ممكن نحول الداستر لاتوماتيك؟

**beeronasr** · 18-02-2015 04:28 AM

رجاء من أهل الخبرة و المعرفة يفيدونى... أنا معايا داستر 2012 و الحمد لله لسة بحالة الزيرو و لا يعيبها بالنسبة لى الا انها مانيوال و للاسف الاتوماتيك مش موجود غير فى الخليج و 2000 سى سى,
المهم سؤالى هو: هل ينفع العربية دى تتحول اتوماتيك و اركبلها موتورها بتاع الخليج؟ و لو ينفع أجيبة منين و ازاى؟
ولا الاسهل انى أطلب من قريبى فى السعودية انة يشتريها و ندفع جمرك و نسجلها هنا بأسمى؟
ولا الاتنين ماينفعوش؟
برجاء الافادة و لكم جزيل الشكر

........................

ممنوع وضع لينكات خارجية لمواقع خاصة
م ب 3

**mr_green** · 18-02-2015 08:22 AM

أخى الفاضل
يا تستحمل المانيوال - يا تغير العربية

لو حبيت تجيب ال 2000 سى سى - هاتتعب فى قطع غياره و صيانته ده غير الجمرك و الترخيص إللى هاكونوا غاليين أوى على الداستر

التحويل من مانيوال لأوتو مش عملى

**beeronasr** · 18-02-2015 06:04 PM

شكرا جزيلا على النصيحة...هى الفكرة جاتلى لانها متجربة قبل كدة فى عربيات تانية بالاضافة لان الداستر اللى 2000 سى سى هى هى نفس المقاسات و الشاسية بالملى يعنى الموتور يركي بالمقاس مظبوط... و من ناحية تانية لو دى فشلت: طب هى تكلف كام اصلا ان اجيب الاتوماتيك ال 2000 من السعودية؟ يعنى مثلا سعرها و أد اية ضرايب؟
يمكن الناس اللى معاها الداستر تشاركنى الرأى لأنها عربية ما شاء اللة لا يعيبها الا انها مانيوال و لو فكرت تبيعها هتجيب اية بنفس الفئة السعرية؟ معلش هتلاقيهم اغلى و كمان اضعف
و مش فاهم اشمعنى دى يعنى منزلتش مصر؟ ما أهى غرقانة عربيات 2000 & 2400 & 3700 سى سى يعنى جت على دى و وقفت؟
طب و لو موتور داستر اتوماتيك مستعمل من السعودية؟ يعمل كام؟
يعنى دة ملخص الفكرة و ملخص سؤالى
و لكم وافر الشكر...

**ahmadelkady** · 19-02-2015 12:39 AM

انا متابع الموضوع لأني بشوف رينو لوجان كتير اوتوماتيك بس حكايه انك تجيب عربيه من السعوديه مكلفه جامد لأنك لازم تكون اول مالك للعربيه و الجمرك و الضرايب بتوصل ل60% تقريبا من تمن العربيه و حضرتك دور و شوف

**msenosy** · 19-02-2015 02:33 PM

ممكن تجيب الماتور بالفتيس بالضفاير والكونترولات بتاعتهم وتركبهم فى التوكيل او فى مركز خدمه محترم
طبعا حتحتاج تغير العدادات والكونسول الداخلى والموضوع حياخد وقت ومصاريف شويه بس يتعمل عادى
لو روحت بورسعيد ممكن تتفق مع حد من المستوردين يجيبلك نصف عربيه امامى تاخد اللى انت عايزه منه براحتك حيبقى اوفر

**scientist9508** · 19-02-2015 07:45 PM

لا انصحك بالمره. . . . اخى الفاضل تريث و تمهل قبل اتخاذ اى قرار بهذا الشان حتى لا تخسر السياره

**ahmed_moeaz** · 20-02-2015 06:16 PM

هتصرف فلوس كتير والنتيجة غير مضمونة بالمرة عايز تركب اوتو اشترى عربية اوتو ومتلعبش ف اساس العربية

**beeronasr** · 20-02-2015 09:52 PM

يعنى افهم من كدة انها فكرة فاشلة تكاليفها كتير رغم انى كنت فاهم انها تركي بكل سهولة على نفس التابلوة و العدادات لانها هى هى الداستر ال 1600.
المهم: طب حد يعرف تكاليف استقدام عربية داستر اتوماتيك 2000 سى سى من السعودية؟
و لسيادتكم وافر الشكر.

**ahmadelkady** · 20-02-2015 09:58 PM

المشاركة الأصلية كتبت بواسطة beeronasr

يعنى افهم من كدة انها فكرة فاشلة تكاليفها كتير رغم انى كنت فاهم انها تركي بكل سهولة على نفس التابلوة و العدادات لانها هى هى الداستر ال 1600.
المهم: طب حد يعرف تكاليف استقدام عربية داستر اتوماتيك 2000 سى سى من السعودية؟
و لسيادتكم وافر الشكر.

شوف حضرتك
الجمارك في مصر كتير جدا و في ضرايب كمان
و غير الشروط علشان الجمارك تقل لازم تكون مالك اول للسياره و حبه شروط كده و الجمارك بتوصل ل60% تقريبا و حضرتك في غنى عن الكلام ده و وجع كلام و العربيه ممكن تتحجز في المينا و كل الناس اللي بينزلوا بعربياتهم في مصر من بره يا اما نازل اجازه كذا شهر يا اما دبلوماسي او في بعثه حكوميه و بتنزل خاليه من الجمارك علشان الكوسه و حضرتك شوف برده و دور و اسأل مجرب و ربنا يعينك