أسعار نيو لوجان وسانديرو واستيب واي اوتوماتيك

**Mohamed Nassef** · 11-03-2015 08:12 PM

المشاركة الأصلية كتبت بواسطة islam abaza

مش ده الفتيس الستيب ترونيك زى بتاع البونتو البيقولوا عليه بيبوظ بسرعة؟

الله اعلم اللي حقوله صح ولا غلط بس الناقل اللي حضرتك بتتكلم عليه بينزل في عربية منشأ اوروبي وسعر العربية هنا 140000 جنيه فمعتقدش انهم حيحطوه في عربية مكونات اوروبية تجميع مغربي المفروض انها اقتصادية وسعرها 98000 جنيه والله اعلم ودي اول نقطة

النقطة التانية اني حاجز العربية دي ولما سالت مدير مبيعات توكيل رينو قالي العربية ناقل حركة ستيب ترونيك مش ايزي ترونيك وقالي بالحرف (لا لا يا باشا احنا مبنشتغلش في الكلام ده العربية نازلة بالناقل الستيب ترونيك اللي طول عمره بينزل في رينو !!) الله اعلم بقي يقصد نفس موديل الميجان 2005-2010 وفلوانس old shape في basic design concept ولا لاء الله اعلم..اللي اعرفه ان ممكن الفتيس يبقي نفس الفكرة بس ليه موديل برقم لوحده زي البيجو كده مثلاً كلها ستيب ترونيك بس ناقل ال 307 غير ال 308 وهكذا

معظم الناس اللي بتحط الناقل ده بتبقي بتفكر في عزم المانوال مع توفير في البنزين زي موضوع الكورولا MMT والفيكترا والاسترا Easy tronic والفولكس DSG وهكذا...ومعظمهم لقي حلول لمشاكل الفتيس وبقي بيدي عليه ضمان مدي الحياة كمان

ربنا يقدم ما فيه الخير وان شاء الله العربية تبقي عند حسن ظني وظن ناس كتير فيها

**askarfeps84** · 12-03-2015 12:05 PM

معلش ياباشا عشان كدا الواحد دماغه لفت " يعني الفئة الثالثة مانيوال يعادلها فى الاتوماتيك الفئة الثانية ال ب 103 الف جنيه صح كدا ؟ باستثناء مثبت السرعة وايه كمان من فضلك لأن عارف ان حضرتك معاك الفئة التالتة مانيوال " ربنا يباركلك فيها" ....
وسؤالي التاني من وجهة نظرك ليه المانيوال غلى مع ان المفروض العكس يحصل ؟!

**islam abaza** · 12-03-2015 01:37 PM

ا / محمد ناصف

شكرا لك على مشاركتك و افادتك و تستلم على خير ان شاء الله .
ممكن اعرف الاستلام من التوكيل بيأخد مدة قد ايه؟

تحياتى لك.

**corsair** · 15-03-2015 04:12 PM

المشاركة الأصلية كتبت بواسطة askarfeps84

معلش ياباشا عشان كدا الواحد دماغه لفت " يعني الفئة الثالثة مانيوال يعادلها فى الاتوماتيك الفئة الثانية ال ب 103 الف جنيه صح كدا ؟ باستثناء مثبت السرعة وايه كمان من فضلك لأن عارف ان حضرتك معاك الفئة التالتة مانيوال " ربنا يباركلك فيها" ....
وسؤالي التاني من وجهة نظرك ليه المانيوال غلى مع ان المفروض العكس يحصل ؟!

مفيش غير التكييف التاتش والطاره الجلد المالتي

المانيوال غلي ده طبيعة اي سنة جديدة بتهل علينا لازم الاسعار فيها تزيد سبحان الله احنا ماشيين عكس الدنيا كلها مع ان الناس كانت فاكره ان سعر النيولوجان هيقل بسبب الاتفاقية الجديدة وتخفيض سعر الضريبة الاستيرادية

وربنا يتمم لحضرتك علي خير وتحت امرك في اي استفسار اخر

المشاركة الأصلية كتبت بواسطة islam abaza

ا / محمد ناصف

شكرا لك على مشاركتك و افادتك و تستلم على خير ان شاء الله .
ممكن اعرف الاستلام من التوكيل بيأخد مدة قد ايه؟

تحياتى لك.

