الموضوع: تليين و صيانة رينو فلوانس 2015

المشاركة الأصلية كتبت بواسطة mario maged

الحمد لله على نعمه و خيراته
بحمد الله اشتريت رينو فلوانس 2015 E3 بعد ما رأبته من اشادتكم لها
هي عربية فوق الروعة و بجد ممبسوط بيها جدااا
بس كنت عايز اعرف هي بتحتاج تليين؟ و لو اه يبقى لمدة قد ايه و اخري كام في السرعة اثناء التليين؟ مع العلم انها تقفيل تركي عشان الرجل بتاع التوكيل قاللي انها بتكون اتلينت في اوروبا الكلام ده صح؟
و اول صيانة ليها يكون بعد كام كبلو؟؟
و لما اوقف العربية و اجيبها على P و عايز اقفلها خالص ادوس على start/stop key بفرامل ولا من غير ما ادوس فرامل؟؟؟

اولا الف مبروك وربنا يكفيك شرها واختيار موفق ان شاء الله
هى بتيجى ملينه بس الافضل ماتزودشى عن 120 كيلو في اول الف ولا تغلى ال RPM يزيد عن 4
واول صيانه بتكون عند ال 5000 وبتكون تشيك وتربيط
والصيانه الرئيسه بتكون 10000 تغير زيوت وفلاتر
وفتح وغلق السياره من start/stop key سواء وهى على ال P او ال N لازم تتدوس فرامل
ويفضل اساسا تبطل العربيه على N وترفع الهند بريك علشان P تحميل على الفتيس وبالذات لو كنت راكن على ارض من مستويه

المشاركة الأصلية كتبت بواسطة mario maged

الحمد لله على نعمه و خيراته
بحمد الله اشتريت رينو فلوانس 2015 E3 بعد ما رأبته من اشادتكم لها
هي عربية فوق الروعة و بجد ممبسوط بيها جدااا
بس كنت عايز اعرف هي بتحتاج تليين؟ و لو اه يبقى لمدة قد ايه و اخري كام في السرعة اثناء التليين؟ مع العلم انها تقفيل تركي عشان الرجل بتاع التوكيل قاللي انها بتكون اتلينت في اوروبا الكلام ده صح؟
و اول صيانة ليها يكون بعد كام كبلو؟؟
و لما اوقف العربية و اجيبها على P و عايز اقفلها خالص ادوس على start/stop key بفرامل ولا من غير ما ادوس فرامل؟؟؟

ألف مبروك .. إختيار موفق بإذن الله
بخصوص فترة التليين المفروض أول 1000 كم لاتزيد سرعتك عن 120 : 130 كم/ساعة
ولا تزيد عدد لفات المحرك عن 3000 : 3500 rpm كما هو موصى به فى كتالوج السيارة



أول صيانة "مجانية" عند 5000 كم ويتم فيها الكشف على كل السيارة بصفة عامة ومستوى السوائل بما فيها الزيوت والكشف على العفشة وتربيطها والأجهزة الكهربائية وحل أى مشكلة أو ملاحظة لك على أداء السيارة .

بالنسبة لتشغيل وإيقاف المحرك فلابد لإدارة المحرك أن يكون ذراع الفيتيس على وضع P وتكون ضاغطا على دواسة الفرامل .
أما لإيقاف المحرك فلا يشترط الضغط على دواسة الفرامل وإن كان من الموصى به أن يكون ذراع الفيتيس على وضع N أو P .



خالص التهنئة بالسيارة الجديدة وأصدق الدعاء أن يحفظك ويحفظها من كل شر وسوء .

وتقبل تحياتى ،،،