ليه تركب جيب؟
الموضوع محتاج مناقشه وتجارب الاعضاء واللي نقل من سيدان لجيب محتاجين نوصل لنتيجه تسهل على كل متردد او حالم انو يعرف يختار ويعرف ما يناسبه وانا هنقل تجربتي والله المستعان
عرض للطباعة
ليه تركب جيب؟
الموضوع محتاج مناقشه وتجارب الاعضاء واللي نقل من سيدان لجيب محتاجين نوصل لنتيجه تسهل على كل متردد او حالم انو يعرف يختار ويعرف ما يناسبه وانا هنقل تجربتي والله المستعان
فى انتظار التجارب :)
ضيف تجاربك - انا نفسى اجيب شيروكى عشان عالية عن الارض و تستحمل شوارعنا غير ان استهلاكى المعتاد بسيط 8000كم فى السنة و ادامى واحدة 1995 بسعر حلو بس بيقولى مصروفها العادى كتير و ده مقلقنى
تجربتي ببساطه بسبب طبيعة حياتي عندي ارض زراعيه بعد كفر الشيخ والزراعي طريق ربنا يبعدكو عنو المطبات معموله للنقل الملاكي مش محسوب غير فى الشتا طبعآ اسطوره من الطين والطرق العايمه كل ما يخطر علي بالك من بلاوي ويا ما اتحبست فى اماكن بسبب عدم القدره علي مواتاة الوضع واضافه لده شغلى فى مكال البناء ومعاينة المواقع طبعآ أسوأ من اللى فات طرق صخريه ورتش مباني ورمل وتحميل خامات بالتالى فكرت فدفع رباعى وكنت هشتري رانجلر 2010 لكن صاحبى طلع ندل للأسف واتكسف يقول جالو سعر اعلي بعد ما اتفقنا وباعها بالتالى متوفقتش وطبعآ عرفت صاحبي وكانت فرصه كويسه ..
فكرت فكرت فشروكي 2001 بس لاقيتهم حالات ضايعه واتوفقت فى اكس تريل والحمد لله انجاز بجد بالنسبه لكل السيدان والكروس اوفر وعملت بيها كل ما فشل في السيدان وللأسف اكتشفت موضوع غريب ان المصريين شعب جبان بجد محدش بيزنق او يعمل عبيط مع ان الاكس تريل شكلها مش مخيف زى الجيب بس عامله شغل وطبعآ احساسك فى الزحمه وانت شايف من فوق سقف العربيات ملوش حل بس فعلآ شاسيه الجيب زى الشيروكي والرانجلر اسطوره يعني تركب قاطره صلب اصلي وتلاقي مكانها في الشاسيه مرعب صلب 5 ملي موضوع ملوش تمن عشان كده ربنا يوفق فى شيروكي 2000 فما فوق الموديل ده هو الوحيد والرانجلر اللى فدماغى بس الرانجلر اسعارها بقت عبط يعنى لو هدف الرقم ده اجيب تيوتا فورتشنر ودى على شاسيه نقل مرعب انا بفكر اجيب الشيروكي دى حاله سليمه وجنبها كرولا او اي حاجه صغيره بدل ما اجيب عربيه واحده برقم كبير خصوصآ انى هنزل برادو قريبآ من بره ان شاء الله وبالنسبه للمصاريف اكيد لو الاعتماديه الكامله على الجيب هتصرف قطع غيار والبنزين مش القصه انا مش موظف بضرب 4 ساعات فى الزحمه كل يوم وطبعآ اللى استخدامو تحت ال10 الاف كيلو فى السنه يشتري عربيه 12 سلندر عادى مش هيحس بكارثه ...