في واحد معرفه حجز في معرض اوتوماك وهيستلم بعد ما المعرض يخلص

**Yehya Badr** · 15-03-2015 06:49 PM

المشاركة الأصلية كتبت بواسطة islam abaza

مش ده الفتيس الستيب ترونيك زى بتاع البونتو البيقولوا عليه بيبوظ بسرعة؟

أنا سألت صفحة رينو مصر على الفيسبوك و كان ردهم أن الفتيس بتاع النيو لوجان هو الفتيس الأتوماتيك بتاع الشكل القديم بالضبط

**misho1991** · 15-03-2015 07:37 PM

المشاركة الأصلية كتبت بواسطة corsair

سانديرو اوتوماتيك الفئة الأولى سعرها 104000ج ... 2ايرباج و4زجاج وبلوتوث وusb و ومفتاح ريموت وفرامل absو فوانيس شبورة ومرايات كهرباء وكمبيوتر رحلات

سانديرو اوتوماتيك الفئة الثانية سعرها110000ج ...نفس كماليات الفئة الأولى بالإضافة إلى مثبت سرعة وتكييف اوتوماتيك وسينسور خلفى وجنوط سبور

من فضلك أنا محتارة مابين السانديرو والنيسان صني اوتوماتيك
حضرتك ترشحلي انهي؟ وهل الفرق بين الفئة الأولى والتانية في السانديرو يستاهل؟

**M.Elwan** · 17-03-2015 01:00 PM

المشاركة الأصلية كتبت بواسطة Yehya Badr

أنا سألت صفحة رينو مصر على الفيسبوك و كان ردهم أن الفتيس بتاع النيو لوجان هو الفتيس الأتوماتيك بتاع الشكل القديم بالضبط

الموضوع بسيط جدا لو شفنا صور للعربيه من المعرض لو طلع شكل الفتيس زي الصور اللي في الموضوع هنا يبقي يبقي dual clutc لو طلع شكله اوتو عادي يبقي الحمدلله والعربيه دي حتعدي

**corsair** · 17-03-2015 03:02 PM

المشاركة الأصلية كتبت بواسطة misho1991

من فضلك أنا محتارة مابين السانديرو والنيسان صني اوتوماتيك
حضرتك ترشحلي انهي؟ وهل الفرق بين الفئة الأولى والتانية في السانديرو يستاهل؟

الفرق في الشاشه ما بين الفئة الاولي والتانية في السانديرو ودي أزواق الصراحه لو بتحبي الشاشه او مش حباها

والسانديرو انا شايفها كتقفيل واوبشن وخامات افضل بكتير جدا من النيسان لكن النيسان بتتفوق بالماتور فقط لكن سعر السانديرو مبالغ فيه الصراحه لو اللوجان هتكون سعرها مناسب جدا وكمان سعر اعادة بيعها افضل بكتير لكن ممكن تشوفي السوزوكي السياز الاوتوماتيك انا شايفها افضل من النيسان صني وكمان الفئة الاولي من الانسر شارك سعرها قريب بردك وهتبقي افضل من الجميع

**askarfeps84** · 01-04-2015 12:19 PM

[QUOTE=corsair;3875901427]

مواصفات الاوتو اللي نازله وده منقول

[SIZE=5] لوجان اوتوماتيك الفئة الاولى سعرها 98000ج...2ايرباج و2زجاج كهرباء وusb وبلوتوث و مفتاح ريموت وفرامل abs

لوجان اوتوماتيك الفئة الثانية سعرها 103000ج ...نفس كماليات الفئة الاولى بالإضافة إلى2 زجاج كهرباء خلفى وفوانيس شبورة ومرايات كهرباء وكمبيوتر رحلات

