استفسار صغير بس مستعجل

**mena elbrashe** · 20-02-2015 01:33 AM

العربية الانوس الى معايا الى مجننانى ظهر اديلى يومين حاجة غريبة اوى والعربية واقفة على السلانسية اسمع صوت كركبة فى الفبر او فى قزاز البيبان وممكن اسمعها وانا على التانى او التالت وعلى سرعة هادية اول ما اشيل رجلى من على دواسة البنزين وتهدى تحصل الكركبة دى ...دى بقا العربية واطية وﻻ كهربا وﻻ اية

**mena elbrashe** · 20-02-2015 05:57 AM

اية ماحدش عايز يعبرنى ويرد علية

**Zing0** · 20-02-2015 10:14 AM

تابع عداد الـ rpm لو فيها و أوصف لنا المؤشر على كام فى السلانسية و هل ثابت و لا فيه نتشه (بيعلى و يوطى)؟

**mhopa2440** · 20-02-2015 11:43 AM

اكيد دي لي علاقة بعدد لفات الموتور

ممكن تحتاج تنظيف بوابة وحساس الأيدل تكلفة قليلة وشوف في تحسن ولا دتخل على الخطوة التانية ف الصيانة زي البوجيهات الرشاشات الموبينة بس الاول خليك فالبوابة والايدل

**acoount** · 20-02-2015 12:05 PM

المشكله دى عندى ومجنناني على فكره بس المشكله فى اتجاهين لما بحط ايدى على زجاج الببان ما بسمعش صوت والعربيه صوتها عادى ..السؤال هو اللى يتعمل ايه عشان الزجاج ..ثانيا العربيه بتبقى فى اول الدواره طبيعى بارده لكن لما بتسخن بسمع الصوت ده .. ومتابع

**ًWilliam Karim** · 20-02-2015 02:02 PM

المشاركة الأصلية كتبت بواسطة mena elbrashe

العربية الانوس الى معايا الى مجننانى ظهر اديلى يومين حاجة غريبة اوى والعربية واقفة على السلانسية اسمع صوت كركبة فى الفبر او فى قزاز البيبان وممكن اسمعها وانا على التانى او التالت وعلى سرعة هادية اول ما اشيل رجلى من على دواسة البنزين وتهدى تحصل الكركبة دى ...دى بقا العربية واطية وﻻ كهربا وﻻ اية

يعنى تقصد أن العربية فيها رجـة جامدة ؟؟؟؟

**مصطفى-حسن** · 21-02-2015 12:03 PM

بغض النظر عن ان فية رجة فى العربية انت كدة عندك الفبر مش راكب كويس فى مكانة ومحتاج تراجع على المجرى بتاعة الزجاج وعلى مكنة الزجاج لكل الابواب اللى بتطلع صوت

لان العادى فى اى عربية حتى لو الموتور مبرجل مفيش الاصوات اللى انت بتوصفها دى

وبعد كدة موضوع برجلة الموتور ليها عدة اسباب دة فى حالة ان مؤشر الاربى ام متارجح
1 - تنضيف حساس الايدل
2 - بوجيهات
3 - سلوك بوجيهات
4 - حساس الماب بايظ او الخرطوم بتاعة واقع

لكن فى حالة الاربى ام ثابت يبقى اول حاجة هتبص عليها هيا قواعد الموتور