ازاى احسن خطى ؟

**a raafat** · 06-03-2015 12:10 PM

السلام عليكم

طول عمرى يا جماعه خطى ووووووووحش جداااااااااا ومفكرتش انى احسنه قبل كده وعمرى ما كنت اتخيل انه ممكن يسببلى مشكله لحد أمبارح وانا فى الشغل " انا لسه متعين جديد فى شئون عاملين " كنت بتعلم املا عقود عمل الموظفين المتعينين جديد والحمدلله فهمت وعرفت املى ولكن ظهرت اكبر مشكله وهيا خطى :( قالولى لازم الخط يكون حلو مينفعش خطك ده تكتب بيه عقد حاول تحسنه ونتيجه لكده كنت بقعد اكتب فى العقد " مكون من ثلاث نسح " بقعد اكتب فيه ساعه ونص واتوتر واغلط واكتب عقد من جديد وبرده خطى بيطلع اسوأ من الاول مش عارف اعمل ايه واحسن خطى ازاى ؟! خطى عامل زى العيال الصغيره -_-

مع العلم انى عايز حاجه تنجزنى معنديش اى وقت انا عندى شغلى وبرجع من الشغل الساعه 6 المغرب وعندى مزاكره ماجستير وعندى مزاكرة كورس انجليزى وعندى حاجات بقرا فيها فى وقت فراغى تفيدنى فى شغلى مش عارف الاقى وقت احسن فيه خطى أمتى وازاى -_-

ياريت تفيدونى بمقترحاتكم

**مصطفى-حسن** · 06-03-2015 12:29 PM

انا هفيدك من واقع ان الحمد لله خطى حلو

وعشان يبقى خطك حلو بسرعة هقولك على حاجة تخلى خطك يتحسن بسرعة

اولا وانت قاعد فى البيت هات ورقة وقلم وحاول ترسم الحروف
ايوة متستغربش
انت هترسم الحروف مش هتكتب الحروف

يعنى مثلا حرف حـ
حاول ترسمة اكتر من مرة بالقلم عشان يطلع فى النهاية نفس الشكل النسخ الصرف مش الرقعة
فى الاول هترسمة ببط بالقلم
وبعد كدة اسرع شوية
وبعد كدة اسرع شوية لحد ما تلاقى نفسك بتكتب الحرف بخط نسخ صرف بشكل مقبول جدا

وبعد كدة امسك حرف تانى وهكذا

خلى بالك قاعدة ذهبية فى موضوع الخط الحلو بتقول مستحيل السرعة مع الخط الحلو يجتمعوا مع بعض

ما معناة ان الف باء الخط الحلو هو التروى فى الكتابة
لكن طالما بتكتب بسرعة واستعجال مستحيل خطك يطلع جميل

**abokoko** · 06-03-2015 01:19 PM

خطى وحش لانى بكتب بسرعة
ومن ايام الدراسة كان دايما بيجيب لى الكلام

و التحقت فترة بمدرسة الخطوط
ولم لكمل معهم لانهم بيهتموا بالزخرفة ومعظم اللى فيها بيبقوا عايزين يطلعوا خطاطيين
لكن اللى زيى رايح يحسن خطه
غير مدرج فى برنامجهم

ولسه خطى وحش

**besso** · 06-03-2015 02:05 PM

انا طول عمري خطي وحش بس حاولت احسنه بالرقعه شويه
بعدين بيقولو ده خط العباقره :)

**Hobgoblin** · 06-03-2015 04:57 PM

Type on a computer

**FAR!D** · 06-03-2015 05:29 PM

جيت على الجرح و الله
ده انا قربت انافس الدكاترة في سوء الخط

**أبو آسر** · 06-03-2015 05:36 PM

حصريا تحميل كتاب علم نفسك الخطوط العربية. مجاناً PDF اونلاين 2015

لسان العرب: مجموعة كتب لتعليم الخط العربي

**طارق _عبد السلام** · 06-03-2015 05:47 PM

تخيل انى فى يوم من الايام كرهت خطى وكرهت انى اتعلمت اصلا..... لانى تقريبا كده خطاط بدون ما ادخل مدرسه خطوط.... وكنت ايام الجيش مش بعرف استريح بسبب طلبهم لى فى العمليات وشئون الافراد بسبب خطى .......!!!

هقولك على حاجه مش شرط الخطاط يكون خطه الصغير حلو لان الخط الكبير له قواعد....... متشغلش بالك بيها

المهم لتحسين خطك ..اول حاجه تكون مستريح وانت ماسك القلم ثانيه عند ضم يدك وانت ماسك القلم تكون ايدك مسنوده كويس على الورقه او المكتب يعنى تكتب باصابعك بس

ثانيا يوجد بعض حروف هتستخدمها كتير فى كتابه بتساعدك فى حروف تانيه زى حرف (د) مثلا بستخدمه كتير وانا بكتب م لاحظ حرف الميم من فوق هو تقريبا ال د....... وبردوا حرف ط و ظ...... لاحظ حرف ال د فى بدايه الحرف
وحرف ت ..ث ... ب ... لاحظ حرف د هو بدايه الحرف وايضا ق..ف حو حرف د فى البدايه وتكمل الحرف عليه........... وهكذ ا حرف ال ر بيستخدم فى تكمل الحرف مثل ى لاحظ حرف الراء فى منحى الحرف وهكذا حروف كثيره بتعتمد على رسمه حرف معين ....... اتقن رسمه الحرف الاساسى وبعدها هيكون خطك مميز جدا

ودايما حاول يكون خطك على السطر فى الكتابه واعمل لنفسلك خط وهمى اعلى السطر لحروف الكبيره وخط وهمى اسفل السطر يكون للحروف النازله عن السطر.............. بكده هيكون عندك تنسيق مميز جدا مع الحفاظ على مسافه متساويه بين كل كلمه وكلمه

اعذرنى مش عارف اشرح :) مش عارف ليه

الموضوع: ازاى احسن خطى ؟

LinkBack

أدوات الموضوع

عرض

-

-

-

-

-

المواضيع المتشابهه

سمعت ان اﻷقصى احسن مركز سكودا حتى احسن من المركز الرءيسى ايه رأيكم؟؟؟

عايز تعرف رواد الفضاء بيعيشوا ازاى بياكلوا ازاى بيناموا ازاى خش اتفرج

اضاءات مع السماعات للكمبيوتر ازاى اعملها و اية احسن مايك للكمبيوتر !؟

ازاى تحسن نفسك ف الانجليزى وتبقى احسن

الكلمات الدلالية لهذا الموضوع

المفضلات

المفضلات

ضوابط المشاركة