الموضوع: فرن عيش تحت المنزل

السلام عليكم و رحمة الله و بركاته

في فرن عيش سياحي اتعمل تحت المنزل و مش مركب لا شفاط ولا مدخنه ولا تنده
وهواء العيش السخن و الغبار و ريحه العيش طالعه علي العماره كله و قالبه ريحه الشقق

ايه التصرف الصحيح في الموقف ده ؟

أول حاجة شكوى فى الحى : طبعا صاحب الفرن مظبتهم و مش حتاخد حاجة . الحاجات دى بتبقى سبوبة ليهم

شكوى البيئة : مش حتعملك حاجة لإن الراجل حيظبطهم برضه

عليك و على الأمن الصناعى وبا سلام لو معاك واسطة أو حد مسئول يقدر يساعدك

تجربة مماثلة حصلت معايا :

واحد فتح محل مشويات أسفل العمارة بس الكلام ده سنة 2008 و كان بيستعبط برضه كدة . عن طريق أحد المعارف وصلنا لمكتب عادل لبيب المحافظ ساعتها و بلغ الأمن الصناعى ( كنت أول مرة أعرف إن مصر فيها إدارة للأمن الصناعى ) و جم عملوا اللازم مع صاحب المحل : على طول ركب مدخنة أعلى من السطح بحوالى متر ونص و لها شاسية حديد و مثبته على واجهة العمارة الجانبية و معزولة و فيها مروحة طرد .