حضرتك تعبت معايا جدا أنا عارفه و متشكره جدا جدا
وبكرر تانى شكرى بسبب سرعه الرد والاهتمام
وأتمنى ماتقولش فى سرك كان يوم منيل يوم ما رديت عليها عشان أسئلتى كتير :Copy of rfds:
و ربنا يسعدك و ميرسى أوى
عرض للطباعة
والله يا أفندم مفيش تعب ولا حاجة , ده احنا أتشرفنا بحضرتك و الله .. :)
و لو في أي أسئلة أخري ,, لا تتردي في طرحها ..
سؤال : حضرتك قولتلي لازم دايما احدث الويندوز طيب انا هحدثه ازاي اذا كانت النسخه مضروبه ومش اصليه وبالتالي لو حدثتها مايكروسوفت هتكتشف وتوقفلي النسخه اصلي عملت كده زمان في الxp ووقفوهالي واكيد طبعا مش هشتري ويندوز اصلي بالف جنيه
وهل فعلا ويندوز 8 صعب ومش اي حد يعرف يستعمله زي ماقريت ؟طيب 8و لا 8.1 افضل ؟
وانا الكيسه بتاعتي نوعها دولفين وقريت من ناس عالنت ان الباور سابلاي بتاعها معاها شابك فيها يعني حسب مافهمت فهل ده بينفع يتغير لنوع قوي ولا الحل كيسه جديده لان الباور سابلاي القديم مش هينفع يتغير ؟
لا عادي , بينفع تحديث الوندوز حتي و لو كانت مضروبة,, و عن تجارب سابقة :d ..اقتباس:
سؤال : حضرتك قولتلي لازم دايما احدث الويندوز طيب انا هحدثه ازاي اذا كانت النسخه مضروبه ومش اصليه وبالتالي لو حدثتها مايكروسوفت هتكتشف وتوقفلي النسخه اصلي عملت كده زمان في الxp ووقفوهالي واكيد طبعا مش هشتري ويندوز اصلي بالف جنيه
وقتها بعد تحديث الوندوز, هبعت لحضرتك ملف ,, بيعمل تنشيط للوندوز ,, و مش هتفرق عن الأصلية في شئ ..
وندوز 8 ممتازة و مستقرة جدا جدا , طريقة تسطيبها زي تسطيب وندوز 7 بالضبط ,, و أيضا وندوز 8.1 ..اقتباس:
وهل فعلا ويندوز 8 صعب ومش اي حد يعرف يستعمله زي ماقريت ؟طيب 8و لا 8.1 افضل ؟
لكن أفضل أن حضرتك تستخدمي وندوز 8 ,, لحين أنطلاق وندوز 10 بالسلامة كمان 6 أشهر ..
الباورسبلاي بتعها قابل للفك عادي ,, و تركيب باورسبلاي أخر جديد مكانه ,, لا تقلقي ..اقتباس:
وانا الكيسه بتاعتي نوعها دولفين وقريت من ناس عالنت ان الباور سابلاي بتاعها معاها شابك فيها يعني حسب مافهمت فهل ده بينفع يتغير لنوع قوي ولا الحل كيسه جديده لان الباور سابلاي القديم مش هينفع يتغير ؟
:)
ميه ميه ريحت قلبي وانا نظرا لاني واثقه في الاسعار اللي قولتلي عليها هنزل مول للكمبيوتر بعد كام يوم ان شاء الله واشوف مين بيغلي ومين اسعاره زي ماقولتلي او قريبه حتي ليها عشان يبقي قلبي مطمئن وما اجيبش حاجه بسعر غالي لان لو كل محل بيغلي 200جنيه هنا و50هنا هندخل في حسابات تانيه خالص
الأفضل أنك تشتري من سوق العصر - الخليفة المأمون - مصر الجديدة ,,
هتلاقي الأسعار دي + ناس بتفهم كويس جدا في المجال ده ,,
عن نفسي بتعامل مع محلين بقالي سنيـــــــــن : Maximum Hardware في الدور الأرضي ,, و High End في الدور الثاني ..
و مبرووك عليكي مقدما يا أفندم الجهاز الجديد ..
لو هتشتري من تكنولوجي مول ,, في محل أسمه : Ram Technology ,, في الدور الثالث, جنب السلم الكهربائي الصاعد ..
ناس محترمة فيه جدا برضه و فاهمة ,, و هتلاقي الأسعار قريبة جدا من الأسعار اللي قولت لحضرتك عليها ..
ده مول ضخم للكمبيوتر أسمه " سوق العصر" بشارع الخليفة المأمون بمصر الجديدة ,,اقتباس:
ده وهل ده مول ولا ايه وفيه راكنه للعربيه جنبه ولا ايه عشان الكيسه تقيله جدا :)
أما مشكلة ركنة العربية, فللأسف هتضطري تركني صف ثاني قدامه ,, لآن فعلآ مشكلة الركنة قدامه رخمة شوية :( ..