الموضوع: عايز اعمل نضارة نظر

هتنزل وسط البلد عند محطة مترو محمد نجيب وتسأل على محلات النضارات بيبيعوا الهاي كوبي بأسعار جملة ونصف جملة يعني النضارة اللي في المحلات ب300 جنيه ممكن تجيبها ب150 ومش هتفرقها عن الأوريجينال وفي محلات معندهمش ذمة بيبيعوها على إنها أورجينال
بعد كده هتروح محل من المحلات الكبيرة زي مغربي مثلا وتقوله عايز عدسات طبية نضيفة أعتقد في فرنساوي وسويسري وياباني كل حاجة ليها سعر هتشوف اللي في حدود إمكانياتك وتعملها عنده على النضارة الهاي كوبي لأن أهم حاجة العدسات مش الإطار والإطار هاي كوبي مش وحش
أنا شخصيا بعمل كده مرة واحدة بس اشتريت إطار rimless نوعه Police أورجينال وكان غالي بس عايش معايا يمكن أكتر من 6 سنين مشتكاش وركبت عليه العدسات السويسري والحمد لله زي الفل لا حاجة اتكسرت ولا باظت بس طبعا أهم حاجة المحافظة والاستخدام السليم

المشاركة الأصلية كتبت بواسطة abokoko

العدسات في منها زجاج وبلاستيك
ايهما افضل

في انتي رفلكش ازرق و اخضر ايهما افضل
وازاي اعرف ان الانتي رفلكش رش ولا اصلي مع العدسه

في بروان وفي رمادي
ايهما احسن


في بولاريزد
هل العدسات الطبيه ممكن تكون بولاريزد
وفي الحاله دي هيكون البولاريزد لصق ولا اصلي في العدسه

هجاوب حضرتك في اللي أعرفه بس
العدسات البلاستيك أفضل من ناحية أنها أخف في الوزن وأقل عرضة للكسر ولكن يعيبها سرعة الخدش على خلاف الزجاج
الأنتي رفلكشن الأزرق والأخضر الاتنين واحد الخلاف في اللون بس
البراون والرمادي (الفوتوبراون والفوتوجراي) ده متعلق بأشعة الشمس انهم بيغمقوا العدسات شوية للتخفيف من حدة ضوء الشمس والاتنين برده واحد والخلاف في اللون وبتختار حسب لون الشنبر
البولارايزد حسب علمي بيكون في النضارات الشمس فقط مش في الطبية معرفش ينفع تعمل عدسة طبية ملونة للشمس ومعاها بولارايزد ولا لأ
لكن هيفيدك أكتر في الرد على السؤال الأخير ده الناس بتوع النضارات نفسهم