وبجد يا جماعه شعور الدفع الرباعى والطريق مقفول وتقوم سايبهم وداخل فى الرمل للطريق التانى او تدخل فى منطقه وانت عارف محدش هيعرف يخش وراك دي قصة تانيه انا فاكر كنت بعمل معاينه فى سوما باي ودخلت ورا الفندق وبتوع امن الفندق كان معاهم عربيه نيفا وعربيه تاويه اوبترا انا شايفهم بيحولو يدخلو ورايا ومش عارفين وبعد ما خدت العينات وكان معايا 3 فى العربيه وانا خارج طلعت بيهم تل كده عشان اعقد بتوع الامن عشان يقابلوني لازم يلفو لفه خياليه وبعد ما نزلت وقفت استنيتهم لقيتهم جايين بيضحكو طبعآ الدفع الرباعى عالم يا جماعه له ناسو
باختصار شديد انا بحب الجيب شيروكى جدا و الحمد لله ربنا كرمنى و ابويا جبلى جيب97 كانت لقطة الحمد لله رغم انها نشفة وضيقه شوايه و ممكن تسمع شويت تزئ ف الصلون ههههههه بس عربيه عفيه جدا جدا ومتورها جبار جدا وانا بحب صوت متورها اوى وانا ماشى ف الشارع الناس بتبوص وراها بتشوف ايه صوت الوحش اللى جى ده وماره ميكروباص وسعلى الطريق و انا جى جرى من بعيد هههههههه بيخافوا منها جدا وكمان هتفدنى ان شاء الله خصوصن انى ف كليه هندسة تشييد فا هتنفعنى ف مواقع و كده زى ما قال الباشمهندس احمد ورغم انها بتاخود بنزين اكتر من السيدان بس انا شايف انها مش بتاكول بنزين اوى زى ما الناس مكبرة الموضوع بس اللى مضيقنى فيها اوى موضوع تانك البنزين الصغير اوى عالعربيه ده والحمد لله بعملها صينتها الدوريه من زيوت وكده و مريحة جدا بنسبالى والحمد لله انى عندى عربيه جيب وان شاء الله ربنا يكرمنى ب 2001 كده ان شاء الله بس بعد فترة كبيره كده وربنا يسهل عشان مش حابب الاشكال الجديده ديه من اول اللبرتى كده
مفيش اختصار احسن من كده اهو ههههههه
طيب عايزين نعمل موضوع نجمع فى اعطال الشيروكي واسبابها وازاى وتفادي اي عطل ايه رأيكو مين مشارك؟ والموضوع لكل الموديلات
أنا بالنسبة ليا الجيب بدأت غية معايا من زمان وبدأت بالرانجلر الـ yj أم فوانيس مربعة ودى الصراحة علمتنى كتير جداً وفهمتنى يعنى ايه عربية ويعنى ايه فتيس غرز ويعنى ايه كوارين وحاجات كتير - اتحولت معايا الغية لإدمان بقيت كأنى متجوزها :) - اى وقت فاضى عندى لازم اقضيه وانا باعمل اى حاجه فيها - وسافرت بره كتير وركبت عربيات كتير جيب برضه وغيره زى الجى ام سى (سوبربان) والشيفروليه (سيلفرادو) واكسبريس والدودج الرام (عجل ورا دوبل) واليوكون وكمان ركبت البيجو ٣٠٧ وبعدها نزلت عربية ايرانى اسمها سمند نفس البيجو ٣٠٧ وبصراحة احلى عربيات ركبتها غير الجيب كانت الجى ام سى سوبربان لأنها غير الشيفرولية والرام عربية تحس انها اصيلة وعمرها ماتقولك لأ ولا عمرها تشتكى من اى حاجه - وبعدين رجعت تانى للجيب بس ركبت الـ KK وانا زعلان انى مركبتش رانجلر تانى - بس الحمدلله العربية فيها كتير من صفات الرانجلر بس مريحة اكتر ومناسبة ليا ولإستخداماتى ( وقت الجد والبهدلة حتروح معاك فى اى حته)
الجيب دى إدمان وغيه لأنك بتتنازل عن شوية حاجات زى الوقت اللى لازم تقضيه معاها وانت بتعمل اى حاجه فيها + الراحة نوعاً ما خصوصاً للناس اللى قاعدين ورا :)
اللى عاوز يركب جيب عمره ماحيسأل رأى الناس ايه ولا حيدخلها فى مقارنة مع اى عربية مع انى بأعترف ان فيه عربيات كتير احسن منها - بس هى بالنسبة ليا احسن عربيات.
موضوع البنزين فى الجيب فى المقابل بتاعه : كام مره حتحك منك العربية وتزعل جاكمان ولا مقص- كام مره واحد حيلبس فيك من ورا وحيزعل جامد وانت معندكش الا حاجه بسيطة او معندكش حاجه خالص - كام مرة حتتزنق فى مطر او طين والعربيه حتمشى بيك من غير اى مشاكل او خوف لأولادك من الطريق - كام مرة غيرت فانوس ولا اشارة ولا مراية (عاوز حد يقولى فى سنة واحدة غير كام اشارة او فانوس او مراية فى عربية تانية غير الجيب)
الجيب عربيات عاوزة مراعية جامدة ولازم ايدك فيها علشان متقعش منك مش تعيش فى دور اللى راكب بلدوزر لأ لازم برضه تراعيها ومتسيبش الهوا فيها ( مع انها لو حصل فيها اى حاجه ممكن تفضل ماشية معاك مدة كبيرة من غير متتأثر ).
