الموضوع: اللعب في عداد السيارات

المشاركة الأصلية كتبت بواسطة eng_waleedn

السلام عليكم

انا بشتري عربية دلوقتي وطبعا اول حاجة بركز فيها انها عاملة كام كيلو ؟؟ فهل الموضوع دة سهل يتلعب فية ؟؟
خصوصا اني شفت عربيات كتير عدادها قليل بس حالتها تعبانه .

شكرا

وعليكم السلام ورحمة الله وبركاته
نصيحة حضرتك ماتهتمش بالعداد قوي أنا كنت زي حضرتك كده بدور على الموديل والعداد يعني لو عربيتين نفس الماركة
2008 وعداد 100 ألف كيلو
2010 وعداد 80 ألف كيلو
كنت بختار التانية وبصراحة ده مش مظبوط قوي لسببين
أولهم زي ما حضرتك قلت العداد سهل اللعب فيه كمان أنا سمعت إن سهل اللعب فيه عن طريق الموبايلات الحديثة
وثانيا مش شرط إن العداد الكبير تكون العربية وحشة
مثلا أنا أعرف عربيتين قدام عنيا واحدة 2012 وحالتها زي الفل بقالها سنة بدون مشاكل خالص مع صاحبها وكان شاريها مستعملة العداد هتستغرب والكل هيستغرب 100 ألف كيلو خلال سنتين فقط
والتانية 2014 قبل ما يكمل 20 ألف كيلو كانت مغيرة بابين ورفرف خلفي

الموضوع الحفاظ على العربية والصيانة الأول بيحافظ عليها بدرجة مبالغ فيها والتاني لما بركب معاه بتصعب عليا العربية من طريقة السواقة

ربنا يوفقك للخير