بيجو 301 ولا سوزوكي سياز ولا اوفر واجيب لوجان

**Mohamed Awny91** · 28-04-2015 11:42 PM

المشاركة الأصلية كتبت بواسطة tantot

هى الصنى مش ف الحسبان خالص . انا سمعت ان ثباتها مش قد كده بس سعرها بالنسبة للشكل والاوبشنز معقول جدا

الصني خارج المقارنة تماما في وجهة نظري... تقفيل مصري / صاج ضعيف / مشاكل فرامل / توكيل سيء (هو هو بتاع سوزوكي) / غير ثباتها اللي مش قد كدة.... اما لو قصد حضرتك ع الفيس ليفت فهي لسة متجربتش.

**hosahamza** · 29-04-2015 10:31 PM

البيجو سياره ممتازه
معى منذ حوالى سنه ونصف
ما يسمع من مشاكل اغلبها شائعات او حالات فرديه
الاسد الفرنسي مازال يزأر
بالتوفيق ان شاء الله

**active** · 09-05-2015 01:41 PM

السياز تكسب

**crimson_153** · 09-05-2015 06:10 PM

طيب ليه مش اكسنت ار بى ؟

**شادي بدر** · 16-05-2015 02:00 PM

طيب ليه سياز وانت مغمض ... أنا بفكر أشتريها برده ... بس قلقان إنها 1400 وإنها لسه جديده

**Mohamed Awny91** · 18-05-2015 07:13 AM

المشاركة الأصلية كتبت بواسطة crimson_153

طيب ليه مش اكسنت ار بى ؟

عشان الأكسنت RB اللي فيها الأوبشنز اللي في العربيات محل المقارنة تمنها كبير جداا .. دي اول حاجة

تاني حاجة مش هتكلم عن التوكيل لأن كلو في الضياع... تالت حاجة الأكسنت ماتور بس والباقي مفيش، غير طبعا اخر تصنيف اللي مرتبها من اسوء 10 عربيات ممكن تقتلك.. واللينك اهو :)

New study reveals 10 cars most likely to kill you

**GoldenEgyption** · 08-08-2015 02:55 AM

بالنسبة للمقارنات دي أنا بقلي أسبوعين بدور على عربية في بنفس السعر تقريبا ولفيت كتير وقرأت كتير والحمد لله استقريت على عربية غير المذكورين وهي ستروين سي إليزيه
عربية ممتازة وكل ملاكها بيشكروا فيها وسعرها يتراوح مابين 121000 - 123000 [fot1]هاي لاين [/fot1] وفيها كماليات كتييييييير ده غير شكلها الحلو ووسعها من الداخل وحجم شنطتها وكفاية انها فرنسي تقفبل أسباني مش مصري ولا مغربي ولا هندي، وكمان تسليم فوري مش نحجز ويقولك بعد 3 ولا 4 شهور وربنا يسهل

بالمناسبة هي نفس مصنع بيجو 301 ولكن مع الفارق في الشكل والوكيل

ده رأيى بعد كتر لف وبحث عن سيارة في حدود المبلغ اللي معايا

وممكن حضرتك تدخل على جروب ملاك العربية على الفيس بوك وتشوف بنفسك آراء الناس المجربين
https://www.facebook.com/groups/345916432229306/

وفي كمان تقرير عنها هنا في نايل موتورز
http://www.nilemotors.net/Nile/396082-c-elysee.html

**ibrahimaly** · 12-08-2015 12:50 PM

المشاركة الأصلية كتبت بواسطة Mohamed Awny91

انا كنت مقتنع اوي ب بيجو 301 بيز لاين بس في مشاكل ظهرت ليها بعد ما الناس وصلت ل 10,000 كيلو واكتر زي التيل وخلافة.. وفجأة ظهرت الجميلة سوزوكي سياز بس لسة متجربتش بس بصراحة مفيش عربية سوزوكي خيبت قبل كدة... انا مش بتاع حرق وغرز وكلام دا واخري 120 .. انا عايز عربية كويسة ومحترمة وتكون اعطالها قليلة... رشحولي واحدة فيهم بعد إذنكم مع العلم اني معييش سحتوت زيادة ازود بيه

في رأي اخر بردو حابب اعرضو عليكما (في ناس بتقولي وفر فلوسك واحجز لوجان اتوماتيك وهاتكون اعلى فئة ب 110 وهاتنزل ان شاء الله في مارس اللي جاي )

الكلام ده فاضى 301 جميلة جدا ومفيهاش اى مشاكل وقطع غيارها فى المتناول ارخص من السياز النص توكل على الله وهات p2

**دكتور عصام** · 17-09-2015 01:46 AM

السلام عليكم ورحمة الله وبركاته
ياجماعه الوقت بيمر وحيرتى تزيد مش عارف اجيب ايه كل ما استقر على حاجه الاقى عليها كلام
حدود سعرى لحد 150 الف
وكنت محتار بين ال شارك والياريس وبعدين دلوقتى محتار بين الافيو ولوجان وسياز
يارب حد يساعدنى الوقت بيجرى وانا نوعا ما مستعجل

**oufa182** · 17-09-2015 02:46 AM

المشاركة الأصلية كتبت بواسطة دكتور عصام

السلام عليكم ورحمة الله وبركاته
ياجماعه الوقت بيمر وحيرتى تزيد مش عارف اجيب ايه كل ما استقر على حاجه الاقى عليها كلام
حدود سعرى لحد 150 الف
وكنت محتار بين ال شارك والياريس وبعدين دلوقتى محتار بين الافيو ولوجان وسياز
يارب حد يساعدنى الوقت بيجرى وانا نوعا ما مستعجل

باشا حضرتك بتتكلم ازاي ، انا اسف بس 150 الف يبقى متتكلمش قي سياز ولا لوجان .. تتكلم في نيسان سنترا ، كروز ، النترا ، سيراتو، سيات توليدو
في جروب عالفيس بوك اسمه مقارنات سيارات ادخل فيه وشوف الدنيا