلش إلا في أول تشغيل العربية بس. بعد ما توصل للأربع شرطات، بتحصل نااادرا بأمانة.
عربيتي كانت عاملة 70.000 ومكنتش مقتنع بحوار الشنابر ده خالص وكنت متأكد انه الزيت مش عارف ليه :) وطبعا الميكانيكي قالي أسلم حل نغير الزيت الأول ونشوف هيحصل ايه. ومش عايز أقولك بقى لما روحت التوكيل وقالوا العربية عايزة عمرة فتيس!!!!!
في ميكانيكي عادي خالص مش بتاع رينو قالي يا باشا الناس دي عالم هبلة، وبعدين مش كده الفتيس باظ وعايز عمرة؟ خلاص هاتو بقى نغير الزيت ونخلص عليه!

المشاركة الأصلية كتبت بواسطة تامر.محمد

الاخرانية دي وجهة نظر و الله ههههههههههههههههههههههههه هه

بالنسبة لحوار ان الفتيس بينتش قبل ما تسخن , هو ايه نوع الزيت اللي حطيته تاني معلش ؟ :)

بالنسبة لحتة 70 الف كيلو , فده مطابق للي سمعته , سمعت ان على ما العربية بتعدي 80 الف مثلا بيكون الرايش ملا الزيت و بتكون الفارغة نفسها اتاكلت عشان كده التغيير بيبوظ الدنيا لو كانت الفارغة اتاكلت

لا الفتيس مش بينتش، أنا قصدي النتشة بين الأول والتاني ودي موجودة في كل الميجان وأعتقد كل الفرنساوي كمان..النتشة دي كانت موجودة علطول قبل ما الزيت يتغير..بعد ما الزيت اتغير مبقتش تظهر غير مرة أو مرتين الصبح بدري أول ما تمشي بالعربية يعني.
في ملحوظة تانية: العربية قبل تغيير الزيت كانت صعبة أوي في المشي لو الدنيا زحمة أو حر..بعد تغيير الزيت بقت العكس بقى، تحس إن أدائها أحسن في الحر!!! الميجان دي دنيا لوحدها ههههههههه
بالنسبة للرايش، الحمد لله المرة الأولى لتغيير الزيت مكنش في رايش ولا حاجة..واللي اعرفه إن عدم تغيير الزيت على فترات قريبة هو اللي بيعمل الرايش ده!
ليه بقى؟ سعادتك ماشي على الزيت ودايس وخواص اللزوجة بتاعته انتهت، التروس بتحتك ببعضها وتتاكل ويبدأ تكون الرايش ده. إنما لو الزيت بتاعك سليم عمر ما هيبقى في رايش في الفتيس خالص.