سكترا وطقم كبالن

**elandlos** · 23-02-2015 05:51 PM

السلام عليكم ورحمة الله وبركاته
البدايه....
سماع صوت طقطقه فى الكوبلن الشمال عند الدوران بعنف مع القرص
افتكرت ان فيه واحد فى احدى البنزينات وانا باغسل العربيه قالى ان كاوتشة الكوبلن الشمال مقطوعه
التصرف .... ولا حاجه عملت من بنها وودن من طين وودن من عجين.....النتيجه زى ماقلت لكم بوظان الكوبلن
بعد كده روحت للميكانيكى لييييييييييييييييه لأن لو استمريت مستهبل هاتيجى العربيه فى وسط البحر وتقولى عايزه اخد غطس وانا مبعرفش اعوم ياباشا
التوابع
بصينا على العربيه ككل وجدنا الاتى:-
الاسكترا رايحه فى داهيه ............. البطاحه الشمال مقطوعه ......... فيه نقطة زيت من الفتيس وانا مصدر الطرشه .
اللى حصل
اشتريت جوز كبالن 300 جنيه تايوانى
سكترا تركى 340 جنيه
جوز بطاحات 25 جنيه
اويل سيل للفتيس (عصايه وكوبلن) 45 جنيه
علبة شحم ابرو مش فاكر بكام
طقم بوجيهات فرنساوى بالمره 45 جنيه

وانا اسف للاطاله ياريت تكون الناس اتعظت من اهمالى وطناشى والاخر نجيب العيب على العربيه وسنين العربيه وهى شأنها شأن اى ماركه عربيات اذا اهملت راحت فى داهيه ولو كانت اغلى العربيات
مع خالص تحياتى

**ehab mobarak** · 24-02-2015 10:24 AM

فيه مثل بيقول بيت المهمل يخرب قبل بيت الظالم . معلش ارجو انك تكون استفدت من التجربة دي وربنا يكفيك الشر .
انا عكسك تماما دماغه تعباه وتاعب معايا الصنيعية ومابلاقيش حد يريحني

**Hany 82** · 26-02-2015 02:23 PM

مممن تقولنا الميكانيكي اللي صلحت عنده فين ؟؟؟؟؟ و الكابالن دي نوعيتها كويسه و اسمها ايه ؟؟؟

**elandlos** · 28-02-2015 02:14 PM

المشاركة الأصلية كتبت بواسطة hany 82

مممن تقولنا الميكانيكي اللي صلحت عنده فين ؟؟؟؟؟ و الكابالن دي نوعيتها كويسه و اسمها ايه ؟؟؟

اخويا هانى سعدت بمشاركتك
بس احب الفت نظرك انا من سكان الاسكندرية وانت من القاهرة
الكبالن نوعها تايوانى 280 جنيه الجوز
حكاية هايعيشوا ولا لا دى مسأله تعتمد على استخدامك وتفهمك لعمل الكوبلن
مع خالص تحياتى