المشاركة الأصلية كتبت بواسطة m_love4me
حضرتك الموضوع بسيط
هتدخل ع الموقع هنا
http://www.partsouq.com/
وبعدين لو معاك البارت نمبر بتاع قطعه الغيار
هتكتبه ف الخانه بتاعت
search by number
هيجيلك القطعه ومتوافره ولا لا و الشحن بيتم خلال كام يوم ليها
وتدوس
add to cart
وبعدين تسجل بياناتك وتختار طريقه الشحن سواء دي اتش ال , او ارامكس او غيره
وعنوانك وتدفع عن طريق ال
paypal , لازم يكون عند حضرتك حساب فيه ومفعله بالفيزا بتاعتك
افرض مش متأكد من البارت نمبر , يعني مثلا معاك قطعه غيار و شاكك تكون بتاعت موديل اقدم ولا حاجه
هتختار بدل
search by number
الاختيار التاني search by vin
وتكتب رقم شاسيه العربيه كامل ال 14 رقم , ال بيكونوا موجودين تحت الزجاج الامامي , ع الشمال ف مربع صغير كدا من تحت
هيجيلك بقي كل حاجه , عربيتك موديل كام و اللون بتاعها كوده كام , واتصنعت امتي وشهر كام
و الفريم نمبر بتاعها كام
وكل الاجزاء بتاعت العربيه
تختار منها مثلا الاجزاء الميكانيكيه للموتور او الكهربا التوصيل , الطرمبه اي حاجه نفسك فيها موجوده
وتدوس على القطعه , وتكمل نفس الخطوات ال فاتت
لو محتاج تطلب اي حاجه انا تحت امرك بالتوفيق
دايما بطلب كل حاجه من هناك لما تكون مش موجوده ف التوكيل , او سعرها مبالغ فيه
لسه طالب قاعده الموتور اليمين للتيدا المكسيكي
لان ال ف التوكيل الياباني فقط وما شافوش المكسيكي قبل كدا , لان قاعده المكسيكي مختلفه فيها خوصه زياده
بتربط القاعده بالشاسيه , ودي اكيد افضل من الياباني ميه مره ,
المفضلات