الموضوع: استلمت سوزوكي سويفت ديزاير 2015 - تقرير متجدد

الف مبروك يا باشا وربنا يباركلك فيها يارب

معلش عشان انا واقع دلوقتي في حيرتك دي ومحتار جدا ما بين السوزوكي سويفت ديزاير والرينو لوجان
وكنت عايزك تنصحني, وخصوصا ان في اقبال كبير جدا علي الرينو لوجان الجديدة والسويفت مش منتشرة بالدرجة

وخايف من عدم انتشار السويفت وقطع غيارها وخايف من ان الموتور بتاعها يكون ضعيف, فياريت تنصحني كدة ما بين العربيتين

بارك الله لك فيها

المشاركة الأصلية كتبت بواسطة mahmoud.fathy

حضرتك محتاج ايه من العربية أولا طلع اللوجان المانيوال برة الموضوع خلينا بين اللوجان الاوتو والديزاير .... ثانيا انت محتاج ايه من العربية.... سفر كتير وجري وشد وحرق ... ولا مشاوير مدينة وقيادة هادية وسفر كل فترة

مميزات اللوجان الاوتو .. موتور قوي 1600 و 107 حصان ... مساحة صالون وشنطة واسعة جدا ... انتشار كويس جدا ... توكيل محترم - العيوب : قطع غيار غالية جدا - استهلاك بنزين عالي اوى - التقفيل الداخلي والخامات بتاعتها مش كويسة اوي

مميزات الديزاير ... موتور وفتيس ياباني اعتمادي جدا قليل الاعطال - تقفيل داخلي ممتاز وخامات نظيفة - توفير هائل في البنزين ... امكانيات الموتور مناسبة جدا لوزن السيارة ... التكييف افضل من تكييف اللوجان - قطع غيار ارخص كثيرا من اللوجان لان قطع الغيار بتيجي من الهند .. العيوب : التوكيل مش بنفس جودة اللوجان - عدم انتشار وسعر اعادة بيع اتوقع تكون قليلة ... غير مناسبة للشد والحرق والجري والقيادة الرياضية

وتحت امرك في اى سؤال ...

ربنا يخليك يا رب النهاردة كنت في معرض المصرية للسيارات والراجل اللي قعد معايا نصحني اوي باللوجان وانها منتشرة جدا واحسن من السويفت وان اللوجان واكلة السوق

بالنسبة لنقطة البنزين فركاب اللوجان بيقولوا انها اقتصادية, هي اكيد مش زي السويفت بس اقتصادية برضه وممكن تعمل 13 او 14 كيلو للتر

هيا سعه الشطه كام لتر لو سمحت وزى ايه مثلا زى الفيرنا كده ولا اقل

مبروك .. ميروك هى متاخرة شوية بس بجد ربنا يبارك لك فيها .. وابقة احكى لنا وقيم سيارتك لتفيد الاخرين