العربيات الجيب قطع غيارها معمرة جداً وغير اى عربية تانية - بس الحاجة تتعمل صح - العربيات منها اللى بتصرف كتير بيبقى السبب إحنا مش العربية لأنك بتروح تشترى حاجات صينى وانت متأكد من انها صينى وتعبانة بس علشان التوكيلات بيبالغوا فى قطع غيارها الأصلية مع انها فى بلدها رخيصة+ الصنايعية التعبانة وده على كل العربيات.
وبعدين قطع غيارها زى باقى العربيات دلوقتى ويمكن ارخص بكتير - هو فانوس القاشقاى بكام دلوقتى؟ ولا مراية البيجو الـ ٣٠٠٨ ولا برابريز اى عربية بكام ؟ اى حد راكب جيب هنا يقولى اخر مرة غير مساعدين كانت إمتى؟
يااه يا باشمهندس احمد ... فكرتنى بالذى مضى
نتيجة بعد منطقة سكنى عن مكان عملى ... و رداءة جزء صغير من الطريق قبل مكان الشغل مباشرة .... كنت بغير قواعد موتور و بغير جلب مقصات و عفشة كتير فى العربية السيدان .... ده غير انى عملت كيلومترات كتير على العربية ( لانسر )
فقررت انى اشترى عربية دفع رباعى تستحمل بعد المسافة و كمان ظروف الطريق ... و كنت معجب جدا بالبليزر k5 و بال S10 ..ربنا كرمنى بفلوس كانت يادوب على اد البليزر الكى 5 .. 35 الف جنيه
العربية عالية عن الارض ... صعبة فى القيادة نتيجة ارتفاع ابعاد العربية .. ناشفة جدا ... سوست ورقية امامية و خلفية
محرك 8 سلندر مزعج جدا .. ميزته انه بسيط جدا من غير حساسات ... نظام دفع رباعى بدائى ... كهربة العربية بسيطة جدا ....
كنت بشيل فيها بارات حديد بطول 3 متر جوة العربية من غير مشاكل ... الواح خشب بطول 4 متر ... تبرز قليلا من الزجاج الخلفى ... طوب ... درجات سلالم رخام .. شكاير اسمنت .. زبالة .. كله ماشى
الخطوة الجاية ان شاء الله ... لما ربنا يرزق بلوس ... لاند كروزر تعلبة او .... فى اكس ... و ربنا يكرمنا
بالفعل 90% من الجيبات فابريكه بسبب ان صعب حكهم او خبطهم وفوانيسها رخيصه ﻷنها مبتتكسؤش اصلآ وفكرتنى باللى بيخبطو ويحكو الناس العربيات الجيب بتربيهم ييتنفخ من فردة الكاوتش ييدخل تحت القاطره الخلفيه او الاماميه وياخد هديه يفتكرك بيها طول العمر
موضوع رائع الحقيقه زي كل مواضيع حضرتك
هو الحقيقه انا نفسي اركب جيب "لبيرتي" تحديدا علشان .... احس اني مستوي أعلي من البشر :d
اللي متعقد من المطبات والطرق اللي زي النيله و اللي بيتكسرله فوانيس كتير واكصدامات زي حالاتي بيبقي نفسه يركب جيب ويحطلها دفيندر امامي وخلفي وخلي .... يقرب من العربيه , ساعات بفكر اركب نيفا واركبلها دفيندر امامي وخلفي
عربيات موديل 2002 لسه فابريقه بره بالكامل تخيلوا ؟!
