تحويل السياره مؤقتا من العمل بالغاز الى البنزين

**gomaaa** · 23-02-2015 05:40 PM

العربيه مركبلها نظام غاز من شركه غازتك ... و تانك البنزين موجود و مليان و كل حاجه ... عاوز اعرف ازاي احولها للبنزين .... هو ينفع ... حتى فيه زرار راكب مع نظام الغاز موجود في التابلوه ... لو خليته على اليمين العربيه تبقى غاز ... لو حولته ع الشمال العربيه تشتغل بنزين ... بس لما اجي احوله على البنزين العربيه متدورش .... واضح ان في حاجه بتتغير من الكبوت .... يا ريت لو حد عند معلومه يشارك ^_^

**gomaaa** · 23-02-2015 07:41 PM

نوع العربيه لادا 2105 .. كاربيراتير

**مصطفى-حسن** · 23-02-2015 08:19 PM

بص يا سيدى الفاضل وركز معايا
طالما عربيتك كربراتير يبقى طريقة التحويل كالاتى :

من بنزين لغاز : يفضل تحول وانت على طريق مفتوح مش فى الزحمة لان الزرار عندك تكة يمين وتكة فى النص وتكة شمال فلما تيجى تحول من بنزين لغاز هتجيب الزرار للتكة اللى فى النص عشان البنزين اللى فى الكربراتير يخلص والعملية دى والعربية ماشية بتاخد بتاع 8 ثوانى بعدها بتلاقى العربية روحها راحت تروح دايس على التكة الاخيرة اللى هيا غاز

غير كدة هتبرجل معاك وتلخبط واحتمال تطفى

لكن طريقة التحويل من غاز لبنزين بردو والعربية ماشية مش فى طريق زحمة وتروح واخد التكتين بسرعة وهيا هتقلب معاك علطول