إستطلاع:- بتشعر بإيه و إنت داخل على لجنة فى الطريق؟؟

**Ahmed Samy** · 10-11-2008 04:57 PM

عارفين زمان

أيام المدرسة ..

كنت دايما في الفسحة تلاقي شلة عيال صيع راكنين على أي سور في الحوش و يوقفوا اي عيل غلبان و يغلسوا عليه و ممكن ياخدوا ساندوتشاته أو كرافاتته

و بيبقوا كتير ما ينفعش تضربهم و لو ضربتهم هايستنوك برا المدرسة و يضربوك أو يسرقوا شنطتك في الفسحة اللي جاية

فالحل ياإما :

يبقى ليك عزوة في المدرسة ممكن تبهدلهم = واسطة
أو تطلع واد مفتح و تتفق معاهم انك تجيبله ساندوتشات كل يوم بس ما يزعلوكش= رشوة
أو تطلع ليك ميول زيهم و تنضم ليهم = تدخل شرطة
أو ما تنزلش الفسحة خالص و خليك في الفصل = ما تسوقش عربيات

أو تضرب و ياخدوا أكلك = مخالفة و سحب رخص و تدفع في النيابة

و على فكرة
ما كان شكلك أنظف و هدومك حلوة مش هايسيبوك الا لما يقطعوا هدومك الحلوة

انما لو شكلك عادى ممكن يسيبوك أو يكون مالهومش مزاج النهاردة

و تبقى ماما كانت داعيالك يبعد عنك ...ولاد الحرام

**magdykorashy** · 10-11-2008 05:03 PM

7elwa 7kayet el madrasa de

**zalpany2000** · 10-11-2008 05:18 PM

انا عندي بادج مجلس الشعب علي العربية . وبادج جامعة القاهرة "بتاع تصريح المرور"
كان فيه امين شرطة قبل المعصرة كل يوم وانا رايح الشغل الصبح يوقفني و يشوف الرخص
بأمانة من يوم ما حطيت البادجات .. بيضرب تعظيم سلام .. مش عارف ليه...
اللي افتكرة بالخير
امين شرطة ظريف قووي... عسل يعني ... حقيقي حبيته... ده في اشارة المعادي .. راح جايلي دونا عن كل العربيات ... و بيقولي الرخص... فقلتلوا عينيا ... قعد يبص في الرخصة ويبصلي و يضحك .. فقلتولوا انا دلوقتي عرفت ليه كل اللجان بتحب تشوف التصريح بتاع المؤقت ؟؟ استغرب و سأل ليه .. قلتله الظاهر بيكتبولكم فيه نكت ..
المهم بيقولي التصريح ده منتهي "وكان التصريح فاضل ليه يومين" فقلتلو حضرتك قطعت ورقتين من النتيجة الصبح بدل ورقة .. إسأل حضرتك الظابط النهارده كام الاول وبعدين اتكلم معايا.
اخينا طبعا اتحمق.. قالي هات رخصتك انت كمان
خد الرخصة بيشوفها ... وبصلي .. قالي انت مش لابس النظارة ليه علشان في الرخصة مكتوب نظارة طبية "انا لابس نظارة شمس نظر"

قولتلوا حضرتك جرب النظارة الدلع اللي انا لابسها دي وانت تعرف انها نظر..
المهم وقف هايطق ... وبعدين اداني الرخص و مشيت

من ساعتها
شعوري و انا داخل علي اللجنة ... شعور واحد بيفتكر فيلم كوميدي ولا مسرحية لمحمد صبحي علشان حاسس اني مقبل علي فصل هزلي جديد من حياة مواطن مصري

تحياتي علي الموضوع
وشكرا

**sh23** · 10-11-2008 05:28 PM

عادي جداً
تهدئة السرعة + فلاشر + فتح الزجاج اللي جانبي +أولع سيجارة
لو ما ركزتش عيني ف عينة ها يحس أني خايف
*******
* مرة علي الطريق الزراعي بعد( قها) وقبل (بنها ) وكان يوم جمعة قبل الصلاة بساعة وقابلتني اللجنة وكنت داخل علية بالصورة اللي شارحها فوق بالضبط
* وأمين الشرطة شاورلي أقف ؛ وفعلاً وقفت تماماً وفكيت الحزام كمان ومديت إيدي أجيب المحفظة من جيب البنطلون ولسة بأطلع الرخص لقيتة راح ماشي ورايح علي العربية اللي جت من يميني
* حطيت إيدي علي الكلاكس وكمان فتحت الشباك اليمين وشاورت له تعالي ؛ وقلت له انت شاورت لي أقف وأنا وقفت رحت بسلامتك سايبني وماشي يعني أفضل واقف واعطل اللي ورايا ولا أمشي
* فوجئت بالرد أتفضل مع السلامة ؛ وكمل كلامة يا بية أحنا لينا نظرة ف الناس والطريقة اللي وقفت بيها وخرجت الرخصة من المحفظة قبل ما أطلبها معناها أنك ف السليم ؛ يا بية توكل علي الله انا أسف علي العطلة
************
ما دام الواحد في السليم ومتوكل علي الله يبقي نخاف منهم لية

**Amrrr** · 10-11-2008 08:08 PM

حسب الرخص لو سليمة مش بتفرق معايا تماماً وحاطط الطفاية تحت الكرسي في متناول يد السائق
لو في قلق في الرخص (زس دلوقتي كدة رخصة العربية خلصانة من شهر سبعة) مش بعرض نفسي للكماين يعني ولا في سقر ولا سهر بالكتير اوي الساعة 12 بالليل وحافظ اماكن الكماين اللي بتقف من بعد الساعة 12 في مصر الجديدة ومدينة نصر وببعد عنهم
وأكيد الأمر مايسلمشي برضة انا مش فكيك اوي باماكن اللجان ومواعيدها ولبست تلات اربع مرات وبأدخل بثقة والانظار والنور العالي طبعا وكل الاجراءات دي وربنا سترها
ربنا يجعل كلمنا خفيف عليهم

