الموضوع: هام جداً (تجربتى الشخصية)

[OVERLINE][/OVERLINE] السلام عليكم و رحمة الله, دى اول مشاركة ليا فى المنتدى و عربيتى فيات 132 1800, انا حبيت اشاركم تجربة شخصية عشان الكل يستفيد انا بحب الصوت العالى و عندى طقم صوت فى العربية كنت بقلد واحد صاحبى كان عندة طقم زيى و عجبنى ابتديت ب pioneer DEH-3050MP 1 rca out و جى ام سيمفونى 600 وات 4 تشانل القديم البوردة الحمراء و 4 سماعات باينوير 400 وات القديم التايلاندى و كان الصوت قوى و نقى جدا حتى فى العالى و البيز ممتازة, كان الكاسيت ابتدى يقطع فى المطبات الاسطوانات فلقيت واحد تانى مستعمل بتاع واحد باع عربيتة DEH-4050Ub 3 rca out usb ipod اللى فى اللنك دا DEH-P4050UB - Audio Receivers - Mobile Electronics : Products :: Pioneer و ركبتة لقيتة فية اعدادات اكتر بكتير من اللى فات و الصوت بقى اقوى, بعد فترة ابتدى يوش رحت اصلحة الراجل عمل وصلة بين طرف الجاك الخارجى اللى خارج للجى ام من الكاسيت و جسم الكاسيت و قالى طقم الصوت بتاعك دا تحفة متفرطش فية السماعات و الجى ام و الكاسيت القدام دول معدوش موجودين و قالى ريح السماعات و هات صب انت عندك مكان لة و الجى ام يشيلة و انا كانت اصلا ودنى بتصفر بصفة مستمرة من كتر ما بعلى الصوت و باخد علاج و مش جايب نتيجة بس الشيطان لعب فى دماغى قالى هتبقى البيز جامدة و هريح السماعات هتبقى انقى خصوصا انة كان بيركب صب alpine 1500 لواحد قدامى و صوت البيز عجبنى جدا فلفيت على اكبر صب موجود عند بتوع الاكسسوار لقيتة sony xs-gtr121l Peak power: 2000W, and rated input power: 400W اللى فى اللنك دا 30cm (12") Subwoofer | XS-GTR121L | Sony UK
و اتأكدت انة من احدث موديلات سونى من هنا Select & Compare : Xplod� Speakers / Subwoofer : Car & Marine Entertainment : Sony Asia Pacific
و قالى عندى علبة اسطوانية له شبة بتاعة ال jpl بس اكبر و ركبتة قسم السماعات على ناحية من الجى ام و الصب الناحية التانية واخد طرف من كل تشانل و سلك 1 مللى للصب و الصوت ماشاء الله حتى و الكاسيت على 1 البيز جامد بس بيزن لما اعلى قوى مظبطوش حلو مش عارف من الكاسيت ولا الجى ام الكلام دا من اسبوعين كدة المهم انا قعدت اعلى بقى عاوز اسمع البيز ودنى صفرت اكتر و ابتدت توجعنى مع انى بوطى الصوت و بعلى البيز بس و رحت ل 3 دكاترة و اخدت مضاد حيوى و مضاد التهابات و قطرة اذن و بخاخ انف و مذيب بلغم و مفيش حاجة نفعت اخر دكتور ادانى حقنة كورتيزون مجابتش مفعول و قالى اعمل مقياس سمع و ضغط اذن فى المستشفى و هعملهم يوم الاحد إن شاء الله انا بس عاوزكم تدعولى ربنا يشفينى و يهدينى عشان دعوة المؤمن لاخيه مستجابة و انا هبطل اشغل الكاسيت نهائى عشان احافظ على اللى باقى من ودانى و بقول لكل واحد عاوز يركب طقم صوت متركبش حاجة فوق قدرات ودنك اللى ربنا خلقك بيها انت لو ركبت سماعتين نضاف و كاسيت نضيف هتسمع صوت جميل و ودنك هتتعود علية و مش هتحتاج اكتر من كدة.