الانسر شارك السيارة التى تم أنتشالها

**solimanzaki** · 29-06-2015 04:02 PM

يا جماعه هى العربيه ده الدهان بتاعها مش ميتاليك دة الى انا حاسه واللون بيطفى بسرعه عن اي عربيه تانى

**miam0502788391** · 29-06-2015 05:41 PM

المشاركة الأصلية كتبت بواسطة solimanzaki

يا جماعه هى العربيه ده الدهان بتاعها مش ميتاليك دة الى انا حاسه واللون بيطفى بسرعه عن اي عربيه تانى

ياراااااجل
دهانها بيطفى ؟؟؟
انت مشفتش الاحمر الميتالك بتاعها

**M.Elwan** · 29-06-2015 06:47 PM

العربيه دي كقيمه مقابل سعر طبعا رائعه وعشان حققت مبيعات رائعه في الفئة دي خصوصا بعد استبدال المحرك ال١٥٠٠ ب١٦٠٠
وانها لسه ياباني وعفشتها مالتي لينك
يا سلام بقي لو كانت فتيس ٦ نقلات ستيترونيك كان حيفرق في استهلاك البنزين وحيهدي صوت الموتور
وكمان باور كهربا كان حيبقي مريح جدا في الركن وبيدي امان وانتا علي سرعه عاليه

وفي نقطة مسفزاني جدا المفروض عربيه من الفئه دي مينفعش ان مسند اليد يعتبر كماليات
عيب انه مينزلش حتجهيز اساسي في كل الفئات ده مسند يد
دي الكورولا بينزل فيها الstabilty control كتجهيز اساسي في كل الفئات حتي المانوال واحنا لسه بنتكلم في مسند يد في عربيه ياباني !!

**kholio** · 07-07-2015 06:13 AM

الفرق بين المواتير ال 1500 وال 1600 لا يذكر وتقريبا مفيش فرق الفرق ان ال 1500 كان بينزل باور كهرباء مبيحملش على الموتور لكن ال 1600 بتنزل باور زيت وليه تحميل على الموتور الفرق التاني في علبة الشكمان كانت بالعرض في ال 1500 اما في ال 1600 العلبة بقت بالطول وخنقت الموتور نوعا ما في الطلعة وخلت صوت الموتور اعلى في ال 1500 صوت الموتور اهدى بكتير
من الاخر كدة احسن واحلى شارك تتركب هي 2008 و 2009 ككماليات وتقفيل وكل شئ

**shaaban2008** · 29-07-2015 11:32 PM

المشاركة الأصلية كتبت بواسطة samihanwar

لأ متهيألك
العربيه دى للاسف منظر خارجى فقط
ضعيفه وقطع غيار غاليه وبتاكل بنزين
وعشان تبقو عارفين ان العربيه دى مش هتلاقولها سوق
والأيام بينا وهتثبت كلامى

لا لا موضوع بتاكل بنزين دي صعبة شوية
العربية معايا من 4 شهور وبصراحة ماشاء الله عليها
استهلاك بنزين مثالي جدا

**amr_elrashidy** · 08-08-2015 01:25 PM

اللي ركب المكواه و البومة فعلا ركب اخر اللانسر المحترم........الشارك عربية سعرها فقط هو اللي حلو....موتور بينعر...عفشة بتدبدب...قطع غيار غالية جدا (المراية بالاشارة الجديدة ب ٤٠٠٠ج في الرواس ).....فرامل تعبانة....تقفيل حدث ولا حرج (و الله العظيم في بعض الحليات البلاستيك في الابواب لزقها فاكك وروحنا بيها التوكيل عشان محدش يقول روح بيها فين قالولنا كل اللي نازل عامل كده ) ناهيك عن الرواس و معاملته الزفت....توكيل دايموند معقولين بس مش احسن ناس.....قصة بقي صغر الشنطة دي ممكن تكون مشكلة لناس وناس.....طيب ايه بقي المميز في العربية دي.....سعرها فقططططططططط......ملحوظة انا راكب بومه ١٦٠٠