بس برضه الفكره ان اللي يركب جيب لازم ما يفكرش في استهلاك بنزين ولا ضريبه ولا صيانه وقطع غيار
عربيه بتيدي بريستيج تاني خالص "الشكل الجديد من 2002 وانت طالع ليبرتي وباتريوت وكوماندور و kk "
العربيه دي مناسبه لمستوي معين مع احترامي للجميع يعني ماينفعش موظف مثلا يركب جيب
كلام صحيح وانا بفضل اللي يركب جيب ميشتريش مواسير نيكل من بتاعت التريوس ويركبها ورا ولا فى الجناب لا خليك اصلى يعنى كل الجيب له القاطره الصلب الخلفيه اصلي ودي رربنا يتولى اللى هيخبطك من ورا او الناس الظريفه اللي وهى بتركن ميقفش غير لما يخبطك بجد هتسيبلهم هديه تخليهم يحسنو طريقتهم فى السواقه :M_yes[1]: والعتب اشتري اصلى حتي لو خلع من عربيه استيراد واودام نفس الوضع بلاش تركب العك اللي بيوصل للفوانيس ﻷن مفيش عربيه بتوصل للفوانيس اصلآ اكصدامك فشنطة العربيات غير كده لو خبط حد ممكن الدفندر نفسو يكسرلك وش العربيه وانا افضل القطع الاصليه وركيبة العربيات بشكل عام مبيركبوش اي حاجه فعربياتهم والله الواحد بشوف بلاوي واظرف حاجه فى الجيب تحسسك ان الناس كلها مؤدبين :wink14: ده الجبن سيد الاخلاق
http://auto.magadan.ru/talk/uploads/...11_88_1690.jpg
لتعلبه او trooper
انا مستنى الموضوع ده من زمان عايز اخد قرار جيب ولا سيدان كنت قلقان فقط من الاعتمادية و الاعطال فى الجيب
انا ليا رأى فى موضوع التويوتا الدبل كابينة :
لو انت ماشى بيها ومحمل حمولة تمام بتبقى كويسة - لكن لو لوحدك او معاك ركاب تانيين وخصوصاً على الكنبة الخلفية حتحس انك راكب مرجيحة بتبقى خفيفة جداً - كمان الناس اللى ورا حتكره عيشتها بسبب الخبط فى ضهرهم.
الموضوع بتاع العربيات بصراحة ومنطقية بيبقى حسب رغبة الواحد - كل واحد عارف استخدامه ايه واحتياجه للعربية فى إيه - بس نصيحة لكل واحد راكب عربية ومريحاه يسيب نفسه خالص بالوضع ده ومايلعبش فى حاجه :M_yes[1]: لأن العربيات الجديدة بقت زى القديمة بالظبط يعنى انت وبختك ممكن اتنين يشتروا عربيتين عالزيرو نفس الماركة والموديل فى نفس اليوم وتلاقى واحدة ماشية تمام وواحدة تعبانة من اول يوم ( اصوات طقطقة - فرامل - دبه فى العفشة - موتور بيرعش - زوايا - إلخ ) ولما تروح التوكيل تشتكى يقولولك بس استنى عليها شوية لسه بتطبع وكلام هجايص من ده - وساعات يقولولك استنى شوية حاينزل سوفت وير جديد حايظبط كل حاجه !!!!!
والملحوظة الجديدة فى العربيات الحديثة اللى عالزيرو دلوقتى ان قطع غيارها بقت بتستهلك بسرعة - فيه ناس غيرت تيل فرامل فى ماركات كتير عالزيرو مرتين وتلاتة فى ١٠ الاف كم بس وده فى التوكيل اثناء الضمان ببلاش وفرحانين جداً !!!! طيب حاتعمل ايه بعد الضمان ؟؟؟؟؟
ده كمان بالإضافة للصنايعية اللى مش راضيين يسايروا التقدم العلمى السريع فى العربيات وبيستغلوا جهل المستخدم بانهم يقعدوا يغيروا فى حاجات كتير لغاية مايوصلوا للعطل الاصلى - كلهم كده حتى لو عامل نفسه مساير للتكنلوجيا وجايب سكانر ولا لاب توب فى الورشة بتاعته وشغال على ودنه وعمال يفتى وانت تكع دم قلبك فى تغيير سنسورات وبلاوى لمده اسابيع لغاية مالعربية تتصلح !!!! وهذا الكلام ينطبق على التوكيلات ومراكز الصيانة المعتمدة كمان ساعات بتسيب العربية بالتلات شهور علشان تتصلح ويقعدوا يشتغلوك ويقولولك القطعة الناقصة اتشحنت وجاية فى الطريق وهما اصلاً مش عارفين يوصلوا للعطل - والمستخدم الغلبان ماقدامهوش حل تانى وعامل زى الغرقان المتعلق بقشاية - الكلام ده مش بقصد بيه فئة معينة من العربيات انا باقصد بيه كل العربيات الجديدة مهما زاد او قل تمنها.
