الموضوع: الاحساس بغياب الامن والامان فى البلد دى

المشاركة الأصلية كتبت بواسطة elassar2010

ربنا يستر علينا الواحد مبقاش عارف يعمل اية ولا يروح فين يعنى اشيل دبابة فى البيت علشان احمى نفسى

لا متتعبش نفسك مش مصاريف على الفاضى
الدبابة حتتسرق

المشاركة الأصلية كتبت بواسطة esoo_90

تقدر تضيف حادثة جديدة نوفى

صحيت النهادرة الساعة 5.30 ص على صوت والدتى بتقولى الحق فى حرامى فى الصالة !!!!!!!!!
قمت بجرى لقيت الشباك مفتوح على مصرعيه وآثار جزمة الحرامى وبصيت من الشباك مفيش اى حد فى الشارع !!
ببص فى الصالة لقيت شنطة والدتى مقلوبة فى الارض ومسروق منها كل ما له قيمة.
قعدت الف فى الشقة اشوف ايه الى ناقص لقيت البيت :-
1- خالى من اى شىء اسمه موبايل.
2- مفيش فلوس فى البيت.
3- المشغولات الذهبية ودى اكبر مصيبة عشان المشغولات دى غالية جدااااااااااا.
تم الاتصال بموبينيل وايقاف جميع الخطوط.
والحمد لله كان معايا السيريل بتاع الموبايلات كله على الكمبيوتر.
تم عمل محضر شرطة والمباحث جت بصت بس مش عارف شكلهم من بوليس خالص يعنى متحسش انو فاهم هو بيعمل ايه اكنو داخل يتفرج على الشقة عشان يشتريها مش بيعاينها.
والى غاظنى ان شطنة الوالدة طبعا عليها بصماتو وخصوصا ان الشنطة كبيرة الحجم ومعظم الجوانب مسطحة يعنى مفيهاش عالى وواطى يعنى سهل جدا ارفع بصماتها وبقول للظابط يقولى لالا ملهاش لزمة !!!!!!

يعنى الحرامى نط من الشباك ودخل الشقة وقعد يلف فيها ومحدش حس بيه خالص !!!

ومما يدل على الغباء ان الحرامى - حسبى الله ونعم الوكيل فيه - مخدش بالو ان علبة الدهب فضة وتساوى فاضية الشىء الفلانى .........................

والغباء برضو الحمد لله عمل على انو مخدش بالو فى نص السكة ان المفاتيح المتعلقة على الحيطة بتاعة الشقة والعربيات فيهم ميداليات دهب وفضة. الحمد لله

انا مش عارف بعد كدة حنام ازاى فى البيت دا ؟؟؟؟؟

بس اهم حاجة الحمد لله محدش حصلو حاجة ودى طبعا اهم من اى شىء فى الدنيا.

يعنى انا لو كنت قمت فى نص الليل وشافنى كان زمانى متشرح وربنا يرحمنى.

بجد دلوقتى مش عارف افرح انى لسة عايش ولا ازعل على الحجات الى اتسرقت ؟؟؟؟

الحمد لله الذى لا يحمد على مكره سواه.


الحمد لله

الحمد لله إنك بخير أنت وعائلتك
حاول تأمن شبابيك وأبواب الشقة جيدا بتركيب حديد عليها
بصراحة موقف صعب
إيه الزمن اللى إحنا عايشين فيه دة ؟

المشاركة الأصلية كتبت بواسطة esoo_90

انا فى الدور الثانى والى مجننى ان الشباك الى دخل منه مفيش اى حاجة تحتيه بتاتا يعنى لما ابص من الشباك ده الاقى الارض على طول مفيش حاجة يطلع عليها.
الاحتمال الغريب انو يكون طلع بسلم بس دى صعبة محدش فى الشارع يلاحظها.

مش لازم يكون طلع .. ممكن يكون نزل من فوق بحبل .

المشاركة الأصلية كتبت بواسطة hanystar

الحمد لله إنك بخير أنت وعائلتك
حاول تأمن شبابيك وأبواب الشقة جيدا بتركيب حديد عليها
بصراحة موقف صعب
إيه الزمن اللى إحنا عايشين فيه دة ؟

ان شاء الله الخطوة الجاية تركيب حديد على جميع الشبابيك.

المشاركة الأصلية كتبت بواسطة MoToRiZeR

مش لازم يكون طلع .. ممكن يكون نزل من فوق بحبل .

والله ممكن كل شىء جايز فى البلد دى.

احنا عندنا من كام شهر حصلت واقعة سرقة ل 10 شقق مقفولة و اصحابها كانوا مسافرين و لاني كنت مسافر في نفس الوقت اتصلت بواحد معرفة من جهاز المدينة علشان اطمئن علي شقتي و الحمدلله كانت سليمة و بعيدة عن موقع الاحداث لكن المفاجأة ان اللي عملوا كده كانوا من الامن انفسهم هما اللي عارفين الشقق المقفولة و دخلوها عنوة و شطبوا عليها

المشاركة الأصلية كتبت بواسطة SE_coralsea

احنا عندنا من كام شهر حصلت واقعة سرقة ل 10 شقق مقفولة و اصحابها كانوا مسافرين و لاني كنت مسافر في نفس الوقت اتصلت بواحد معرفة من جهاز المدينة علشان اطمئن علي شقتي و الحمدلله كانت سليمة و بعيدة عن موقع الاحداث لكن المفاجأة ان اللي عملوا كده كانوا من الامن انفسهم هما اللي عارفين الشقق المقفولة و دخلوها عنوة و شطبوا عليها

الامن ؟؟؟؟؟؟؟؟؟؟؟؟؟
استرها يا رب