لوجان اوتوماتيك الفئة الثالثة سعرها108000ج ...نفس كماليات الفئة الثانية بالإضافة إلى مثبت سرعة وتكييف اوتوماتيك وجنوط سبورت وسينسور خلفى

لوجان اوتوماتيك الفئة الرابعة سعرها 112000ج ...نفس كماليات الفئة الثالثة بالإضافة إلى شاشة تاتش

ازيك ياباشا ... معلش انت بقيت بالنسبة لينا اهم وأوضح من التوكيل والفرع وخدمة العملاء :) ..... انا كلمت فرع العبور مسئول المبيعات وقال ان الحجز على الاوتو الفئة الثالثة ال هي ب 108 خلاص انتهى .... حابب اخد رأيك في الفئة التانية وامكانياتها ولا الموضوع مش هيكون فارق كتير وميتسهلش ونوفر ونخلينا فى الفئة الاولى ... ومعلش لو حضرتك تعرف هل امكانيات الفئة التالتة الاتوماتيك الى هي معدش بتتحجز ممكن نركبها فى التوكيل زي السنسور الخلفى انا عرفت منك كدا قبل كدا طب مثبت السرعة ده ينفع يتضاف كمان ؟ معلش اسئلتي ممكن تكون غريبة لكن الواحد لسه الف باء سيارات :)

**corsair** · 04-04-2015 04:05 PM

[QUOTE=askarfeps84;3875918241]

المشاركة الأصلية كتبت بواسطة corsair

مواصفات الاوتو اللي نازله وده منقول

[SIZE=5] لوجان اوتوماتيك الفئة الاولى سعرها 98000ج...2ايرباج و2زجاج كهرباء وusb وبلوتوث و مفتاح ريموت وفرامل abs

لوجان اوتوماتيك الفئة الثانية سعرها 103000ج ...نفس كماليات الفئة الاولى بالإضافة إلى2 زجاج كهرباء خلفى وفوانيس شبورة ومرايات كهرباء وكمبيوتر رحلات

لوجان اوتوماتيك الفئة الثالثة سعرها108000ج ...نفس كماليات الفئة الثانية بالإضافة إلى مثبت سرعة وتكييف اوتوماتيك وجنوط سبورت وسينسور خلفى

لوجان اوتوماتيك الفئة الرابعة سعرها 112000ج ...نفس كماليات الفئة الثالثة بالإضافة إلى شاشة تاتش

ازيك ياباشا ... معلش انت بقيت بالنسبة لينا اهم وأوضح من التوكيل والفرع وخدمة العملاء :) ..... انا كلمت فرع العبور مسئول المبيعات وقال ان الحجز على الاوتو الفئة الثالثة ال هي ب 108 خلاص انتهى .... حابب اخد رأيك في الفئة التانية وامكانياتها ولا الموضوع مش هيكون فارق كتير وميتسهلش ونوفر ونخلينا فى الفئة الاولى ... ومعلش لو حضرتك تعرف هل امكانيات الفئة التالتة الاتوماتيك الى هي معدش بتتحجز ممكن نركبها فى التوكيل زي السنسور الخلفى انا عرفت منك كدا قبل كدا طب مثبت السرعة ده ينفع يتضاف كمان ؟ معلش اسئلتي ممكن تكون غريبة لكن الواحد لسه الف باء سيارات :)

معلش يا غالي انا بعتذرلك علي التاخير في الرد وده بسبب ظروف شغلي

والله انا من راي توفر فعلا علي نفسك كل ده وتجيب الفئة الاولي اهم حاجه عندنا هو الفرامل والامان ودول موجودين من الفئة الاولي وبالنسبة للسينسور الخلفي بيركب في التوكيل ب 550 جنيه وبرا التوكيل ب 140 جنيه لكن مثبت السرعة مبيركبش في التوكيل للاسف حتي الان انا من رأي هات الفئة الاولي وانتا اولي بالفرق ده