علشان كده التفكير المنطقى لأى حد عملى انه يشترى عربية مستعملة سيدان يقوم يلاقى العربيات السيدان المستعملة بقت غالية مثلاً عربية سيدان بـ ٧٥ الف جنيه وبعدين يلاقى شيروكى تسعينات بنفس التمن يقوم يطمع شوية ويقول حاتنفع فى المطبات وعربية عالية - والطمع هنا مش عيب ده طمع منطقى وحق لاى حد يفكر التفكير ده - بس البنزين !!! بس الضريبة !!!!!بس قطع الغيار غالية !!!!! بس العربية مش مريحه !!!! بس !!!!! بس !!!! ومليون بس !!!! ويقعد يفكر مليون مرة يعمل ايه ؟؟؟؟؟ كلنا هذا الرجل :)
الجيب مش بتاعة بس - لو عاجباك اشتريها واركبها ولو فيها حاجه صلحها - العربية الوحيدة اللى ممكن تعمل فيها اى اصلاحات او تعديلات وحتنجح - لو فكرت وقلت بس- ماتشتريش جيب
معلش طولت عليكم بس والله انا مانا عارف ايه اللى حصل فى العربيات ؟؟؟؟
فكرتنى بموضوعين كنت عاملهم واحد مستقبل السيارات فمصر وموضوع وفاة اوبل فمصر وده بسبب كل ما سبق من كلامك ..
والجيب بالفعل موضوع ولازم الناس تفهم انها بالفعل لها ناسها اللى فاهمين دي ايه واستخدامها ايه وعترفين كل المشاكل ومتقبلنها بسبب عدم توافر بديل لهم بالقوه دى والسعر والاحتياج
انا مشارك
انا شارى العربيه اصلا عطلانه هههههههه مابطلقتش و شحنتها ودتها الحرفيين عند ميكنيكى مبيستخدمش تكنولوجيا ولا حاجه بس شاطر بصراحه و دورهالى و كان العيب ف تقسيمت السبراتير عشان صحبتها اللى شريها منها جابت كهربائى مبيفهمش عك الدنيا بس الحمد لله محرقش الكنترول فا راح مقسمها صح بطريقه عجيبه اوى و فجئنى بصراحه كنت فكروا مبيفهمش حاجه بس طلع عفريت :018a1d~146:
http://www.toyota.com.au/static/imag...ro-940x529.png
http://www.toyota.com.au/static/imag...ro-940x529.png
وبالمناسبه الجيش كان شاري هيلكس سيرف وبردك لاندكروزر hzj وجهزوها عربية اسعاف
http://www.hiluxparts.com/wp-content...4639520760.jpg
1995 Toyota Hilux 4 Runner Manual
https://encrypted-tbn3.gstatic.com/i...0TtDttHbdL-eDO
وايه اخبار الدبابة رباعي ,المفروض بتتعمل في مصر سعرها اهدي .شفت ناس مرخصين بيك اب خاصه بس اعتقد لو مترخصه نقل لشركة بتاخد اعفاءات في السنة الماليه-ارجو التصحيح.
ISUZU D-MAX
http://www.sinclairisuzuute.com.au/t...sis_silver.png
http://www.flexiglass.com.au/images/...nopy_White.jpg
http://www.caradvice.com.au/thumb/96...-D-Max-ute.jpg
طبعآ التيوتا الهايلوكس الدفع ال باعي اسطوره بمعنى الكلمه ودى اللي بيستخدمها الجيش والارهابيين وبتوع الحروب الاهليه فى افريقيا والانقلابات العسكريه فى الكونجو الخ وبيشيلو مدافع عليها واثبتت انها انجح من الهامر في كل ما سبق عربيه فعلآ اسطوره وبالفعل مبتعطلش وبتدخل في كوارث وهى علي فكره شاسيه الفورتشنر بس الاسعار خيال
الهايلكس فيها مشكلتين ....