**SeiffoZ** · 10-11-2008 11:40 PM

نتائج الإستطلاع حتى الأن
27 فلسطينى ..
18 أوروبى
13 عراقى
13 واسطة ..
مستنيين الباقى

**thegoodhacker** · 10-11-2008 11:51 PM

انا بصراحة كان نفسي يكون فيه الاختيار ده :
شعور اللي داخل علي مجموعة من قطاع الطرق

**mody_halawa** · 11-11-2008 02:41 AM

عادى خالص بشد الحزام لو جوة البلد واقفل نور الشبورة علشان محدش يتلكك ويقولى اضواء مبهرة وبقفل الازاراللى جنبى لنصة وطبعا الاربع الابواب مسوجرين ولما بيوقفنى بفك الحزام واطلعلة المحفظة واوريلة الرخص

**hdmrdash** · 11-11-2008 03:24 AM

عادى خاص
طول ما الواحد فى السليم مفيش أدنى مشكله
مره كنت رايح بور سعيد وقفتنى لجنه على الطريق بعد الاسماعيليه جيت اطلع الرخصه من المحفظه اللى فى البنطلون كانت لازقه مش عاوزه تطلع والأمين قالى على مهلك يا فندم بالراحه
ومره تانيه على الدائرى وقفونى علشان استيكر على الزجاج المامى فوق قلت له العربيه قديمه والأستيكر قديم ومش حيطلع الا بكسر الزجاج مد ايده جوه فعلا الأستيكر كان سايح مع الزجاج وقالى مع السلامه
ومره عند كمين شبرا ألاقى يوقف عربيه بعينها قلت أقف اشوف وهات يا تفتيش فى العربيه والسواق لغايه ما ألعه الجزمه والشراب وطلع حشيش من الشراب
اغلبهم بيبقا عندهم نظره فى العربييه واللى سايقها

**sh23** · 11-11-2008 12:33 PM

المشاركة الأصلية كتبت بواسطة hdmrdash

عادى خاص
ومره عند كمين شبرا ألاقى يوقف عربيه بعينها قلت أقف اشوف وهات يا تفتيش فى العربيه والسواق لغايه ما ألعه الجزمه والشراب وطلع حشيش من الشراب
اغلبهم بيبقا عندهم نظره فى العربييه واللى سايقها

****
* اتفق معك تماما ً؛ والمنظر العام لركاب السيارة بيفرق.
* وطبيعة عمل اللجنة بتفرق( ردار & تفتيش علي الرخص & مباحث عامة & مباحث مخدرات &مباحث تنفيذ أحكام &.....) كل لجنة من دول بيبقي ليها وجهة نظر معبنة وبتركز علي فئة معينة .
* مثال بسيط - وما لهوش أي دخل بالسيارات - كثيراً ما يكون هناك بوكس شرطة واقف في ميدان الرماية وبيطلب إثبات الشخصية من الناس اللي ماشيين علي رجليهم ؛ وبيبقي واضح أنة بيركز علي أشخاص معينة وبيسيب معظمهم بمجرد الإطلاع علي البطاقة ؛ لكن في ناس بيخلهوم بيركبوا البوكس
* عموماً أنا لو ماشي صح أخاف منهم لية .
* هو بيمارس شغلة وطالما لم يتجاوز حدوده في التعامل يبقي من حقة الإطلاع علي الرخص والتأكد من حالة السيارة؛ كما أن من حقة أن نلتزم معه بأسلوب مهذب بدون تعالي ؛بدون عصبية ؛ بدونإستخام العبارة الشهيرة اللي جايبانا ورا دايما ( أنت مش عارف أنت بتكلم مين )
*ملاحظة عامة : نحن كمصريين نصدر أحكام ونعممها علي الجميع بدون وجه حق
*يعني مثلاً في كل مهنة هناك الفاسد وهناك المحترم &كما أن هناك المتقاعس وهناك المتفاني في عملة
* ياريت قبل ما نهاجم فئة ونساويها بالمحتل أو اليهود نجرب نحط نفسنا مكانهم ونشوف ها نتصرف إزاي
*لو حد فينا جرب انة يكون مسئول عن خدمة يتم التعامل فيها مع مختلف أنواع الجمهور ويشوف الضغط اللي ها يكون علية ها يخلية يتصرف معاهم إزاي ومدي العصبية التي سيكون عليها لأن كل واحد شايف أنه أحق من غيرة ؛ وكلة بيتبع مبدأ أنا ومن بعدي الطوفان

مشاهدة نتائج الإستطلاع: إيه شعورك؟؟

الموضوع: إستطلاع:- بتشعر بإيه و إنت داخل على لجنة فى الطريق؟؟

LinkBack

أدوات الموضوع

عرض

-

-

-

-

-

-

المواضيع المتشابهه

موقف غريب فى لجنة على الطريق!!

داخل كليه الطب - عندك حد داخل طب خش و اسال اللي انت عاوزه

تنصحونى بإيه؟؟؟؟؟؟؟؟؟

تنصحوني بإيه ؟

تنصحوني بإيه ؟؟

الكلمات الدلالية لهذا الموضوع

المفضلات

المفضلات

ضوابط المشاركة