1- سعرها كان بيبدأ من 200 الف جنيه سنة 2008 .. دبل كابينة دفع رباعى ( عالية ) .. زجاج يدوى و تكييف
غالية جدا جدا للاستعمال الشخصى
2- نمر النقل مصدر جذب لبتوع المرور ... و غلاسة خاصة بعربيات النصف نقل ... و مينفعش تطلع كبارى و لا تمشى على المحور و لا تنزل وسط البلد فى اغلب الاحوال
ده غير الترخيص السنوى و فتح ملف ضريبى للعربية
اما عن العربية نفسها ... فانا جريت بيها 160 كم/ساعة و مكنتش حاسس ان العربية بتجرى
اكبر انتشار لعربية فى افريقيا و دول الخليج
اكتر عربية اعتمادية ممكن تقابلها فى حياتك
موديلات التسعينات ممكن تعمل كل حاجة فى العربية بنفسك ... المشكلة الى صادفتها .... انسداد الفلاتر بسبب عدم نظافة الجاز
و كان فيه فلتر صغير فى حتة ضيقة بعد طرمبة الجاز على طول ... محتاج لقمة خاصة ( رفيعة ) علشان تفكه تنظفه
صديقى العزيز الباشمهندس ميكا ....
جربنا الايسوزو نصف نقل دفع رباعى ... و الميتسوبيشى دفع رباعى .. و الهايلكس
بعد عدة سنوات ... ظهر التعب على الايسوزو اولا .... العفشة باظت .... قواعد الموتور .. مشاكل تانية كتير .. و لكن رخص قطع غيارها كان بيشفع لها
الميتسوبيشى .... تعبت بعد الايسوزو بفترة
الهايلكي ... زى ما هى ... شوية حاجات خارجية ... زى الفانوس ... و خبطات فى البودى
للأسف معرفش حاجة عن موضوع اعفائات النقل
نسيتوا ليه حتة الدهب دى؟
http://i1383.photobucket.com/albums/...pse2glpq7e.jpg
FJ45 landcruiser
ماشاء الله مناقشه ممتازه جدا
طيب بفكر في ليبرتي وناس كتير بتحذرني
ايه البديل المحترم ؟
انا مختلف مع حضرتك شوية يا باشمهندس احمد
فى كثير من دول الخليج ... الناس بتستعمل الهايلكس كعربية منزلية
و بالطبع .. الهايلكس حاجة و الرام حاجة تانية .... و فضلت فترة اقارن بين الهايلكس و الرام
الرام محرك هيمى 8 سلندر ... حجمها كبير .. قوة تحمل ... بودى كبير .. صندوق صاج نصف ملى سمك .. على هيكل حديد علب 2 بوصة تقريبا ... صندوق قوى جدا
تكنولوجيا و كونترولات معقدة شوية .... و رايى الشخصى المتواضع .. عربية منظر و عمرها قصير
الرام تتقارن بالسييرا ... او بالتاندرا ... و فى رايى ... تويوتا تاندرا تكسب
الهايلكس على عكس ما ذكرته فى الرام و اعتمادية كبيرة جدا
حقول لحضرتك على رائي الشخصى نقلا من صديق عزيز ..... و اتمنى من ملاك الجيب ميزعلوش :satelite:
لو عاوز تركب دفع رباعى .... خليك فى اليابانى .. و سيبك من الامريكانى
لو عاوز تركب دفع رباعى امريكانى .... سيبك من كرايسلر و دودج و فورد.. و اركب جيمس
لو عاوز تركب كرايسلر ... سيبك من الشيروكى و اركب رانجلر
لو عاوز تركب شيروكى .... سيبك من الليبرتى ... و اركب اى شيروكى تانية
لو مصمم تركب ليبرتى ... دور على موديلات من بعد 2003 .. لان الموديلات السابقة فيها مشاكل تم تلافيها من بعد 2003 .... و الله اعلم
ربنا يستر و محدش يزعل منى :)
مش المفروض طالما gcm اي وزن المركبه بحمولتها تحت 4.5 طن تدخل المدن وتطلع كباري ومحاور عادي .امال المحلات وانشطة المدن ازاي تخدم عليهم وتفرغ وتشحن منتجاتهم .وايه الفرق مع المرور نمرنصف نقل او غير نقل طالما سواق ملتزم.
كمان ليه ملف ضريبي مخصوص للعربيه اذا كانت ملك شركة ,والشركة ككل ليها ملفها الضريبي . يعني ملف ضريبي لاصول المنشأه يعني كل عربية وكل مخرطة وكل مكبس اعملهم ملف !!!!!!
وشكرا
والله يا سيد كريم الموضوع مش سهل وانا اكتشفت ان العربيات مش بالشكل يعنى الليبرتي شكلها جميل بس بالفعل مشاكلها كتير عدا اخر موديل منها وده سعرو غالى ﻷنو نفس متور الشيروكي kk بالتالى الكل بيشترى kk وطبعآ هفضل اقول الكلمتين دول لشعب مصر كلو ان اي عربيه بدورة تبريد مغلقه لازم اول ما تشتريها تغير كل ما هو له علاقه بالميه خراطيم وريداتير وده كل الاوروبي والامريكانى انا نصيحتى لك باجيرو او فورتشنر و دول من 180 الف ل280 الف جنيه او شيروكي kk ودى الموديل العالى فصالحها وتبداء من 190 الف ل250 حسب الموديل والرانجلر نفس الوضع وبمنتهى الامانه اليابانى بجد عملاق الدفع الرباعى بس الاسعار ملهاش حل يعنى عشان تركب برادو كامله او باترول ملاكى كامل من 400 الف وانت طالع ومستعمل طبعآ لذلك الامريكي هو الوسط وسعرو فى المعقول مقارنه للآمكانيات اللى اكتر من اليابانى اللى بضعف تمنو وفظل طرق مصر الهباب وحال البلد الاهبب الدفع الرباعى بيعديك من بلاوى يعنى لو شفت الطريق مشبوه كده من بعيد او حد قاطرك تنزل عادي فى الرمل للطريق التاني وتسيبهم يولعو وشعبنا يخاف ميختشيش هتحس الناس كلها مؤدبه ومش هترش اكصدامات كل 3 شهور بسبب تريحات اللي بيركنو وزى ما انت شايف العربيات الوحيده اللي تلاقى منها فابريكه من التسعينات لليوم هى عربيات الجيب والدفع الرباعي وجه يوضح لنا كلام كتير:M_yes[1]:
كان فيه جدل من بضعة سنوات عن عدم مرور سيارات النقل فى وسط البلد ... و كانت فيه قضية .. و المحكمة حكمت باحقية مرور النقل فى وسط البلد لأن القانون ده لم يصدر من مجلس الشعب !!!!! يعنى قانون حطته الداخلية علشان متعملش زحمة فى وسط البلد .. الكلام ده تقريبا كان سنة 2010
و بالطبع .. لا يزال القانون ده مطبق بشكل عرفى
و اعتقد ان تم ادراج عدم مرور النقل على الكبارى و المحور فى تعديلات القانون الجديد
مش عارف موضوع عمل ملف ضريبى مجمع للشركة ... انما العربية النقل تعتبر مشروع يدر ربح ... يبقى لازم يكون لها ملف ضريبى و تدفع ضرائب كمان
لو حضرتك جبت مخرطة ... يعنى حتعمل بيها شغل للغير و تبيعه ... يعنى حتكسب منها فلوس .... يبقى لازم تدفع عليها ضرايب
تعمل ملف ضريبى للمحل او للشركة الى فيها المخرطة ... مش مشكلة .. المهم انك تدفع ضرايب و خلاص ... حتدفع حتدفع ... متحاولش :36_1_31:
تمام ,ماشي النقل التقيل ممنوع دخوله المدن الا بتصريح زي الانشاءات .لكن النقل الخفيف زي البيك اب لخدمات المحلات دا اساسي وحمولته تحت 4.5 طن ميضرش الطرق وكباري المدن.فيه كمان قرار ولا قانون سنة 2010 بمنع المقطورة والسماح بنص المقطوره-تريلا- ايه الميزة مش فاهم.
نيجي للملف الضريبي هنا مفيش ملف ضريبي للعربيه الضرايب بتتحسب علي ارباح المنشأة ككل .انا مثلا مورد فواكه وعندي 5 بيك ابات ازاي احسب الربحيه عليهم وهما عدة شغل زي فورك ليفت والتلاجات وغيره وغيره .كمان هنا لما بشتري مركبات وعده بتيجي علي المصروفات للشركة فالربح بيقل والضريبه كمان .حتي اصحاب العمل التجاري بيشتروا عربيات لاستخدامهم الشخصي علي اسم الشركة بضوابط.ودا بيشجع ويحرك السوق.كل المطلوب تدفع تجديد رخصة العربيه ودا حق استهلاك الطريق ورسوم الفحص الفني لو فيه بس. لكن معرفش مين الجهبز اللي ينسب ربح المنشأه لعربيه والا الافضل الناس ترجع للكارو